Mae Khuru 10:4 - Buka Blahi Ka Cheke Holo

⁴ Mae Konilias ne mhaghu fara ne filo tutu ka engel ne cheke eghu, “Unha sia Lord?” Engel ne cheke eghu ka mana, “God la nomhidihi nou tharai iagho ra, nei jaola filodihi unha te edi iagho te mala toghodi naikno te kuma ra.

Mae Khuru 10:4 ပူးပေါင်းရင်းမြစ်များ

Filipae 4:6

Thosei nanga nomi fara eigna unha te thoke ghami ghotilo na. Nu tarai ka God, toreni mana unha te magnahaghei na. Ne tore nga ghotilo ka mana nu, te keli na, ghotilo kulu cheke fakelini ghu mana eghu.

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Profet Malakai 3:16

“Ke leghu na, naikno te ghatho tahuni Lord igre ginau cheke fari thedi, eghuteuna Lord ginauna fanomho ka unha te chekedi nogna naikno te ghatho tahuni Lord igre, nei mhaghu teu igre ginauna rioriso soru ka buka mala ghathodiu.

Mae Khuru 10:31

ne cheke eghu, ‘Ghema Konilias, God na la nomhidihi nou tharai iagho ra nei la filodihi unha teke edi iagho te mala toghodi naikno te kuma ra.

Thakle 8:4

Gagahugna insens baludi nodi tharai nogna naikno God re haghe ne thoke ka God funu ka tapera ikoi te au ka khamegna engel na.

Nodi Khoje Hatimare Mae Jiu 141:2

Iara magnahaghei nigho iagho te glealeꞌa ka nogu tharai iara gre, jateula iagho te glealeꞌa kate gagahu haghe ka iagho u insens te gahu mare pris ra eghu. Uve, Lord, iara magnahaghei nigho iagho te glealeꞌa ka iara kate ngafa haghe iara khamegu na te tarai ka iagho na, jateula iagho te glealeꞌa kate fafara grafiro ra eghu.

Filipae 4:18

Iara la kafe hatahi gobigna lepo teke magnahaghedi iara re. Tulao mae Epafrodaetus hata neke mei ka iara thotogho teke famei ghotilo ra. U thotogho te famei ghotilo igre jateula u fafara te sisirigna nate keli tagna God ia eghu.

Hibru 13:16

Nu thosei ghatho ihoni te mala edi gloku te keli tangomana te mala toghodi keha naiknore, naugna fafara jateula tuana eghu te keli tagnani God na.

Luku 1:29

Nu Meri ne nanga nogna fara kate nomhini u cheke igne, aonu naꞌa ne hironi fara gaoghathogna u cheke igne.

Matiu 26:13

Tutuani fara, te chekeni iara ka ghotilo na. Aheva ka nauthoglu igne te toutonuni Nonomho te Keli na, naiknore ginauna nake ghatho fapuloni unha teke eni naꞌa igne.”

Profet Daniel 10:11

Aonu mae igne ne cheke eghu ka iara, “Daniel, God na namha nigho iagho fara. Iagho kegra haghe mala fanomho fakeli ka cheke nate chekeni iara ka iagho igne. God neke kuru mei ghau iara mala filo nigho iagho.” Kate cheke eghu mana igne, iara ne kegra haghe, nu thinigu iara na ne ngegra ne fififri tongana.

Profet Isaia 43:26

Mei ghotilo mala fate ghami iara. Cheke meini jame te theome tapla jafra ghotilo ka nakhibo na.

Fapea Kronikols 32:24

Kaisei fata, King Hesekaea ne thono fogra fara ne namo lehe. Aonu mana ne tarai, eghuteuna Lord ne tusu ranghini mana kaisei fagaglana ka mana neke keli fapulo mana.

Fapea Kronikols 6:33

Jame te eghuna, neuba iagho ne au neu kligna, fanomho mei ka nogna tharai mana na. Ka puhi igne, naikno te gnafa ka nauthoglu igne ginauna thofno laseni nanghamu iagho na, nei gaoghathomu iagho na, jateula nou naikno iagho te ghatho tahu nigho igre eghu. Eghuteuna mare ginauna laseni Sugablahi teke horo iara igne, thofno nou iagho.

Ululahu Samuel 3:10

Eghuteuna ke leghugna igne, Lord neke pulo mei neke kegra ka vido igne neke kiloni mana jateula teke ululahu ia neu ne cheke eghu, “Samuel, Samuel.” Eghuteuna mae Samuel ne cheke eghu, “Cheke mei sagho Lord, iara nou mae gloku iagho, iara fanomho kobau ka iagho.”

Mae Khuru 22:10

“Eghuteuna iara neke ghusna eghu ka mana, ‘Unha nate eni iara na, Lord?’ “Mana ne cheke eghu, ‘Kegra haghe tei Damaskas. Kaisei mae jare ginauna na cheke ranghi nigho iagho gobigna lepo teke kulu ghaoghaho tekeu God mala edi iagho tekure.’

Luku 24:5

Rehati mhaghu nodi fara ne pogho soru pari. Phiamare ne cheke eghu ka reꞌe, “Mei hironi mala unha si ghotilo mae tela karhahi ia? Igne vido maladi kolho naikno teke lehera.

Profet Isaia 45:19

Iara theome porudi nogu cheke re, ba poruni gaoghathogu na ka ghotilo. Eghuteuna iara neke theome cheke ghami ghotilo mala fiti hiro ghau iara kate theo nafugna. Iara Lord, iara chekeni kolho cheke te tutuani na. Uve, leuleghu fata na, iara chekeni kolho unha te doglo na.”

Levitikas 2:2

Kate lilisei te gnafa na, mana atha tei tusu lao glepo igre ka mae pris thugna mae Eron. Aonu pris igne mala atha kakatha vido flaoa nei oel eghu baludi insens te gnafa igre, eghuteuna mana gahu ke kligna olta mala laseni te famei mana flaoa igre ka iara eghuteuna glepo igre blahi naugna iara Lord kelitagu ka sisirigna na.

Nodi Khoje Hatimare Mae Jiu 20:3

Ghehati toreni mana mala theome ghatho ihodi nou fafara iagho re. Nu ghehati magnahagheni mana te mala keli tagna fara ka fafara teke gahu iagho ka khaꞌaghi teke fafara lao ka mana ra.

Mae Khuru 3:4

Phiamare ne filo tutu ka mana, eghuteuna mae Pita ne cheke eghu ka mana, “Ghema, filo mei ka ghepa sagho!”

Mae Khuru 14:9

Mae igne gnokro fanomho neu ka mae Pol. Mae Pol ne filo lao ka mana ne glanini mae igne mana fatutuani ni God te tangomana te mala fakelini na.