Mae Khuru 13:19 - Buka Blahi Ka Cheke Holo

¹⁹ God neke paꞌe fahuidi fitu vike teke au ka namono Kenan, eghuteuna ke snakre lao namono tuana ka nogna naikno thegna re.

Mae Khuru 13:19 ပူးပေါင်းရင်းမြစ်များ

Diutronomi 7:1

Aonu mae Moses ne cheke eghu, “Lord, nomi God ghotilo na ginauna hata ghami ghotilo tei mala hata glose ka vikegna mae Het, nei ka vikegna mae Gigas, nei ka vikegna mae Amoa, nei ka vikegna mae Kenan, nei ka vikegna mae Peris, nei ka vikegna mae Hivi, nei ka vikegna mae Jebus. Mana ginauna ngolhi fajifladi keha naikno te au ka glose igne. Eghuteuna neuba fitu vike igre ne nheta ulu ghami ghotilo,

Nodi Khoje Hatimare Mae Jiu 78:55

Aonu kate theome posa nga teu naiknore ka vido tuana, mana neke brue fajifladi naikno bongihehe teke kulu au teku jare re. Aonu mana ne tufa nodi glose naikno bongihehere ka naiknodi Israel, eghuteuna snakredi nogna naikno thegnare mala ke khotodi nodi suga tapuale naiknore.

Mae Khuru 7:45

Ke leghu, mae Josua na neke batudi mae ku'edara neke tei magra hatini namono majaghani na ka keha vike teke kulu au jare na. God toghodi mare ne brue fadeleidi naikno bongihehe tuare mala ke ruma haghe ka namono tuana vikeda tahati ra. Kate tei vikeda tahati re ka namono majaghani igne, mare ne hata baludi suga tapuale igne. Mare neke hata ka mae kmadire suga tapuale igne, eghuteuna tathaji meu me ghilei thokeni narane gna mae King Devet.

Josua 14:1

Aonu pris biꞌo Eliesa balugna mae Josua nei mae lida ka tharakna te gnafa ka vikegna Israel, mare ne fofota glose Kenan ke mosu Khoꞌu biꞌo Jordan mala tei ka iheire te theo kaisei nodi vido glose.

Nodi Khoje Hatimare Mae Jiu 135:11

Mana neke faleheni mae king Sihon, mae ihei te king ka vikegna Amoro, nei mae king Og, nodi king hatimare maedi Besan, nei jaola falelehe fahui hatimare mae king te gnafa ka kantri Kenan.

Nehemaea 9:24

Mare tei ne hata namono igne. Iagho neke tusu lao nolaghi mala uludi mare naiknodi Kenan baludi mae king nei keha naikno teke au ka namono igne, mala tangomana mare te edi unha te magnahaghedi mare re.

Josua 24:11

“ ‘Kate kasa ghotilo ka Khoꞌu biꞌo Jordan te tei Jeriko, naiknodi Jeriko ra neke jifla mei neke magra ka ghotilo, nu iara neke togho ghami ghotilo neke uludi mare. Ke leghugna igne, vikegna mae Aoa, nei vikegna mae Peres, nei vikegna mae Kenan, nei vikegna mae Het, nei vikegna mae Gigas, nei vikegna mae Hivi, nei vikegna mae Jebus teu igre neke mei magra ka ghotilo. Nu iara neke togho ghami ghotilo neke uludi mare gnafa ka magra na.

Josua 23:4

Eghuteuna iara la snakre arihi glose te funu ka Khoꞌu biꞌo Jordan ke maghati na tei gnafa ka Thongna Mediterenian ke mosu na. Uve, iara jaola snakre arihi nodi glose keha naiknoi teke uludi tahati ka magra ra nei baludi glose ka keha naiknoi te theome uludi nga teu tahati ra.

Josua 18:10

Eghuteuna jare Saelo ke ulugna Lord, mae Josua ne lalahu khale mala laseni rijon aheva Lord nate tusu lao ka vike igre te mala khotogna na. Igne unha te eni Josua kate tufa mana rijon igre ka fitu vike te theome khotogna kaisei glose na.

Jenesis 17:8

Namono Kenan te au teu iagho gognaro igne nodi namono keha vikei. Nu iara ginauna na tusu ari ka iagho nei ka thumu iagho nate karha mei ke leghumu iagho re eghu namono igne, eghuteuna namono igne ginauna na nomi ghotilo fabrahu tifa e tifa. Eghuteuna iara ginauna mala nodi God thumu iagho re ngala.”

Jenesis 12:5

Mae Ebram ghe khetogna Sarai nei mae Lot nebugna na teure ne jifla ne tei. Mare jaola ne hata nodi mae glokure baludi nei nodi gobigna lepo teke hata ka namono Haran re eghu ne jifla ne tei ka namono Kenan. Kate mei au teuhi jare na

Jajis 11:26

Ghehati khotodihi phei namono Hesbon ghe Aroa, baludi namono ikodi te au faligohodi phei namono igre, nei baludi namono te gnafa te au ka keha philegna khoꞌu biꞌo Anon nabagna thilo gobi finogha gognarona. Igne thofno raugha farahi, eghume naugna unha ne theome mei hata ka ghehati tifa?

Ululahu Kings 6:1

Fati gobi nhanasalei finogha ke leghugna te jifla Ijep naiknodi Israel, eghuteuna ka fafati finogha King Solomon te funei fruni Israel, eghuteuna ka nhigra Sif te fapea nhigra gna finogha na, King Solomon ne funu loku ka nogna Sugablahi Lord.

Profet Isaia 34:17

Lord tufa glosegna namono igne ka mare gnafa. Eghuteuna mare ginauna au fabrahu ka namono Idom igne, eghuteuna goro sua nate karha mei ke leghure ginauna au fabrahu ka kantri igne.