Mae Khuru 13:3 - Buka Blahi Ka Cheke Holo

³ Aonu ke leghugna te dangna nei tarai teuna, mare ne taofidi phiamare ne kuru fajifladi.

Mae Khuru 13:3 ပူးပေါင်းရင်းမြစ်များ

Mae Khuru 6:6

Aonu, mare ne fakegradi fitu mae igre ke uludi mae khurure, mare ne taraidi nei taofidi.

Fapea Timoti 2:2

Iagho ke toutonu ranghidi mae iheire te rouronudi iagho ra eigna u farirhiu te nomhidi iagho igre teke edi iara ka naikno te kmanare. Eghuteuna mae igre ginauna jaola tangomana te mala farirhiudi keha naiknore.

Ululahu Timoti 4:14

Uve ghema Timoti, u khokofakasai te au ka iagho ana mala loku, theome mala fiti au kolho. God neke tusu ari ka iagho, kani teke cheke eimu iagho hatimare mae profet nei kani teke taofi nigho hatimare mae biꞌo ka khiloau ra.

Mae Khuru 13:2

Kate tarai nei dangna teu mare na, Tharunga te Blahi na ne cheke eghu ka mare, “Ghotilo taofidi mae Banabas ghe mae Sol mala loku ka gloku mala eni phiamare teku iara gne.”

Fatilo Jone 1:8

Eghume noda gloku tahati te mala toghodi mae igre. Kate eni igne, tahati kaisei loku fodu malagna Nonomho te Keli.

Ululahu Timoti 5:22

Ghaoghatho fakeli ame taofini nga mae ihei te mala loku ka khiloau na eghu. Kate filoni iagho mae biꞌo ka khiloau te tapla jafra ka nakhibo na, thosei ke tapla jafrala ngau iagho eghu. Nu reireghi nigho themu mala klino.

Letas Teke Riso Tei Mae Pol Ka Khiloau Rom 10:15

Ba, faꞌunha eghu ihei nate toutonuni u Nonomho te Keli na, jame te theo kaisei naikno te kuru teini God te mala toutonu ka mare na? Mana ne kurudi mare mala toutonu jateula te chekeni ka grioriso te blahi na, “Thofno keli fara te mei naiknore te mala toutonuni u Nonomho te Keli na!”

Mae Khuru 14:26

Jare phiamare saghe ka vaka neke pulo Antiok, ka namono aheva khiloau teke tusu ranghidi phiamare tifa u nolaghi malagna nodi gloku teke la mei fahuhui phiamare gognaro gne.

Mae Khuru 14:23

Mae Pol ghe mae Banabas ne vavahi keha mae te fatutuani ni Lord te mala mae baubatu ka soasopaigna khiloau. Eghuteuna snakre laodi ka Lord ka dangna nei tharai.

Naba 27:23

aonu mana habo lao khamegna na ka phaꞌugna mana ne taraini, nei cheke fajifla eigna mae Josua ginau teke batudi naikno gna Israel na. Tuana unha glepo teke chekeni Lord mala eni mana teku na.

Fapea Timoti 1:6

Naugna igne iara magnahaghei fapuhi nigho mala fabrabrana ni iagho u nolaghi teke tusu ari God tamu ka narane teke taofi nigho iara ia.

Mae Khuru 15:40

Nu mae Pol ne vahini mae Silas mala tei balugna. Eghuteuna naikno khiloaudi Antiok re ne taraidi phiamare nei snakre fajifladi ka nogna namha Lord.

Fatilo Jone 1:6

Mare ne mei toutonuni nou namha iagho na ka khiloau igne. Thofno keli fara iagho te toghodi mare ka unha te nabagna nodi thei na, mala tudu fabrahu mare nodi gloku na. Te eni iagho igne, God ginauna keli tagna fara.

Mae Khuru 9:17

Aonu mae Ananias ne tei ka sugagna mae Judas na ne taofini mae Sol. Mana ne cheke eghu, “Ghema kheraguo Sol, Lord Jisas neke kuru mei ghau iara. Mana ngala teke thakle ka iagho ia, kate ke tei iagho ka nabrou ia. Mana neke kuru mei ghau iara mala tangomana iagho teke fifilo fapulo na nei mala au balumu iagho u Tharunga te Blahi na.”

Luku 2:37

Eghuteuna ke leghugna te lehe khetogna na, naꞌa ne au kolho nabagna nhanasalei fati finogha. Anna gne theome tei kokoni u nogna Sugablahi God na nu bongi narane na naꞌa au kolho jare mala dangna nei tarai eghu.

Mae Khuru 1:24

Aonu ke leghugna igne, mare ne kafe tarai ne cheke eghu, “Lord, iagho kafe lasedi nagnafadi naikno te gnafare. Lord, vavahi ranghi ghami mae ihei ka phia mae igre

Mae Khuru 13:4

Mae Tharunga te Blahi na ne kurudi mae Banabas ghe mae Sol mala tei ka namono Selusia. Funu jare phiamare saghe ka vaka ne tei thoke ka moumolu Saeprus.