Mae Khuru 12:6 - Buka Blahi Ka Cheke Holo

⁶ Ka bongi ame fateni nga mae Pita ka keha narane na teuna, mae Pita ne thuru neu farihoteidi phei mae soldiare. Mare rerini mana ka phei chen, eghuteuna keha mae greireghire kegra neu ka grengathagna suga sosolo na.

Mae Khuru 12:6 ပူးပေါင်းရင်းမြစ်များ

Mae Khuru 21:33

Aonu mae funei biꞌodi mae armi re ne chekedi mae soldiare mala lokini mae Pol, eghuteuna haruni mana ka phei chen. Eghuteuna mana ne ghusna eghu ka naiknore, “Mae ihei si ignea? Unha teke eni mana na?”

Hibru 13:6

Eghume tahati jaola cheke eghu ka nagnafa te nheta, “Iara ginauna theome mhaghu naugna Lord na nogu thotogho iara. Neuba naiknore na eni kaisei glepo te diꞌa ba falehe ghau iara, iara ginauna theome tangomana te figri tagruni God na.”

Fapea Timoti 1:16

Iara toreni Lord mala kokhonini mae Onesifora nei nogna tharakna. Mana neke togho ghau iara koba eghuteuna mana neke theome mamajani te au iara ka suga sosolo na.

Efesus 6:20

Naugna iara mae gloku mala toutonuni u Nonomho te Keli igne, neubane au ka suga sosolo iara gognaro gne. Ghotilo tarai ghau iara mala theome mhaghu iara kate toutonuni Nonomho te Keli ka puhi te naba te mala eni iara na.

Mae Khuru 28:20

Eigna igne site tore ghami iara te mei ghotilo gnea, mala tangomana iara te cheke ka ghotilo na. Mare haru ghau iara ka chen igne, naugna iara fatutuani ni fara mae Jisas mae ihei tahati maedi Israel te ofoni teu meigna na.”

Mae Khuru 5:23

“Tore! Kate posa lao ghehati ka u suga sosolo na, grengathare kafe bibilakhi eghuteuna mae soldiare kafe reireghi u ngala grengathare. Nu kate tora ghehati grengathare, ghehati theome filoni ngala kaisei mae ke lamnagna suga sosolo na.”

Matiu 28:4

Mae soldia teke reireghi gna gluma na ne mhaghu nodi fara ne uka pari jateula mae tela lehehi ra neu.

Profet Jeremaea 40:4

Gognarogne iara atha koko chen igne ka khamemu iagho na mala snakre tei nigho iagho. Jame te magnahaghei mei iagho balugu iara na, tapa tangomana te tei Babilonia. Iara ginauna tangomana te reireghi fakeli nigho iagho na. Nu jame te tirou tei iagho na, keliu kolho. Filo sagho. Glose te au ke ulumu iagho ana, iagho snagla tangomana te tei ka namono aheva te magnahaghei tei iagho na.”

Nodi Khoje Hatimare Mae Jiu 4:8

Lord, kaisei iagho ngala te reireghi ghau iara te mala au fakeli iara na. Iara gne theome tangomana te mhaghuni kaisei glepo na. Kate thuru na, iara thuru blakno.

Jenesis 22:14

Aonu mae Ebraham ne kiloni vido igne, “Lord ginauna na tusu mei ranghi ghita.” Eghuteuna gognaro ba gne tahati tangomana te kafe cheke eghu na, “Ke kligna gna thogele na Lord ginauna na tusu mei ranghi ghita unha te magnahagheni tahati na.”

Diutronomi 32:26

Te chekeni iara na, iara ginauna ngolho fajifla ghami ghotilo, eghuteuna theo kaisei naikno ka nauthoglu igne nate tangomana na teke ghatho ghami ghotilo na.

Profet Jeremaea 40:1

Ka narane igne mae soldia di Babilonia gre neke atha naikno di Jerusalem nei Juda teu igre neke tei au Babilonia. Mare jaola neke atha profet Jeremaea baludi. Eghuteuna mare neke haruni mae Jeremaea baludi naiknore ka chen, atha ne tei thoke ka namono Rama. Kate au teu mare ka namono igne, mae Nebusaradan mae funei gna nogna armi mae king gna Babilonia igne ne filoni mae profet Jeremaea ne atha fajiflani mana ka sosolo. Ka narane igne Lord ne cheke ka mae Jeremaea.

Mae Khuru 12:5

Aonu mare ne famane reireghini mae Pita ka suga sosolo na. Nu ka narane tuare, mae khiloaure ne tarai fabrahu ka God mala toghoni mae Pita.