Mae Khuru 12:15 - Buka Blahi Ka Cheke Holo

¹⁵ Naiknore ne cheke eghu ka naꞌa, “Iagho noli fou!” Naꞌa ne cheke eghu fabrahu, “Tutuani, iara laseni mae Pita ngala.” Aonu mare ne cheke eghu, “Jame nogna engel mae Pita jau!”

Mae Khuru 12:15 ပူးပေါင်းရင်းမြစ်များ

Matiu 18:10

Mae Jisas ne cheke eghu, “Fiofilo ghami ghotilo ia, thosei filo soruni kaisei sua ka igre. Nu te chekeni iara ka ghotilo na, nodi engel sua igre au fabrahu kligna balugna mae Mama.

Mae Khuru 26:24

Kate chekedi teu mae Pol glepo igre te mala tafragna thegna na, mae Festas ne fnaja fabiꞌo, “Ghema Pol, iagho la meomekro! Iagho hiohiro fabrahu ka buka la ghilei meomekro hila!”

Luku 24:11

Nu hatimare mae khuru ne theome fatutuanidi kolho goro gaꞌasere, naugna te ghathoni mare na rehati khogla tharuma cheke kolho.

Nonomho Te Keli Teke Risoi Mae Mak 16:14

Ke leghu na mae Jisas mei ne thakle ka nabotho kaisei mae fanomhore, ka vido te ima teu mare na. Mana mei ne cheke faheta ka mare, naugna mare ne theome biꞌo nodi fatutuani na. Mare ne maku fara nagnafadire ne theome fatutuanidi iheire teke filoni mana ke leghugna teke karha fapulo mana ka glehe na.

Nonomho Te Keli Teke Risoi Mae Mak 16:11

Kate nomhini mare cheke naꞌa ne filoni mae Jisas na kela karha fapulohi teu igne, mare ne theome fatutuani ni kolho naꞌa.

Thoutonu Eigna Mae Job 9:16

Eghuteuna neuba iara ne kiloni mana mala mei ka fate neu mana ginau mei, te ghathoni iara na mana ginauna na theome fanomho ka iara.

Jenesis 48:16

Iagho neke thakle ka iara jateula kaisei engel neku neke fakarhi ghau iara ka hoholo ra. Gognaro gne iagho fablahidi phei mae sitei igre. Iagho mala jaola mala fablahidi thudi phia mare re mala kaisei vike biꞌo fara ginauna. Mare ginauna mala theome ghatho ihoni nanghagu iara na, nei nanghagna mae Ebraham nei nanghagna mae Isak.”

Luku 22:59

Raugha lao katha vido ke leghugna tuana, kaisei mae langau ne heta ghegna fara, ne cheke eghu, “Tutuani fara, mae igne kaisei mae balugna mae Jisas. Phiamare kafe mae di Galili!”

Mae Khuru 12:16

Mae Pita kikidi fabrahu neu ke kosi. Kate tora mare grengatha na, mare ne tei ne filoni mana, ne jaglo nodi fara.