Mae Khuru 12:17 - Buka Blahi Ka Cheke Holo

¹⁷ Aonu mae Pita ne eni kaisei fagaglana mala famane fanomho mare, eghuteuna mana ne toutonu eigna unha te eni God ranghini mana te hata fajiflani kau suga sosolo na. Aonu gnafa teuna, mana ne cheke ka mare mala toutonu eigna igne ranghini mae Jemes nei keha naikno khiloau re. Eghuteuna, ke leghugna igne mae Pita ne jifla kokodi naikno khiloau te au teu jare re neke tei ka kaisei namono delei.

Mae Khuru 12:17 ပူးပေါင်းရင်းမြစ်များ

Mae Khuru 21:40

Eghume, mae funei biꞌo na ne snakreni mana mala facheke ka naiknore. Aonu mae Pol kegra kligna ka glalakogna suga na ne ei fagaglana mala fanomho fakeli naiknore. Kate fanomho kmu teu naiknore, mana ne cheke ranghidi ka cheke Hibru.

Mae Khuru 19:33

Hatimare mae Jiu ne huju faꞌuluni mae Aleksada ke uludi naiknore mala cheke. Aonu, mana ne eꞌei fagaglana ka naiknore mala fanomho fakeli, naugna mana magnahaghei te cheke tughudi nodi cheke naiknore.

Mae Khuru 13:16

Mae Pol ne kegra haghe ne eni fagaglana ka khamegna na mala fanomho fakeli mare, ne cheke eghu, “Ghotilo maemi Israel nei ghotilo naikno te theome Jiu te mei ka tharai te mala pogho soru ranghini God, ghotilo fanomho fakeli ka iara.

Mae Khuru 21:18

Ka keha narane na, mae Pol ne tei balumi ghehati mala sighoni mae Jemes. Eghuteuna hatimare mae biꞌo ka khiloau re ne kafe aula neu jare.

Mae Khuru 15:13

Ke leghugna cheke te gnafa phiamare na, mae Jemes ne cheke eghu, “Uve kheraguro, fanomho ka iara.

Galesia 2:12

Ulu lahu na, kate mei te au jare Antiok na, mae Pita ne ima baludi iheire te theome Jiu. Aonu mae Jemes ne kuru meidi keha mae Jiure. Mae igre magnahaghedi naikno khiloau te gnafare mala leghuni vetula te mala vahe na. Kate posa mare na, mae Pita ne mhaghuni tothoghei igne. Aonu mana ne tirogna au fodu fabrahu baludi naikno khiloau te theome Jiu.

Galesia 2:9

Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Galesia 1:19

Nu ka narane igre iara neke theome filodi keha mae khurure kaisei mae Jemes tahigna Lord kolho teke filoni iara na.

Ululahu Korin 15:7

Aonu mana neke fatakleni thegna ka mae Jemes, ke leghu na ka hatimare mae fanomho te gnafare.

Jone 11:54

Naugna igne mana ne theome nolo tafri ke uludi mae Jiu. Nu mana jifla jare baludi nogna mae fanomhore ne tei au Ifrem rhegna namono nagou na.

Jone 8:59

Kate nomhidi mare cheke te edi mae Jisas igre, mare atha thina ne rodi fada faleheni mana. Nu mae Jisas poru ne jifla ka Sugablahi na.

Matiu 10:23

Kate para ghami naiknogna kaisei namono na, rikha tei ka keha namono na. Tutuani fara te chekeni iara ka ghotilo na, ame gnafa nga ghotilo nomi gloku na ka namono te kmana Israel igre teuna, iara mae teke mei funu ka God na nake pulo mei.

Jemes 1:1

Iara mae Jemes, nogna mae gloku God nei nogna Lord Jisas Kraes. Kubae ghami nogna naikno God te au heva heva ka nauthoglu gne.

Mae Khuru 16:40

Aonu kate jifla mei ka suga sosolo na, phiamare ne kulu tei ka sugagna Lidia na. Phiamare ne thafodi keha naikno khiloau ka sugagna Lidia na ne toutonu ranghidi mala ke fakeli nagnafadi. Ke leghugna igne, phiamare ne jifla ka namono tuana.

Jone 13:24

Mae Simon Pita ne kaflo gehe ka mana mala ghusnani mae Jisas mae ihei te chekeni mana na.

Jone 10:40

Eghuteuna, ke leghugna igne mae Jisas pulo neke kasa ka keha phile Kho'u Jordan. Mana neke tei au ka vido teke fa'apublahi naikno mae Jone tifa ia.

Jone 7:1

Ke leghugna igne, mae Jisas neke teitei ke lamnagna Provins Galili. Mana ne tirogna teitei ka Provins Judia, naugna mae biꞌodi mae Jiu te au jare re ne ofo mala faleheni mana.

Luku 1:22

Kate ke figri meigna na, mana ne theome tangomana te facheke ka mare na. Eghume hatimare ne laseni Lord te thakle ranghini mana ka Sugablahi na. Naugna te theome cheke na, mana ne eꞌei fagaglana kolho kau khamegna na.

Nodi Khoje Hatimare Mae Jiu 146:7

Mana toghodi fabrahu iheire te au papara, nei faghamudi iheire te rofo. Eghuteuna hata fajifladi iheire te au ka suga sosolo ka khamedi hatimare mae naoka.

Nodi Khoje Hatimare Mae Jiu 66:16

Ghotilo naikno te ghatho tahuni God ra mei mala fanomho ka nogu cheke iara gne. Iara na toutonudi ka ghotilo unha glepo teke edi mana ka iara re.

Nonomho Te Keli Teke Risoi Mae Mak 6:3

Tahati laseni mae kapenta igne, mana thugna Meri kolho. Eghuteuna mae tahigna mana re mae Jemes, mae Josep, mae Judas nei mae Simon. Eghuteuna, greghagnare kafe au teu ngala igre. Mana kaisei mae kolho, mana neke theome mei funu ka God.” Aonu naiknore ne filo faparini kolho mana.

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Mae Khuru 12:16

Mae Pita kikidi fabrahu neu ke kosi. Kate tora mare grengatha na, mare ne tei ne filoni mana, ne jaglo nodi fara.

Mae Khuru 12:18

Hamerane boibongi, kate dofini mae Pita na, hatimare mae soldiare ne faꞌihodi fara, ne cheke eghu fari thedi, “Tore, aheva si mae Pita ia?!”

Mae Khuru 28:15

Ame thoke nga ghehati jare teuna, naikno khiloau re ne nonomho thonu eimi ghehati. Aonu mare soru ne thafo ghami ghehati ka namono te kiloi “Maket Apias”, nei jaola ka namono te kiloi “Thilo Hotele”. Kate filodi mare na, mae Pol ne keli tagna fara ne cheke fakelini God.