Mae Khuru 13:2 - Buka Blahi Ka Cheke Holo

² Kate tarai nei dangna teu mare na, Tharunga te Blahi na ne cheke eghu ka mare, “Ghotilo taofidi mae Banabas ghe mae Sol mala loku ka gloku mala eni phiamare teku iara gne.”

Mae Khuru 13:2 ပူးပေါင်းရင်းမြစ်များ

Galesia 1:15

Nu God au nogna gaoghatho malagu iara kani au nga teku iara ka thi'agna idogu na. Aonu mana neke kilo ghau iara ka nogna khokofakasai mala

Mae Khuru 9:15

Nu God ne cheke eghu ka mae Ananias, “Ghema, tei sagho! Mae igne neke vahini iara mala edi mana nogu gloku iara re. Mana ginauna cheke eigu iara ka naikno te theome Jiure ba ka nodi king re ba ka naiknodi Israel.

Fapea Timoti 1:11

God neke vahi ghau iara mala loku jateula kaisei mae khuru ba velepuhi mala toutonuni u Nonomho te Keli igne.

Ululahu Korin 12:11

Kaisei Tharunga te Blahi igne ngala te edi glepo igre leghuni unha te magnahaghei thegna. Mana tusu mei ka soasopai naikno nolaghi te mala loku ka nafnata khokofakasai igre na.

Letas Teke Riso Tei Mae Pol Ka Khiloau Rom 1:1

Iara mae Pol, kaisei nogna mae gloku Jisas Kraes. God neke kilo ghau iara mala nogna mae khuru nei mana neke vahi ghau iara mala toutonuni nogna Nonomho te Keli na.

Ululahu Timoti 2:7

Naugna igne God neke vahi ghau iara mala loku jateu kaisei mae khuru mala toutonuni u Nonomho te Keli na ranghidi iheire te theome Jiu mala fatutuani nei laseni cheke te tutuani na. Iara cheke kate tutuani, theome chaichaghi!

Mae Khuru 22:21

“Nu Lord ne cheke eghu ka iara, ‘Jifla sagho gognaro! Iara ginauna na kuru tei nigho iagho kate gaꞌu ka namono aheva te au naikno te theome Jiu.’ ”

Mae Khuru 14:26

Jare phiamare saghe ka vaka neke pulo Antiok, ka namono aheva khiloau teke tusu ranghidi phiamare tifa u nolaghi malagna nodi gloku teke la mei fahuhui phiamare gognaro gne.

Profet Daniel 9:3

Iara theome ghamu, aonu iara ne pipichi ka pohe te thona, eghuteuna iara gnokro pari ke kligna nakrofu, fagaglana gna nogu diꞌanagnafa na. Aonu iara tarai ne cheke eghu ka Lord nogu God, “God, iagho nomi funei ghehati. Iagho thofno fnakno fara. Iagho tajini fabrahu nou nhaꞌa cheke teke eni iagho baludi nou naiknore. Eghuteuna iagho namhadi iheire te namha nighore, ba iheire te leghudi nou cheke re.

Kolose 4:17

Eghuteuna ghotilo cheke ka mae Akipas mala eni fahui nogna gloku blahi teke tusu ranghini Lord na.

Luku 2:37

Eghuteuna ke leghugna te lehe khetogna na, naꞌa ne au kolho nabagna nhanasalei fati finogha. Anna gne theome tei kokoni u nogna Sugablahi God na nu bongi narane na naꞌa au kolho jare mala dangna nei tarai eghu.

Ululahu Samuel 2:11

Aonu mae Elikana ghe Hana neke figri Rama, nu mae sua Samuel au neu Saelo mala toghoni pris Eli ka nogna gloku Lord.

Fapea Timoti 2:2

Iagho ke toutonu ranghidi mae iheire te rouronudi iagho ra eigna u farirhiu te nomhidi iagho igre teke edi iara ka naikno te kmanare. Eghuteuna mae igre ginauna jaola tangomana te mala farirhiudi keha naiknore.

Efesus 3:7

Ka nogna nolaghi, God neke tusu mei ka iara khokofakasai mala toutonuni u Nonomho te Keli igne. Tutuani, neubane iko lahu ngau iara ka nogna naikno God gre, God vahi ghau iara ka nogna khokofakasai na mala tei ka naikno te theome Jiu gre mala toutonuni Nonomho te Keli eidi nogna gloku te keli fara Kraes te theome naba tahati te lasedire.

Mae Khuru 13:3

Aonu ke leghugna te dangna nei tarai teuna, mare ne taofidi phiamare ne kuru fajifladi.

Mae Khuru 10:30

Mae Konilias ne cheke eghu, “Uve ghema, gognaro na la thokehi ka fafati narane ke leghugna teke tarai iara ka sugagu na, tanhi thiloi fei grafi jateula gognaro gne eghu. Kaisei mae te poko siasigla megei nga ne thakle ke ulugu iara,

Mae Khuru 10:19

Kate hironi nga teu ngala mae Pita u gaoghathogna u mifi tuana na, u Tharunga te Blahi na ne cheke eghu ka mana, “Ghema Pita, thilo mae are mei hiro iagho.

Mae Khuru 8:29

U Tharunga te Blahi na ne cheke eghu ka mae Filip, “Tei sagho ka chariot ana mala kegra rhegnai.”

Matiu 9:38

Ghotilo tore ka God, mae khotogna nagare na, mala kuru mei kmana mae gloku mala toutonuni Nonomho te Keli igne, nei toghodi mare mala fatutuani ghau iara. Kate tei loku na, mare jateula mae te tei pulei gano ka nagare ia eghu.”

Matiu 6:16

Mae Jisas ne cheke eghu, “Gognaro na eigna te theome ghamu gano. Kate dangna na, ghotilo thosei filo uchu jateula te edi mae te chaichaghi ra eghu. Mare fadidiꞌa tathadire ka narane te dangna na. Mare eni igne, mala filo naiknore eghu kolho. Nu tutuani fara te chekeni iara ka ghotilo na, mare la kulu hatahi nodi tabare ka naiknore.

Diutronomi 10:8

Eghuteuna ka narane tuana, Lord neke vahini vikegna mae Livae mala palagna nogna Bokis Blahi Nhaꞌa cheke Lord na. Eghuteuna mae igre loku ka Suga Tapuale te Blahi na nei mala fablahidi naiknore ka nanghagna Lord. Igre nodi gloku mare te mei posa gognarogne.

Hibru 5:4

Kaisei glepo te mala ghathoni tahati na, theo kaisei naikno te vahini thegna te mala mae pris biꞌo na. Nu thegna God ngala te tangomana te mala vahini mae ihei te mala mae pris biꞌo na, jateula ngau God teke vahini mae Eron tifa ia eghu.

Fapea Timoti 4:11

Mae Luku ngala au teu balugu iara agne na naugna mae Tikikas na la kuru teinihi iara ka namono Efesus. Kate mei agne na, iara magnahaghe nigho te hata te mei balumu mae Mak, naugna mana tangomana te togho ghau iara ka nogu gloku blahi iara agne na.

Fapea Timoti 4:5

Nu iagho ghaoghatho fakeli leuleghu fata na, nei kegra maku ka narane nate thoke mei tamu naꞌau papara na. Eghuteuna iagho heta ka gloku igne mala toutonu eigna u Nonomho te Keli na nei loku fahui nou gloku blahi teke tusu ranghi nigho God na.

Fapea Korin 11:27

Iara theome thuru ka gloku biꞌo nei nakmusa. Eghuteuna kmana fata iara rofo nei roi koꞌu. Kmana fata iara dangna nei reka nei theo pohe.

Fapea Korin 6:5

Mare puri ghami nei koko lao ghami ka suga sosolo. Naiknore diꞌa tadi ghami nei magri ghami. Ghehati loku heta, keha fatare ghehati theo kaisei vido mala thuru ba te mala ghamu na.

Ululahu Korin 7:5

Nu repa jame kaisei nodi gaoghatho mala thosei thuru fodu katha vido, mala tangomana repa te snagla te mala tharai na. Nu ke leghu na repa ginauna funu thuru fodu nodi. Nu kaisei ka repa thosei thodo te snakreni thinigna na ka keha ikno na mala thuru balugna eghu. Te theo na mae Satan tangomana te fariuriuni kaisei ka repa te theome tangomana te nheta na.

Letas Teke Riso Tei Mae Pol Ka Khiloau Rom 10:15

Ba, faꞌunha eghu ihei nate toutonuni u Nonomho te Keli na, jame te theo kaisei naikno te kuru teini God te mala toutonu ka mare na? Mana ne kurudi mare mala toutonu jateula te chekeni ka grioriso te blahi na, “Thofno keli fara te mei naiknore te mala toutonuni u Nonomho te Keli na!”

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Mae Khuru 6:4

Eghuteuna mala tangomana tahati te tarai nei farirhiuni teu koba chekegna God na.”

Ululahu Kronikols 16:4

Eghuteuna mana ne vahidi keha mae Livaet mala tarai ka Lord ke ulugna Bokis Blahi igne. Nodi gloku mae igre na mala tarai ka God, nei mala tegioni mana, nei mala kilo fnaknoni Lord nodi God mae Israel.

Luku 10:1

Ke leghugna igne, mae Jisas ne vahidi keha fitusalei phei mae. Mana ne kuru fajifladi mala tei peapea mare ke ulugna mana ka namono biꞌo ba ka namono te ikodi te mala tei mana ginauna.

Mae Khuru 4:36

Jare kaisei mae khiloau ka vikegna mae Livae, nanghagna na mae Josep, mana neke karha ka moumolu te kiloi Saeprus. Mae khurure kiloni mana, mae Banabas, u gaoghathogna na, mae mala blakno eghu. Mana fofoli nogna vido glose na. Kate hata sileni na, mana leghuni puhi te mala tufa na ne tusu ranghidi hatimare mae khuru.

Mae Khuru 13:4

Mae Tharunga te Blahi na ne kurudi mae Banabas ghe mae Sol mala tei ka namono Selusia. Funu jare phiamare saghe ka vaka ne tei thoke ka moumolu Saeprus.

Matiu 17:21

Nu nafnata naitu igne tangomana te jifla mei kolho kau tarai nei dangna.”