Mae Khuru 11:13 - Buka Blahi Ka Cheke Holo

¹³ Mana neke toutonu ranghi ghami ghehati eigna u engel teke filoni mana teke kegra teku ke lamna suga na. U engel na neke cheke eghu ka mana, ‘Iagho kurudi keha mae mala tei Jopa tali meini mae Simon, keha nanghagna na, mae Pita.

Mae Khuru 11:13 ပူးပေါင်းရင်းမြစ်များ

Mae Khuru 12:11

Ka vido tuana mae Pita neke snagla gaoghathogna na, ne cheke eghu, “Tutuani fara, aola thofno laseni nga iara te snakre meini God nogna engel na te mala fakarhi ghau ka khamegna mae King Herod na, nei ka gobigna lepo teke mala eni ranghi ghau iara teku mae Jiura.”

Mae Khuru 10:22

Thilomare ne cheke eghu ka mana, “Uve, mae Konilias mae biꞌodi mae armi re ne kuru mei ghami ghetilo. Mana kaisei mae keli fara nei tarai koba ka God. Eghuteuna mae Jiure ghatho tahuni fara mana. U engel nogna God na neke cheke ka mana mala tore nigho mala tei ka sugagna mana na mala nu tangomana mana te nomhidi unha te chekedi iagho are eghu.”

Mae Khuru 9:43

Mae Pita ne au kmana narane jare Jopa ka sugagna mae Simon, mae ihei te edi glepo ka guli buluka.

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Mae Khuru 9:36

Ka namono Jopa jare kaisei naikno khiloau nanghagna na Tabita. Nanghagna naꞌa ka cheke Griki na, “Dokas”. Naꞌa edi koba glepo te keli mala toghodi naikno te kumare.

Mae Khuru 9:38

Namono Jopa gne kaisei namono rhegna Lida. Naikno khiloaudi Jopa re nomhini te au teu mae Pita Lida na. Aonu mare ne kurudi phei mae ne tei ka mae Pita. Phiamare ne cheke eghu ka mae Pita, “Ghehati magnahaghe nigho iagho te faghose mei ka nomi namono na!”

Mae Khuru 9:42

Nonomho eigna igne ne tei tongana heva heva ka namono Jopa, eghuteuna kmana naikno ne funu fatutuani ni Lord.

Mae Khuru 11:12

Eghuteuna Tharunga te Blahi na neke cheke ranghi ghau iara mala thosei mhaghu iara te tei baludi na. Eghume namno naikno khiloau Jopa igre neke teila balugu iara. Ghehati neke tei thoke ka sugagna mae Konilias na Sisaria.

Mae Khuru 11:14

Mana ginauna na cheke ranghi nigho iagho. Glepo te chekedi mana re ginauna na fakarhi nigho nei tharaknamu tongana na.’