Mae Khuru 13:29 - Buka Blahi Ka Cheke Holo

²⁹ Mare neke edi ranghini mae Jisas gobigna lepo teke chekedi hatimare mae profet kau grioriso te blahi ia. Ke leghugna te faleheni mare na, mare neke hata soruni mana kau gaju fafatha na neke giugiluni kau gluma na.

Mae Khuru 13:29 ပူးပေါင်းရင်းမြစ်များ

Luku 23:53

Mae Paelat snakreni thinigna mae Jisas na ka mana. Aonu mae Josep ne hata soru thinigna mae Jisas na ka gaju fafatha na ne pipiha ka famane pohe na. Eghuteuna mae Josep tei ne lilisei ka gluma teke jou mare ka thina na. Eghuteuna gluma tuana mare neke theome lilisei nekeu kaisei naikno tagna.

Jone 19:30

Mae Jisas ne gnaignami waen te raha tuana ne cheke eghu, “La gnafahi!” Mana pogho soru pha'u na ne lehe.

Jone 19:28

Ke leghugna igne, mae Jisas la lasenihi nogna gloku na la gnafahi. Te mala horoghoto kau grioriso te blahi na mana ne cheke eghu, “Iara roi koꞌu.”

Ululahu Korin 15:4

Eghuteuna mare neke giugiluni mana, eghuteuna God neke fakarha fapuloni mana ka fatilo narane na, jateula te chekeni teu ka grioriso te blahi ia.

Mae Khuru 5:30

Ghotilo neke faleheni mae Jisas ka teke tupijuruni mana ka gaju fafatha na. Nu nodi God mae kuꞌeda tahati tifa ra neke fakarha fapuloni mana.

Luku 24:44

Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”

Mae Khuru 13:27

Iheire te au Jerusalem nei iheire te mala baubatu teuna theome filo glanini ngala mae Jisas te mae fakarhai na. Eghuteuna mare theome lase dila chekedi mae profet te iu'ijudi koba leuleghu narane Sabat. Nu cheke igre ne horoghoto fara kate fate faleheni mare mae Jisas.

Mae Khuru 4:28

Iagho la kulu ghathonihi unha te mala eni na, naugna iagho au nolaghi biꞌo. Eghuteuna naikno igre ne fathokeni ngala nou gaoghatho iagho na, ne horoghoto fara ka unha teke magnahagheni iagho na.

Mae Khuru 2:23

God neke leghuni nogna gaoghatho teke kulu nanhaꞌa tifa na ne snakreni mana mala lokini ghotilo. Eghuteuna ghotilo ne faleheni mana kate snakre lao ghotilo ka khamedi mae te diꞌa ra mala tupijuruni mare kau gaju fafatha.

Nonomho Te Keli Teke Risoi Mae Mak 15:42

Igne narane mala tarabana. Naugna keha narane na narane Sabat. Eghuteuna gognaro na la namo romnohi.

Luku 23:50

Ka narane tuana kaisei mae biꞌo nanghagna na Josep, mae gna ka namono Arimatea ka Provins Judia. Mana kaisei mae doglo nei keli fara eghu, mana kaisei mae te ofoni fabrahu teu narane te mala funei frunidi God nogna naiknore. Mana kaisei mae ka hatimare mae tothoghei fate, nu mana theome kaisei gaoghatho baludi mare te mala faleheni mae Jisas.

Mae Khuru 26:22

Nu God togho ghau iara fabrahu ngala ghilei thoke ka narane gognaro gne. Eghume iara kegra agne mala toutonuni u thofno tutuani eigna mae Jisas Kraes ranghidi naikno te gnafa te biꞌo nei ba te ikoi. Nu iara theome toutonu kaisei glepo te nhogri ka chekedi hatimare mae profet nei mae Moses eigna unha nate thoke mei.