Mae Khuru 11:12 - Buka Blahi Ka Cheke Holo

¹² Eghuteuna Tharunga te Blahi na neke cheke ranghi ghau iara mala thosei mhaghu iara te tei baludi na. Eghume namno naikno khiloau Jopa igre neke teila balugu iara. Ghehati neke tei thoke ka sugagna mae Konilias na Sisaria.

Mae Khuru 11:12 ပူးပေါင်းရင်းမြစ်များ

Mae Khuru 8:29

U Tharunga te Blahi na ne cheke eghu ka mae Filip, “Tei sagho ka chariot ana mala kegra rhegnai.”

Letas Teke Riso Tei Mae Pol Ka Khiloau Rom 3:22

Igne u nabrou te chekeni iara na. Naikno te gnafa te fatutuani ni mae Jisas Kraes re, God au kaisei nabrou te mala fadoglodi ke ulugna thegna. God theome edi phei nabrou, kaisei maladi mae Jiu nei kehana maladi mae te theome Jiu.

Fapea Tesalonika 2:2

Ghehati tore ghami ghotilo fara mala thosei ghosei diꞌanagnafami ba rhana nomi kate nomhidi ghotilo nafnata cheke igre, “Narane gna Lord na la meihi.” Glahu chaghi mare cheke eghu, mae Tharunga te Blahi teke cheke eghu na, ba ghehati teke cheke na, ba teke risoni ghehati ka letas na.

Mae Khuru 10:23

Aonu mae Pita ne toredi thilomare mala au balugna ka suga mae Simon na bongi tuana. Ka keha narane na, mae Pita ne tarabana ne tei baludi thilomare nei keha naikno khiloaudi Jopa langau eghu.

Mae Khuru 15:9

Ka God na naikno tuare theome nhogri ka tahati. Kate fatutuani mare u Nonomho te Keli na, God na hata fadelei nakhibodire mala famane klino nagnafadire jateula teke enila mana ranghi ghita tahatia eghu.

Mae Khuru 10:45

Naikno Jiu te fatutuani ni mae Jisas teke mei balugna mae Pita re ne jaglo nodi fara, eigna God ne tusu lao u Tharunga te Blahi na ka naikno te theome Jiure.

Jone 16:13

Nu kate mei mae Tharunga te Blahi na, mana ginauna batu ghami ghotilo ka tutuani fateoteo eigna God. Mana ginauna theome cheke leghudi nogna gaoghatho thegna re. Mana ginauna chekedi kolho ka ghotilo unha teke nomhini mana na nei toutonuni ka ghotilo eigna unha nate thoke mei nathuꞌu nauriha.

Matiu 1:20

Kate ghathoni teu mana igne, mana ne mifi. Aonu kaisei engel nogna Lord ne thakle ka mana, ne cheke eghu, “Ghema Josep, iagho mae vikegna mae Devet, thosei mhaghu te hata khetomu Meri ana naugna u sua na neke au mei kau nogna nolaghi mae Tharunga te Blahi.

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.

Mae Khuru 15:7

Ke leghudi cheke te brahu eigna puhi igne, mae Pita kegra haghe ne cheke eghu, “Uve kheraguro, ghotilo lasenihi ka narane tela sala'u ra. God neke vahi ghau iara farihoteimi ghotilo mala toutonuni u Nonomho te Keli gne ranghidi naikno te theome Jiu gre mala fatutuani.

Mae Khuru 13:4

Mae Tharunga te Blahi na ne kurudi mae Banabas ghe mae Sol mala tei ka namono Selusia. Funu jare phiamare saghe ka vaka ne tei thoke ka moumolu Saeprus.

Mae Khuru 13:2

Kate tarai nei dangna teu mare na, Tharunga te Blahi na ne cheke eghu ka mare, “Ghotilo taofidi mae Banabas ghe mae Sol mala loku ka gloku mala eni phiamare teku iara gne.”

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Mae Khuru 11:13

Mana neke toutonu ranghi ghami ghehati eigna u engel teke filoni mana teke kegra teku ke lamna suga na. U engel na neke cheke eghu ka mana, ‘Iagho kurudi keha mae mala tei Jopa tali meini mae Simon, keha nanghagna na, mae Pita.

Mae Khuru 28:15

Ame thoke nga ghehati jare teuna, naikno khiloau re ne nonomho thonu eimi ghehati. Aonu mare soru ne thafo ghami ghehati ka namono te kiloi “Maket Apias”, nei jaola ka namono te kiloi “Thilo Hotele”. Kate filodi mare na, mae Pol ne keli tagna fara ne cheke fakelini God.