Mae Khuru 12:19 - Buka Blahi Ka Cheke Holo

¹⁹ Mae Herod ne cheke faheta ka mare mala hironi mae Pita, nu mare ne theome tangomana te ludeni mana na. Aonu mae Herod kilodi mae soldia igre ne ghusnadi mare. Ke leghugna igne mana ne cheke eghu, “Naugna igne, mae soldia igre mala lehe.” Mae Herod ne jifla Judia ne tei au katha vido ka namono Sisaria.

Mae Khuru 12:19 ပူးပေါင်းရင်းမြစ်များ

Mae Khuru 16:27

Kate dofra haghe te filodi grengatha te thora re, mana ghathodi mae sosolore la kafe rikhahi. Aonu mae greireghi suga sosolo na hata naflahi na ne magnahaghei faleheni thegna. Naugna mana laseni, mae biꞌo re ginauna faleheni mana, eigna mana ne snakredi mae sosolore ne rikha.

Mae Khuru 21:8

Ghehati jifla jare neke tei ka namono biꞌo Sisaria. Jare ghehati ne tei ka sugagna mae Filip ne au balugna mana. Mae Filip gne kaisei mae ka hatimare fitu mae thotogho teke vavahi mare tifa Jerusalem. Mae Filip gne nogna gloku na mala toutonuni u Nonomho te Keli na.

Mae Khuru 12:6

Ka bongi ame fateni nga mae Pita ka keha narane na teuna, mae Pita ne thuru neu farihoteidi phei mae soldiare. Mare rerini mana ka phei chen, eghuteuna keha mae greireghire kegra neu ka grengathagna suga sosolo na.

Mae Khuru 8:40

Nu mae Filip neke thakle ka kaisei namono te kiloi Asotas. Mana ne tei tongana ka namono te gnafa ka nohi tuana nei toutonuni u Nonomho te Keli na, ne ghilei tei posa ka namono biꞌo Sisaria.

Matiu 2:13

Ke leghugna te jifla mare na, mae Josep thuru ne mifi. Eghuteuna, kaisei engel nogna Lord ne thakle mei ne cheke eghu ka mana, “Ghema Josep, dofra haghe! Hata sua ghe idognare mala soru ka namono Ijep, au fabrahu jare ke ghilei cheke nigho iara mala teke pulo na. Mae King Herod na hironi mae sua igne, naugna mana magnahaghei te faleheni mae sua na.”

Nogna Buka Esta 6:12

Ke leghugna igne, mae Modikae neke pulo loku ka sugagna king. Nu mae Haman ne toku tafru tathagna nei foflogna teure, naugna mana ne thofno mamaja nogna fara ne rikha ne tei ka nogna suga na.

Ululahu Kings 20:43

Aonu king gna Israel igne neke pulo Samaria diꞌatagna balu diꞌanagnafa.

Ululahu Samuel 23:14

Mae Devet tei ne au Sif ka namono nagou na, mana tei ne poru ka thogele holo ka kaisei vido te keli. Leuleghu narane na mae king Sol ne hironi fabrahu mana, neuba God na theome snakreni mae king te athini mana na.

Mae Khuru 27:42

Hatimare mae soldia te tei baludi mare ka vaka na ne ghaoghatho mala falehedi mae sosolore, mala theo kaisei mae ka mare tao te tei te rikha na.

Mae Khuru 25:13

Keha narane ke leghugna igne, mae King Agripa repa greghagna Benis ne tei sighoni mae Festas Sisaria.

Matiu 2:16

Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.

Profet Jeremaea 36:26

Aonu mae king ne kuruni Jeramel thugna mana na, mae Seraea thugna mae Asriel, nei mae Selemaea thugna mae Abdel teu igre mala tei lokidi mae profet Jeremaea ghe mae Baruk. Nu mare ne theome filodi mae Jeremaea ghe mae Baruk, naugna Lord ne pophorudi phei mare.

Matiu 2:1

Mae Jisas neke karha ka namono Betlehem, ka Provins Judia kau narane teke King mae Herod. Ke leghugna te karha mae Jisas na, keha mae glalase ne mei posa Jerusalem funudi ke maghati.

Mae Khuru 12:18

Hamerane boibongi, kate dofini mae Pita na, hatimare mae soldiare ne faꞌihodi fara, ne cheke eghu fari thedi, “Tore, aheva si mae Pita ia?!”