Mae Khuru 12:12 - Buka Blahi Ka Cheke Holo

¹² Kate laseni igne, mana ne tei ka sugagna Meri na. Meri gne idogna mae Jone Mak. Kmana naikno khapru ne tarai neu jare.

Mae Khuru 12:12 ပူးပေါင်းရင်းမြစ်များ

Mae Khuru 12:5

Aonu mare ne famane reireghini mae Pita ka suga sosolo na. Nu ka narane tuare, mae khiloaure ne tarai fabrahu ka God mala toghoni mae Pita.

Filimon 1:24

Eghuteuna jaola mae Mak, mae Aristakas, mae Dimas, nei mae Luku mae te loku balugu iara igre kubae nigho iagho.

Mae Khuru 13:5

Kate tei thoke mare ka namono Salamis ka moumolu Saeprus, phiamare ruma ne toutonuni u Nonomho te Keli nogna God na ka nodi suga tharai mae Jiure. Eghuteuna ka vido tuana mae Jone Mak ne tei baludi phiamare mala toghodi ka gloku na.

Mae Khuru 12:25

Kate gnafa mae Banabas ghe mae Sol nodi gloku na jare Jerusalem na, phiamare neke pulo Antiok. Eghuteuna ka vido tuana phiamare ne hata baludi mae Jone Mak.

Profet Isaia 65:24

Neuba mare ne theome kilo mei ka iara, iara kulu nomhidihi mare. Neuba mare ne tarai fabrahu ka iara, iara kulu enihi unha te toreni mare na.

Fapea Timoti 4:11

Mae Luku ngala au teu balugu iara agne na naugna mae Tikikas na la kuru teinihi iara ka namono Efesus. Kate mei agne na, iara magnahaghe nigho te hata te mei balumu mae Mak, naugna mana tangomana te togho ghau iara ka nogu gloku blahi iara agne na.

Kolose 4:10

Mae Aristakas te au balugu iara ka suga sosolo gne kubae ghami ghotilo. Eghuteuna mae Mak, nebugna mae Banabas, jaola kubae ghami ghotilo. Jame te ari posa mae Mak na, ghotilo reireghi fakelini mana ka sugamire, jateula teke chekenihi iara ka ghotilo ia eghu.

Mae Khuru 13:13

Mae Pol nei iheire eghu te tei balugna re ne saghe ka vaka funu Pafos ne tei longa Pega, kaisei namono ka Provins Pamfilia. Nu mae Jone Mak ne jifla kokodi mare neke pulo Jerusalem.

Mae Khuru 16:40

Aonu kate jifla mei ka suga sosolo na, phiamare ne kulu tei ka sugagna Lidia na. Phiamare ne thafodi keha naikno khiloau ka sugagna Lidia na ne toutonu ranghidi mala ke fakeli nagnafadi. Ke leghugna igne, phiamare ne jifla ka namono tuana.

Mae Khuru 4:23

Mae Pita ghe mae Jone ne jifla ka nodi faidu hatimare mae biꞌodi Jiure neke tei ka nodi tothoghei thedi na. Phiamare ne toutonu ranghidi gobigna lepo teke chekedi hatimare mae pris biꞌo nei hatimare mae funei ka phiamare re.

Ululahu Pita 5:13

Naikno khiloau te au ka namono Babilon gre mare kubae ghami ghotilo. God neke vahidi mare jateula mana teke vahi ghami ghotilo ia eghu. Eghuteuna mae kheragu majaghani iara mae Mak gne jaola kubae ghami ghotilo.