Mae Khuru 12:20 - Buka Blahi Ka Cheke Holo

²⁰ Kate au teu jare na, mae Herod neke diꞌatagna fara ka naiknodi phei namono biꞌo Taea nei Sidon. Aonu mae biꞌodi phei namono tuare ne loku fodu mala tei filoni mae King Herod. Ulu lahu na mare ne kulu famaemaheni mae Blastus, mae ihei te mae biꞌo ka nogna tothoghei mae gloku mae Herod re mala toghodi mana. Ke leghugna igne mare mei ne toreni u pharikeli na ka mae Herod, naugna funu tifa te mei na mare jare ka namono te funei frunini mae Herod tuana te mala foli gano koba na.

Mae Khuru 12:20 ပူးပေါင်းရင်းမြစ်များ

Esra 3:7

Aonu naiknore ne falao sileni mala folidi mae kapenta baludi mae iheire te lase kato thina. Eghuteuna mare ne fatei gano, nei waen, nei oliv oel eghu ka phei namono Taea ghe Saedon, mala foli gaju sida gna Lebanon mala horo gna Sugablahi na, leghuni unha teke chekeni King Saeras gna Pesia. Mare tangomana te lilisei gaju igre tongna, mala hata soru ka naprona biꞌo Jopa.

Profet Esikiel 27:17

“ ‘Maedi Juda baludi mae Israel foli famane glepo ka iagho ka soasopai nafnata famane wit, nei jurukuli, nei oliv oel, nei glepo mala ei oel nei insens.

Luku 16:8

“Aonu ke leghugna igne, nogna funei mae te chaichaghi igne ne fafnaknoi mana naugna mana ne mae hiohiro fara ne hiro dedi puhi igre. Naugna naiknogna nauthoglu igne hiohiro fara kate reireghidi nodi glokure ke uludi fara naikno te au ka naphae re.”

Eklesiasti 10:4

Jame kaisei mae mala baubatu diꞌatagna ka iagho, iagho thosei lisa kokoni nou gloku na, jame te au kmu kolho iagho na, mana ginauna hata fadelei nakhibomu iaghore.

Proveb 25:8

Kate filoni iagho glepo te diꞌa na, iagho thosei faghose tei ka fate mala cheke fajiflani glepo igne. Glahu keha mae na chekeni ne jafra iagho teuna, eghuteuna iagho ginauna na mamaja nou.

Proveb 17:14

Fufunu gna faripholai na jateula khoꞌu te jifla mei ka khora ikoi ka baket ra eghu, fakhusuni ame khora biꞌo nga baket na nei ame biꞌo nga magra na eghu.

Fapea Kronikols 2:15

“Te keli na iagho famei wit, nei bali, nei waen nei oliv oel eghu ka mae gloku igre leghuni unha teke nhaꞌa chekeni iagho na.

Fapea Kronikols 2:10

Iara tangomana te folidi nou mae gloku iagho are ka kaisei gobi phiatutu glima thogha baeg wit biꞌo, nei kaisei gobi phiatutu glima thogha baeg bali biꞌo, nei fati gobi phiatutu thogha lita waen, nei fati gobi phiatutu thogha lita oliv oel.”

Josua 19:29

Fofota igne figri Rama, eghuteuna tei namo ka namono Taea, namono ringni te lithui ka thina. Fofota igne figri tei fei Hosa eghuteuna tei gnafa ka Thongna Mediterenian. Keha namono te au ke lamnagna rijon igne: Mahalab, nei Aksib,

Jenesis 10:19

Namonodi naikno te au Kenan gre e funu Saedon tei posa Gerara nei Gasa. Eghuteuna tei posa Sodom, Gomora, Adma nei Seboim ghilei tei posa Lasa.

Jenesis 10:15

Mae Kenan neke au phei mae thugna nalhaꞌu, mae Saidon ghe mae Het. Mana jaola neke kuꞌedi mae Jebus, mae Amora, mae Gagas, mae Hivi, mae Arka, mae Sini, mae Arvat, mae Semar, nei mae Hamat. Vikegna mae Kenan gre ne fnota ne sopagna tei tafri.

Proveb 20:18

Kulu hata gaoghatho te keli ka keha naiknore, eghuteuna nou gloku iagho na ginauna keli fara. Jame te magnahaghei te tei magridi mae naokare teuna, iagho kulu hata ghaoghatho fakeli.

Mae Khuru 12:21

Kau narane tuthuana na mae Herod ne fahaghe phoko funei na, ne gnokro soru ka sape nafnakno na ne cheke ranghidi naiknore.

Mae Khuru 21:3

Ghehati tei ne sala'u ke mata moumolu Saeprus, nu ghehati doglo ne thoke Siria, eghuteuna tei me longa ka namono biꞌo Taea. Naugna mare magnahaghei te fasoru gluja jare.

Mae Khuru 21:7

Ghehati jifla Taea ne tei longa ka namono Tolemas. Ghehati tei ne filodi naikno khiloau re jare ne au baludi kaisei narane.