Mae Khuru 13:11 - Buka Blahi Ka Cheke Holo

¹¹ Eghume gognaro na Lord na fate nigho iagho, eghuteuna iagho ginauna na dofu. Katha vido iagho ginauna na theome filoni u naprai na.” Phei tathagna mae Bajisas re ghosei ne romno soru. Aonu mana ne nolo tafri fariuriu ludeni kaisei naikno mala faloku khameni tei.

Mae Khuru 13:11 ပူးပေါင်းရင်းမြစ်များ

Nodi Khoje Hatimare Mae Jiu 32:4

Bongi narane na khamemu iagho na para ghau iara fara. Iara theo kaisei nogu nolaghi kolho, jateula khoꞌu te krango ka naprai ia eghu.

Eksodas 9:3

mana ginau na lisa lao kaisei khabru te thono diꞌa fara ka nomi hose, dongki, kamel, buluka, sipu nei nanigot teu ghotilo are.

Hibru 10:31

Glepo mamhaghuana tulao jame kaisei mae te kegra ka fate ke ulugna God mae te karha na.

Ululahu Samuel 5:11

Aonu mare ne kurudi keha mae mala tei cheke eghu ka mae funeidi Filistia, “Ghotilo hata ke pulo Bokis Blahi igne ka namonogna na, mala theome tangomana nodi God mae Israel te falehe ghita na!” Naiknogna namono igne ne kafe mhaghu nodi fara, naugna God ne goigonidi fara naiknore.

Fapea Pita 2:17

Mae velepuhi chaichaghi igre jateula glokha te moja te theo khoꞌu ia eghu. Mare jateula khoveo te pala tafri ka nuri blahi ia eghu. God kulu tarabanahi kaisei vido te romno fara maladi mare.

Jone 9:39

Mae Jisas ne cheke eghu, “Iara mei ka nauthoglu igne mala fatakle nakhibodi naiknore. Nu tathadi naikno teke dofure ke fifilo, eghuteuna naikno ne fifilohi thedi teure nake dofu.”

Thoutonu Eigna Mae Job 19:21

“Ghotilo thilo mae kheragu iara ra, kokhoni ghau iara, naugna God na la tapo ghau iara.

Letas Teke Riso Tei Mae Pol Ka Khiloau Rom 11:25

Uve kheraguro, iara magnahaghe ghami te thofno laseni glepo biꞌo te poru igne, eigna glepo te poru igne ginauna togho ghami mala thosei fahaehaghe ghotilo. God ne fapatugamadi nagnafadi mae Jiu gre ghilei thokeni narane te mala ke pulo mei ka God hatimare mae iheire te theome Jiu teke vavahi mana gre.

Mae Khuru 9:17

Aonu mae Ananias ne tei ka sugagna mae Judas na ne taofini mae Sol. Mana ne cheke eghu, “Ghema kheraguo Sol, Lord Jisas neke kuru mei ghau iara. Mana ngala teke thakle ka iagho ia, kate ke tei iagho ka nabrou ia. Mana neke kuru mei ghau iara mala tangomana iagho teke fifilo fapulo na nei mala au balumu iagho u Tharunga te Blahi na.”

Profet Isaia 29:10

Lord neke edi tathami ghotilo re mala kukape, eghuteuna au jateula mae te thuru iho fara ra eghu. Eghuteuna Lord jaola fadodofu tathadi mae profet igre mala theome tangomana mare te filoni kaisei glepo te keli nei theome togho ghami ghotilo te mala tei ka nabrou te doglo na.

Nodi Khoje Hatimare Mae Jiu 38:2

Iagho la fadi ghauhi iara ka nou jata na, nei iara la fnerahi ka khamemu iagho na.

Fapea Kings 6:8

Kaisei narane, king gna Siria mei ne magra ka maedi Israel. Leuleghu fata na mana faidu koba baludi nogna mae ofisa re, “Tahati na tei au ka kaisei vido jare Israel.”

Ululahu Samuel 5:9

Nu kate hata te tei mare ka namono igne na, Lord jaola ne neneidi naiknogna namono tuana, aonu naiknore ne mhaghu nodi fara ne ghilei fagoigoli, naugna mana ne goigonidi mare balu nhuge biꞌo ka thinidi re, neubane mae kuekuꞌe ba me majaghani.

Jenesis 19:11

Eghuteuna phia mare ne fadodofu tathadi mae te au teu ke kosi gre. Aonu mae majaghani nei mae biꞌo teura ne kafe dofu ne theome tangomana te filoni grengatha gna suga na.