Mae Khuru 13:25 - Buka Blahi Ka Cheke Holo

²⁵ Eghuteuna kate namo gnafa nogna gloku na, mae Jone neke cheke eghu, ‘Ghotilo ne mae ihei eghu ghau iara? Iara theome mae Kraes te ofoni ghotilo gne. Theo, mana na mei thogheiro. Iara theome nabagu te rurutha nogna sadol mana re.’

Mae Khuru 13:25 ပူးပေါင်းရင်းမြစ်များ

Matiu 3:11

“Iara faꞌapublahi ghami ghotilo ka khoꞌu fagaglana gna te hogri nagnafa ghotilo na. Nu kaisei mae te thono nolaghi fara na mana na mei ke leghugu iara, nu mana ginauna na faꞌapublahi ghami ghotilo kau Tharunga te Blahi nei kau khaꞌaghi. Mana mae ke biꞌogu iarai. Iara theome nabagu te paladi nogna sadol mana re.

Nonomho Te Keli Teke Risoi Mae Mak 1:7

Mae Jone toutonu ne cheke ka naiknore, “Mae ihei nate mei ke leghugu iara na mana mae ke biꞌogu iarai. Iara theome nabagu te pogho soru te rurutha nogna sadol mana na.

Mae Khuru 20:24

Nu iara theome nanga noguni nakarhagu na. Naugna glepo te ulu na te mala eni fagnafa iara u gloku mala eni iara teku teke tusu mei ka iara noda Lord Jisas. Gloku igne mala toutonuni iara ka naiknore eigna nogna namha biꞌo God.

Thakle 11:7

Ke leghugna te toutonuni phiamare chekegna God na, bosu te au ka glave te mamhara fara na ginau jifla mei mala magridi phiamare. Bosu igne ginauna tapla sorudi nei falehedi eghu phiamare.

Fapea Timoti 4:7

Ka nogna gloku blahi God na, iara neke hati nhetagu na jateula kaisei mae te mala chari ka fangenghele te biꞌo na ia eghu. Eghuteuna iara gognaro na thokehi ka narane mala gnafagna u fangenghele na te loku famaku teu iara nogu fatutuani gne.

Fapea Korin 4:5

Ghehati theome toutonu eimi themi, nu ghehati toutonu eigna mae Jisas Kraes na Lord. Eghuteuna ghehati nomi mae gloku ghotilo mala toutonu eigna mae Jisas.

Mae Khuru 19:4

Mae Pol ne cheke eghu ka mare, “Uve, kate apublahidi naiknore, mae Jone neke cheke ranghidi naiknore mala tughu nagnafa nei nakarha. Nu mana neke cheke ranghidi naiknore mala fatutuani ni mae ihei nate mei ke leghugna mana na. Mae igne ngala mae Jisas na.”

Mae Khuru 13:36

“Uve, kate karhagna tekeu mae Devet na, mana neke eni unha teke magnahagheni God na. Nu kate lao te lehe na, mare ne giugiluni mana baludi mae ku'egna re, eghuteuna thinigna mana na neke boto ngala ka gluma na.

Jone 7:18

Mae ihei te farirhiudi kolho nogna gaoghatho thegna re, mana fariuriu fafnaknoni kolho thegna. Nu mae ihei te fariuriu fafnaknoni mae teke kuru mei ghau iara na, naikno tuana chekeni koba u glepo te tutuani na eghuteuna mana theome lase chaghi.

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Jone 1:36

Mana filoni mae Jisas nolo te tei sala'u na ne cheke eghu ka phiamare, “Filoni mae tela ari ana! Mana ngala nogna sipu te mala fafara God na.”

Jone 1:34

Tutuani fara, iara la filonihi. Eghume unha te chekeni iara ka naiknore mae igne ngala thofno mae Thugna God na.”

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.