Mae Khuru 13:1 - Buka Blahi Ka Cheke Holo

¹ Igre mae profet nei mae velepuhi eghu te au ka khiloau Antiok re: mae Banabas; nei mae Simion mae te kiloni mae Pipito; nei mae Lusias mae gna Saerini; nei mae Manaen mae ihei teke biꞌo haghe balugna mae funei Herod Antipas; nei mae Sol.

Mae Khuru 13:1 ပူးပေါင်းရင်းမြစ်များ

Mae Khuru 4:36

Jare kaisei mae khiloau ka vikegna mae Livae, nanghagna na mae Josep, mana neke karha ka moumolu te kiloi Saeprus. Mae khurure kiloni mana, mae Banabas, u gaoghathogna na, mae mala blakno eghu. Mana fofoli nogna vido glose na. Kate hata sileni na, mana leghuni puhi te mala tufa na ne tusu ranghidi hatimare mae khuru.

Mae Khuru 15:35

Nu mae Pol ghe mae Banabas au neu Antiok baludi keha naikno kmana langau mala farirhiudi nei toutonu ranghidi eghu naiknore chekegna Lord.

Galesia 2:9

Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Mae Khuru 13:9

Nu mae Sol, mae te kiloi Pol gne, u Tharunga te Blahi na au balugna mana. Eghuteuna mana ne filo tutu ka mae Bajisas,

Efesus 4:11

Eghuteuna Jisas mae ihei teke tusu mei ka tahati u khokofakasai te mala loku ranghini God. Mana neke vavahi keha mae mala khuru, keha mae mala profet, keha mae mala toutonu eigna Nonomho te Keli, keha mae mala velepuhi nei reireghini nogna khiloau na.

Mae Khuru 15:32

Mae Judas ghe mae Silas gre, phiamare neke mae profet la, phiamare neke chekedi kmana glepo mala toghodi nei farerhetadi teu naikno khiloau re.

Luku 3:1

Ka fabotho glima finogha gna te King biꞌo mae Taebirias na mae igre neke funei ke parigna mana. Mae Paelat neke funei ka Provins Judia. Mae Herod Antipas neke funei ka Provins Galili. Mae Filip, mae tahigna mae Herod na, neke funei ka phei nohi Ituria ghe Trakonitis. Mae Lisanias neke funei ka Provins Abileni.

Filipae 4:22

Nogna naikno God te kafe au agne teu igre, tulao naikno te loku ka sugagna mae Funei Sisa igre, magnahaghei kubae ghami ghotilo.

Galesia 2:13

Eghuteuna keha mae Jiu te fatutuani ni mae Jisas ka namono tuana jaola leghuni mae Pita ka nafnata puhi te theome doglo igne. Eghuteuna mare jaola batu fadiꞌani mae Banabas ka nafnata puhi igne.

Ululahu Korin 9:6

Jaola, mae khuru gre theome loku sileni. Nu ghepa mae Banabas loku mala togho ghami themi. Ba, ghepa ngala?

Letas Teke Riso Tei Mae Pol Ka Khiloau Rom 16:21

Timoti mae ihei te loku balugu iara gne, kubae ghami ghotilo. Eghuteuna mae Lusias nei mae Jason nei mae Sosipata mae te gnafa igre hatimare mae Jiu jateula iara eghu, mare jaola kubae ghami ghotilo.

Mae Khuru 21:9

Mana au fati thugna gaꞌase “nau kolho”, thau igre au nodi khokofakasai mala toutonuni chekegna God na.

Mae Khuru 19:6

Aonu mae Pol ne taofidi mala hatini mare u Tharunga te Blahi na. Mare ne funu cheke ka keha chekei nei toutonuni la chekegna God na.

Mae Khuru 11:30

Mare ne salo keha sileni ne tusu lao ka mae Banabas ghe mae Sol, ne hata ne tei ka goro mae biꞌo te mala baubatu gna khiloau Jerusalem.

Ululahu Tesalonika 5:20

Thosei susukuni chekedi hatimare mae profet.

Mae Khuru 12:25

Kate gnafa mae Banabas ghe mae Sol nodi gloku na jare Jerusalem na, phiamare neke pulo Antiok. Eghuteuna ka vido tuana phiamare ne hata baludi mae Jone Mak.

Mae Khuru 9:1

Mae Sol ne thono magnahaghei fara te mala lalamadi nei falehedi teu naikno te fatutuani ni mae Jisas. Aonu mana ne tei ka mae pris biꞌo na

Matiu 27:32

Ka nabrou na, mare mei ne thafoni kaisei mae nanghagna na mae Simon, maegna ka namono biꞌo Saerini. Mae soldia igre ne huhuruni mana mala pala nogna gaju fafatha mae Jisas na.

Ululahu Korin 11:4

Jame kaisei mae khiloau toku tafru pha'ugna na, kate tarai ba toutonuni chekegna God na, mana faparini Kraes.

Ululahu Korin 13:2

Eghuteuna, neuba iara ne tangomana te toutonuni chekegna God na jateula mae profet, ba lasedi fara gobigna lepo ka nauthoglu gne ba gobigna lepo te poru, ba au nogu fatutuani biꞌo te mala fathughadi thogelere, nu jame te theome namhadi iara keha naiknore, iara theo nafugu kolho.

Ululahu Korin 13:8

Nogna namha mana ranghidi keha naiknore na theome gnafa. Nu nolaghi te mala toutonuni mana chekegna God na, ginauna hui nei nogna nolaghi te mala chekeni chekegna God ka soasopai nafnata cheke na ginauna hui, nei nogna glalase biꞌo eigna puhigna God na ginauna jaola hui.

Ululahu Korin 14:29

Eghuteuna te mala toutonuni chekegna God na, theome kmana, nu phei ba thiloi ngala te mala cheke na. Eghuteuna keha naiknore mala vahi fakelini unha te toutonuni mare na.

Ululahu Korin 14:32

Mae iheire te toutonuni chekegna God na, mana tangomana te funei fruni ni nogna nolaghi thegna te mala toutonu na.