Mae Khuru 13:30 - Buka Blahi Ka Cheke Holo

³⁰ Nu God neke fakarha fapuloni mana kau glehe!

Mae Khuru 13:30 ပူးပေါင်းရင်းမြစ်များ

Mae Khuru 2:24

Nu God ne hata fajiflani mana ka nolaghi te mala lehe na, eghuteuna ke fakarha fapuloni kau glehe. Naugna glehe na theo kaisei nogna nolaghi te mala loku famakuni mana na.

Mae Khuru 17:31

Naugna God la kulu vahinihi kaisei narane te mala fatedi naikno te gnafa ka nauthoglu igne. Mana ginauna fatedi ka puhi te doglo fara. Eghuteuna God jaola neke kulu vavahi kaisei mae te mala fatedi naikno te gnafare. Tahati te gnafa na kafe laseni igne naugna God neke fakarha fapuloni mae igne kau glehe.”

Matiu 28:6

Mana theome au agne. Mana kela kegra fapulohi glehe, jateula teke chekenihi mana ia eghu. Mei si ghopa filoni aheva teke au thinigna mana na.

Hibru 13:20

Dadaragna noda Lord Jisas fufunu gna nhaꞌa cheke te theo ka huigna teke eni God ka nogna naiknore. God mae ihei te tusu mei ranghi ghita u nogna pharikeli na neke fakarha fapuloni mae Jisas, mae biꞌo mala reireghi sipu.

Mae Khuru 10:40

Nu ka fatilo narane na God neke fakegra fapuloni mana kau karha. Eghuteuna ke leghu na, mana neke fatakleni thegna ka ghehati.

Mae Khuru 4:10

Uve, iara magnahaghei te cheke ka ghotilo goro mae biꞌo ra, nei ka ghotilo naikno te gnafa agne Israel. Mae te kegra ke ulumi ghotilo igne mana neke keli fapulo ka nanghagna mae Jisas Kraes, mae gna Nasaret. Mae ihei teke tupijuruni ghotilo kau gaju fafatha, nu God neke fakarha fapuloni mana.

Mae Khuru 3:26

Eghume God neke kulu vahini nogna mae gloku Jisas neke kulu kuru meini ka ghotilo. Mana kuru meini mae Jisas mala fablahi ghami ghotilo kate figri tagruni ghotilo nabrou glehe na.”

Mae Khuru 3:15

Eghume, ghotilo neke faleheni mae ihei te mala tusu ranghi ghita u thofno karha na. Nu God neke fakarha fapuloni mana kau glehe eghuteuna ghepa ngala teke thofno filo tathami igne.

Mae Khuru 3:13

Nodi God mae ku'edara, nodi God mae Ebraham, nei mae Isak, nei mae Jekop neke eni te filoni ghotilo igne mala fafnaknoni tahati nanghagna nogna mae gloku Thugna Jisas. Nu ghotilo neke snakreni mana ka khamedi goro mae biꞌo re. Neuba mae Paelat ne ghaoghatho mala snakre fajiflani mae Jisas, ghotilo te chekeni ka mae Paelat na ghotilo theome magnahagheni mana.

Mae Khuru 2:32

Tutuani, God neke fakarha fapuloni mae Jisas kau glehe, eghuteuna ghehati te hui na la thofno filonihi ka tathamire.

Jone 10:17

Mae Mama na namha ghau iara naugna iara magnahaghei te snakreni karhagu na mala lehe. Eghuteuna iara laseni kate lehe iara na, iara nake karha fapulo.

Jone 2:19

Mae Jisas ne cheke eghu ka mare, “Jame paꞌe soru ghotilo Sugablahi igne na, iara ginauna ke babana fapulo ka fatilo narane na.”

Mae Khuru 13:33

Eghuteuna God neke eni u nhaꞌa cheke igne ne tutuani ka tahati thudi mare re. Mana neke eni igne kate fakarha fapuloni mae Jisas kau glehe na, jateula te chekenihi ka buka Sam phei philegna, “ ‘Iagho mae Thugu iara. Funu gognaro gne, iara mae Kmamu iagho.’

Mae Khuru 13:34

God neke fakarha fapuloni mae Jisas kau glehe, mala theome boto thinigna mana na ka glose. Eghume God neke cheke eghuhi, “ ‘Tutuani fara, iara ginauna na tusu ari ka ghotilo u thofno fablahi teke nhaꞌa chekeni iara ka mae Devet ia.’

Mae Khuru 13:37

Nu mae Jisas, mae ihei teke fakarha fapuloni God igne mana neke theome boto ka gluma na jateula mae Devet.