Mae Khuru 12:7 - Buka Blahi Ka Cheke Holo

⁷ Kaisei engel nogna God megei nga ne kegra neu ke lamnagna suga sosolo na, eghuteuna kaisei juta biꞌo phae lao ka vido tuana. U engel na ne taponi mae Pita ne fadofrani mana. Aonu engel na ne cheke eghu ka mana, “Ghema Pita, faghose kegra haghe sagho!” Eghuteuna phei chen teke rerini mana re ghosei ne khusu ne khoko soru ka khamegna mae Pita re.

Mae Khuru 12:7 ပူးပေါင်းရင်းမြစ်များ

Mae Khuru 5:19

Nu ka bongi tuana na kaisei engel nogna Lord na ne tora grengathagna suga sosolo na. Engel na ne batu fajifladi mae khurure ke kosi ne cheke eghu,

Mae Khuru 16:26

Kaisei nakheu biꞌo megei nga ne nghali ka khotogna u suga sosolo na. Aonu grengathagna suga na ne kafe thora. Eghuteuna chenire ne kafe khusu ne khoko soru ka khamedi mae te sosolore.

Nodi Khoje Hatimare Mae Jiu 146:7

Mana toghodi fabrahu iheire te au papara, nei faghamudi iheire te rofo. Eghuteuna hata fajifladi iheire te au ka suga sosolo ka khamedi hatimare mae naoka.

Nodi Khoje Hatimare Mae Jiu 107:14

Uve, mana neke kukusu chen teke au ka thinidire ne atha fajifladi ka suga sosolo te romno fara na.

Nodi Khoje Hatimare Mae Jiu 34:7

Nogna engel Lord na, tangomana te reireghidi iheire te ghatho tahuni mana re, nei atha fadelei ranghidi u puhi te au tadire.

Mae Khuru 10:30

Mae Konilias ne cheke eghu, “Uve ghema, gognaro na la thokehi ka fafati narane ke leghugna teke tarai iara ka sugagu na, tanhi thiloi fei grafi jateula gognaro gne eghu. Kaisei mae te poko siasigla megei nga ne thakle ke ulugu iara,

Mae Khuru 2:24

Nu God ne hata fajiflani mana ka nolaghi te mala lehe na, eghuteuna ke fakarha fapuloni kau glehe. Naugna glehe na theo kaisei nogna nolaghi te mala loku famakuni mana na.

Luku 24:4

Kate ghathoni eigna igne teu reꞌe na, phei mae te fahaghe phoko siasigla megei nga ne kegra neu rhedi reꞌe.

Luku 2:9

Kaisei engel nogna Lord megei nga kegra neu ke uludi mare, nei nogna nolaghi biꞌo Lord na ne sigla faligohodi mare. Eghuteuna hatimare ne mhaghu nodi fara.

Profet Maeka 7:9

Tahati tapla jafra neke figri tagruni Lord. Naugna igne mana diꞌatagna ka tahati. Nu ke leghu, mana ginauna phile ka tahati, eghuteuna mana ginauna fadoglidi glepo te diꞌa teke edi noda naoka ka tahati. Mana ginauna atha fajifla ghita ka naphae funu kate romno. Eghuteuna tahati ginauna filoni Lord te doglo fabrahu.

Profet Daniel 6:22

Uve king, nogu God iara na neke kuru meini nogna engel na neke fofotho foflodi lion igre mala theome ghamu ghau iara, naugna iara neke theome eni kaisei najafra ka tathagna mana na. Eghuteuna iara jaola neke theome eni kaisei puhi te diꞌa ranghi nigho iagho.”

Ululahu Kings 19:7

Eghuteuna engel nogna Lord igne mei ne fadofrani mana ne cheke eghu, “Khegra haghe ghamu. Jame te theo iagho na, iagho ginauna theome naba te tei na.”

Mae Khuru 12:23

Eghuteuna mae Herod ne snakredi naiknore mala cheke fakelini thegna kolho nei theome cheke ranghidi mala kilo fnaknoni God. Aonu kaisei engel nogna God ne fafograni mae Herod. Eghuteuna momogo ikodi ne ghamu ka thinigna mana na ne ghilei lehe.

Mae Khuru 9:3

Kate tei te namo mae Sol Damaskas na, kaisei naphae te siasigla fara funugna kligna ne megei nga ne phae faligohoni mana.

Profet Habaku 3:4

Kate mei iagho na, naiknore ginauna filoni nou nolaghi biꞌo iagho ginauna agha jateula naprai eghu ka vido te gnafa heva heva.

Profet Esikiel 43:2

Jare iara ne filoni siasiglagna nogna nolaghi biꞌo nodi God maedi Israel igne megei nga ne thakle mei ke maghati. Naoglagna te mei mana na oa'ongha jateula te poha galo ka khalaꞌera eghu, eghuteuna namono thongana igne ne agha ka siasiglagna nogna nolaghi biꞌo mana na.

Profet Isaia 60:1

Lord ne cheke eghu, “Ghotilo naiknomi Jerusalem! Ghotilo kegra haghe mala phae jateula naprai eghu! Naugna naphaegna nogna nolaghi biꞌo Lord na phae ke klignami ghotilo.

Nodi Khoje Hatimare Mae Jiu 116:16

Lord God, iara gne kaisei nou mae gloku iagho jateula idogu tifa ia eghu. Iagho neke fakarhi ghau iara kau glehe.

Ululahu Kings 19:5

Aonu mana thuru soru ke parigna gaju igne ne thuru iho. Eghuteuna kate thuru teu mana igne, kaisei engel megei nga ne mei habo ka mana ne cheke eghu, “Iagho kegra haghe ghamu.”

Thakle 18:1

Ke leghudi glepo igre, iara ne filoni keha engel na ne soru mei funu kligna. Engel igne au nolaghi biꞌo, eghuteuna siasigla gna nogna nolaghi mana na ne siasigla faligohoni mana, ne tei thoke ka namono te gnafa ka nauthoglu igne.

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Mae Khuru 12:6

Ka bongi ame fateni nga mae Pita ka keha narane na teuna, mae Pita ne thuru neu farihoteidi phei mae soldiare. Mare rerini mana ka phei chen, eghuteuna keha mae greireghire kegra neu ka grengathagna suga sosolo na.

Profet Habaku 3:11

Kate fada iagho nou khuali re, theidi khuali igre umhu fara jateula nakafli eghu, eghuteuna naprai ghe glaba igre ginauna kegra snoto.

Profet Isaia 37:30

“Aonu profet Isaia ne cheke eghu ka King Hesekaea, “Igne kaisei fagaglana malamu iagho na: Ka finogha igne ghotilo ginauna ghamu gano teke karha kolho thedi ka nagaredi tifa ra. Eghuteuna ka finogha te mei gno, ghotilo ginauna ghamu gano nate kotu mei ke leghure. Nu ka fatilo finogha gno, ghotilo ginauna tangomana te loku ka nagare mala hata gano tagna. Eghuteuna ghotilo ginauna tangomana te joꞌu grep mala ghamu sisigna na.

Fapea Samuel 22:29

Lord God, iagho nogu juta iara. Iagho eni nogu gromno iara na mala faphae.

Nodi Khoje Hatimare Mae Jiu 68:6

Mana na fofodu ka iheire te theo kheradi nei tusu ranghidi suga te mala au fakeli na. Eghuteuna mana na atha fajifladi iheire te au ka suga sosolo mala ke pulo au fakeli mare ka namono. Nu iheire te patugama fara te tirodi leghuni God re, mana ginauna lisei sorudi ka vido te thono diꞌa fara na.

Profet Jeremaea 40:1

Ka narane igne mae soldia di Babilonia gre neke atha naikno di Jerusalem nei Juda teu igre neke tei au Babilonia. Mare jaola neke atha profet Jeremaea baludi. Eghuteuna mare neke haruni mae Jeremaea baludi naiknore ka chen, atha ne tei thoke ka namono Rama. Kate au teu mare ka namono igne, mae Nebusaradan mae funei gna nogna armi mae king gna Babilonia igne ne filoni mae profet Jeremaea ne atha fajiflani mana ka sosolo. Ka narane igne Lord ne cheke ka mae Jeremaea.

Profet Daniel 3:28

King ne cheke eghu, “Tahati cheke fakelini nanghagna nodi God mae Sadrak, mae Misak nei mae Abenegho! Naugna mana ne kuru meini nogna engel na ne fakarhidi thilo nogna mae gloku te rouronu kolho ka mana igre. Thilo mae igre theome leghuni nogu cheke iara na, neke tirodi maimanihidi keha god delei re, nu thilo mare fatutuani ni nodi God na. Eghuteuna kelitadi kolho te lehe eigna nodi God na.

Matiu 2:13

Ke leghugna te jifla mare na, mae Josep thuru ne mifi. Eghuteuna, kaisei engel nogna Lord ne thakle mei ne cheke eghu ka mana, “Ghema Josep, dofra haghe! Hata sua ghe idognare mala soru ka namono Ijep, au fabrahu jare ke ghilei cheke nigho iara mala teke pulo na. Mae King Herod na hironi mae sua igne, naugna mana magnahaghei te faleheni mae sua na.”

Mae Khuru 12:8

Eghuteuna engel na neke cheke eghui ka mana, “Famamhaku fakeli nou nhugha na nei jaola nou sadol are.” Mae Pita ne leghuni chekegna engel na. Eghuteuna engel na neke cheke eghu ka mana, “Pipichi sagho nou pohe ana mala mei balugu iara.”