Mae Khuru 11:14 - Buka Blahi Ka Cheke Holo

¹⁴ Mana ginauna na cheke ranghi nigho iagho. Glepo te chekedi mana re ginauna na fakarhi nigho nei tharaknamu tongana na.’

Mae Khuru 11:14 ပူးပေါင်းရင်းမြစ်များ

Mae Khuru 16:15

Naꞌa nei naikno te gnafa te au ka nogna suga na ne kafe apublahi. Aonu Lidia ne tore ghami ghehati mala tei ka sugagna na. Naꞌa ne cheke eghu ka ghehati, “Ne thofno kaisei naikno khiloau iara teu ghotilo gaoghathomi na, mei au ghotilo ka sugagu iara gne eghu.” Naꞌa ne cheke fara ka ghehati mala au balugna.

Mae Khuru 10:22

Thilomare ne cheke eghu ka mana, “Uve, mae Konilias mae biꞌodi mae armi re ne kuru mei ghami ghetilo. Mana kaisei mae keli fara nei tarai koba ka God. Eghuteuna mae Jiure ghatho tahuni fara mana. U engel nogna God na neke cheke ka mana mala tore nigho mala tei ka sugagna mana na mala nu tangomana mana te nomhidi unha te chekedi iagho are eghu.”

Mae Khuru 10:6

Mana au jare Jopa ka sugagna mae Simon, mae ihei te edi glepo ka guli buluka. Eghuteuna suga mana na au ka geri thongna.”

Mae Khuru 10:2

Mana kaisei mae keli fara, eghuteuna mana nei tharaknagna teuna mare ghatho tahuni nei pogho soruni eghu God. Mana toghodi fabiꞌo fara naikno te kumare nei mana tarai koba ka God.

Mae Khuru 2:39

Naugna u nogna nhaꞌa cheke God igne mala nomi ghotilo, nei maladi goro thumi are nei maladi iheire te theome karha nga teu. Uve, u nhaꞌa cheke igne maladi naikno te gnafa teke kilo meidi noda Lord.”

Jone 20:31

Eghuteuna, glepo igre iara neke riso soru mala iu'ijudi ghotilo nu fatutuani ni mae Jisas gne mae Kraes, Thugna God. Te fatutuani ni mana ghotilo na, ghotilo ginauna tangomana te athani thofno nakarha na ka nanghagna mana.

Jenesis 17:7

Iara ginauna na farerheta nogu nhaꞌa cheke na ka iagho nei ka thumu iagho nate mei ke leghumu iagho re eghu fabrahu tifa e tifa. Iara ginauna mala nou God iagho nei jaola mala nodi God thumu iagho re eghu.

Jone 12:50

Eghuteuna te laseni iara na karha fei tifa na mei ka unha te chekedi mae Mama igre. Eghume unha mala chekedi iara ka ghotilo teku mae Mama re te chekedi iara igre.”

Jone 6:63

U thini na theome tangomana tusu lao u karha ka naikno na. Mae Tharunga te Blahi ngala tangomana te tusu lao u karha ka naikno na. Eghume, chekegu iara gre ngala te mala athini ghotilo u Tharunga te Blahi na, mae ihei nate tusu mei u karha na.

Jone 4:53

Mae kmagna masitei na neke ghatho fapuloni ka tanhi kaisei ngala teke cheke eghu mae Jisas na, “Mae thumu iagho na kela kelihi.” Aonu ke leghugna igne mana nei tharaknagna mana na eghu ne kafe fatutuani ni mae Jisas.

Luku 19:10

Iara mae teke mei funu ka God na mei mala hirodi naikno teke snivi ra mala ke fakarhidi.”

Nonomho Te Keli Teke Risoi Mae Mak 16:16

Ihei te fatutuani ni Nonomho te Keli na, eghuteuna apublahi teuna ginauna na hatini karha fei tifa na. Nu ihei te theome fatutuani na, God ginauna na fate faleheni mana.

Profet Jeremaea 32:39

Eghuteuna iara ginauna toghodi mare mala kaisei loku fodu ka kaisei nodi gaoghatho ka unha nate eni mare na. Leuleghu fata na mare te gnafa na mala ghatho tahu ghau iara ka nakarhadi na, eghuteuna mare balu thudi nate karha mei ke leghudire tangomana nate au fakeli na.

Proveb 20:7

Mae te leghuni fabrahu puhi te doglo na, God ginauna fablahidi thugna mana re.

Nodi Khoje Hatimare Mae Jiu 112:2

Thugna mana re ginau au nodi kmana glepo ka kantri aheva teke tusu ranghidi Lord na. Eghuteuna Lord ginauna fablahidi iheire nate karha mei ka vikegna mana na iheire te leghuni mana re.

Nodi Khoje Hatimare Mae Jiu 103:17

Nu God namha ghita tahati iheire te ghatho tahudi nei leghudi teu fabrahu nogna chekere. Eghuteuna mana ginauna na jateula tuana eghudi fabrahu thuda nei grada teu tahati te karha mei thogheiro re.

Jenesis 18:19

Iara neke vahini mae Ebraham gne mala thofno mae kheragu thegu neku. Eghume iara ginauna na cheke thakleni ka mae Ebraham nate roꞌeni iara namono biꞌo Sodom gne mala cheke mana ka goro thugna nei vikegna teu igre mala leghuni puhigna Lord na. Iara na eni igne mala au fakeli, nei doglo eghu naiknore. Eghuteuna kate filoni iara vikegna mae Ebraham te thofno leghuni puhigu iara na, iara ginauna na tusu ranghini mae Ebraham unha teke nhaꞌa chekeni iara ka mana na.”

Ululahu Korin 1:16

Tutuani, iara theome laseni ihei teke faꞌapublahini iara na, nu mae Stefanas nei tharaknagna eghu kolho.

Mae Khuru 18:8

Mae biꞌogna suga tharai igne, nanghagna na mae Krispasi, mana baludi naikno te gnafa te au ka tharaknagna mana na ne kafe fatutuani ni Lord. Eghuteuna kmana naikno langau Korin ne fanomho ka mae Pol. Mare fatutuani ni mae Jisas ne apublahi.

Mae Khuru 10:43

Hatimare mae profet te gnafare neke toutonu eigna la mana, neke cheke eghu, ‘Ihei te fatutuani ni mae Jisas na, God ginauna na hata fadelei nakhibodire ka nanghagna mae Jisas.’ ”

Jone 6:68

Mae Simon Pita ne cheke eghu ka mana, “Lord, ghehati theo kaisei mae te mala leghuni na kaisei iagho ngala. Eghuteuna u chekemu iagho re ngala te mala athini ghehati u karha fei tifa na.

Mae Khuru 11:13

Mana neke toutonu ranghi ghami ghehati eigna u engel teke filoni mana teke kegra teku ke lamna suga na. U engel na neke cheke eghu ka mana, ‘Iagho kurudi keha mae mala tei Jopa tali meini mae Simon, keha nanghagna na, mae Pita.