Mae Khuru 10:36 - Buka Blahi Ka Cheke Holo

³⁶ Ghotilo lasenihi God neke cheke thakleni ka naiknodi Israel re u Nonomho te Keli na mala au tahati kau pharikeli balugna God. Naugna nogna gloku mae Jisas Kraes, mae ihei te funei frunidi naikno te gnafare.

Mae Khuru 10:36 ပူးပေါင်းရင်းမြစ်များ

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Mae Khuru 2:36

“Eghume naikno te gnafa Israel mala lase fakelini eigna God neke vahini mae Jisas mala Lord nei Kraes. Nu ghotilo neke faleheni mana kau gaju fafatha.”

Thakle 17:14

King igre balugna bosu na ginauna magra ka Lam. Nu Lam baludi nogna naikno teke vavahi nei kilodi teku thegna te mala au heta ka nodi fatutuani, ginauna tapla sorudi kolho. Naugna Lam na funei frunidi Lord te gnafa nei King te gnafa.”

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Ululahu Pita 3:22

Mae Jisas Kraes gognaro na gnokrohi kligna fei khame nhetagna God Mama ka sape nafnakno. Mana funei frunidi hatimare mae engel nei nolaghi fateo te au kligna.

Ululahu Korin 15:27

Naugna grioriso te blahi na cheke eghu, “God lisei soru glepo te gnafare ke parigna nogna nolaghi thegna na.” Kate chekeni “glepo te gnafare” lilisei ke parigna mana teu igne, thono glola fara eigna God theome cheke eigna te lisei soruni thegna na. Theo. Nu God thegna ngala teke tusu lao nolaghi igne ka Kraes te mala funei frunidi gobigna lepore. Ke leghugna God te lisei sorudi gobigna lepore ke parigna nogna nolaghi mae Thugna na, Kraes ginauna lisei soruni thegna ke parigna nogna nolaghi God. Eghume, God ngala te au nolaghi biꞌo te mala funei frunidi gobigna lepore.

Thakle 19:16

Ka nogna pohe nei boebokegna teure mare rioriso nangha igne, “Mae King te funei frunidi King te gnafa nei Lord te funei frunidi Lord te gnafa.”

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Hibru 13:20

Dadaragna noda Lord Jisas fufunu gna nhaꞌa cheke te theo ka huigna teke eni God ka nogna naiknore. God mae ihei te tusu mei ranghi ghita u nogna pharikeli na neke fakarha fapuloni mae Jisas, mae biꞌo mala reireghi sipu.

Filipae 2:11

Eghuteuna mare ginauna kafe cheke eghu, “Mae Jisas Kraes na mae funei.” Eghuteuna mare ginauna kafe cheke fakelini nanghagna God Kmada.

Ululahu Korin 15:47

Mae Adam ulu lahu na God neke vuavuhani mana ka glose gna nauthoglu igne, nu fapea Adam gne neke mei funu kligna.

Letas Teke Riso Tei Mae Pol Ka Khiloau Rom 14:9

Naugna Kraes neke lehe, eghuteuna ke karha fapulo, mala nodi Lord iheire te karha teu ba iheire tela lehehi.

Mae Khuru 13:46

Nu mae Pol ghe mae Banabas ne theome mhaghu ne cheke eghu, “Ghepa magnahaghei te kulu toutonuni ka ghotilo mae Jiu chekegna God gne. Nu ghotilo tiromi fanomho, eghuteuna ghotilo vahi ghami themi te theome nabami te hatini u karha fei tifa na. Eghume ghehati gognaro na tei ka keha naikno te theome Jiu.

Mae Khuru 13:32

“Ghehati toutonu ka ghotilo u Nonomho te Keli eigna nhaꞌa cheke teke eni God ka mae kuꞌeda tifa ra.

Mae Khuru 11:19

Kate faleheni mae Stivin hatimare mae Jiure, kmana naikno khiloau ne rikha Jerusalem. Keha naiknore rikha ne tei fabrahu ghilei thoke ka Provins Fonisia, ka moumolu Saeprus nei ka namono biꞌo Antiok. Jare mare ne toutonuni u Nonomho te Keli na ranghidi kolho naikno Jiure.

Mae Khuru 5:31

Eghuteuna God neke hata hagheni mana mala gnokro fei nhetagna kau sape nafnakno mala funei fruni ghita nei mala fakarhi ghita. Mana neke eni igne mala tangomana naikno Israel gre te tughu nagnafa nei nakarha nei koko nakhibo.

Luku 24:47

Ghotilo neke filodi glepo igre. Eghume ghotilo mala toutonu ka naiknore mala tughu nagnafa nei nakarha eghu mare. Jame te eni mare igne na, God ginauna hata fadeleidi nakhibodire. Ghotilo mala fufunu Jerusalem. Toutonu glepo igre ka nanghagu iara ranghidi naikno ka namono te gnafa ka nauthoglu gne.

Matiu 11:27

Mae Jisas ne cheke eghu, “Mae Kmagu iara na la lisa meihi ka khamegu iara gobigna lepore. Theo kaisei naikno te thofno laseni mae Thugna God na, mae Mama thegna ngala. Tutuani, theo kaisei naikno te thofno laseni mae Mama na, kaisei mae Thugna ngala. Nu iheire ngala teke vahidi iara ginauna cheke ranghidi eigna mae Mama, eghuteuna mare ginauna jaola laseni mae Mama.

Matiu 10:6

Nu ghotilo tei ka naiknodi mae Israel. Mare la snivihi jateula sipu eghu.

Profet Malakai 3:1

Nu Lord mae ihei te nolaghi fateotei igne ne cheke eghu, “Iara ginauna kuruni nogu mae mala atha nonomho na mala kulu tarabana nabrou gu iara. Nomi Lord te ofoni teu ghotilo igne ginauna megeinga mei ka nogna Sugablahi na. Uve, mae te thofno magnahaghei filoni ghotilo igne ginauna mei, eghuteuna mana ginauna chekeni nogu nhaꞌa cheke iara na.”

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Profet Hosia 1:7

Nu iara ginauna kokhonidi naiknodi Juda igre mala toghodi. Iara nodi Lord God mare, eghuteuna iara ginauna fakarhidi. Theome ka naflahi, ka phaloho, ka jata, ba ka hose. Theo. Nu iara Lord, God mae ihei te au nolaghi fateote'o, iara ginauna fakarhidi.”

Profet Isaia 57:19

Neuba ghotilo ne tei au kate khaba, ba au kate namo, iara magnahaghei ghami ghotilo te au ka pharikeli. Uve, iara ginauna togho ghami ghotilo mala ke pulo mei.

Profet Isaia 55:12

Neuba ghotilo ne au neu Babilonia, ghotilo ginauna jifla ka kantri tuana, eghuteuna ghotilo ginauna glealeꞌa fara. Kate batu ghami te jifla iara na, ghotilo ginauna nake au fakeli. Neubane thogele te au faligoho ghami ghotilo igre ginauna jaola glealeꞌa balu koje. Neuba gaju igre ginauna jaola glealeꞌa fara balu proaprosa.

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Profet Isaia 7:14

Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.

Nodi Khoje Hatimare Mae Jiu 72:7

Te keli na jame gobigna lepo ka kantri igne mala doglo ka narane te king mana na. Eghuteuna ghehati na au fabrahu ka nakarha te keli.

Nodi Khoje Hatimare Mae Jiu 45:11

Te eghu iagho na, king ginauna filo nigho nei magnahaghei nigho eghu iagho, naugna iagho kaisei famane gaꞌase fara. Mana mala nou mae funei iagho, eghume iagho mala ghatho tahuni mana.

Nodi Khoje Hatimare Mae Jiu 45:6

Nolaghi teke tusu ari God ka iagho teke king iagho igne ginauna au fabrahu ka iagho tifa tifa. Iagho funei frunidi nou naiknore ka puhi te doglo.

Hibru 1:2

Nu gognaro na kau narane leghu lahu igre, God ne kuruni mae Thugna mala cheke ka tahati. Eghuteuna, vahini mae Thugna mala hohoro u nauthoglu igne, nei mala khotodi mana gobigna lepo fateo te au ke lamnagna.

Kolose 1:20

Tifa na, tahati nei gobigna lepo te au ka nauthoglu igne ba kligna theome au ka pharikeli balugna God. Eghume God neke eni kaisei nabrou mala eꞌei pharikeli balugna mana kate snakreni mae Kraes mala lehe ka gaju fafatha jateula kaisei fafara. Ka nogna gloku mae Kraes, God neke salofodu gobigna lepo kligna ba pari mala ke kaisei fapulo ka thegna.

Luku 1:79

Na phae jateula naprai eghu ka tahati te au kate romno, nei au ke parigna naungogna u glehe. Mana ginauna na batu fadoglo ghita kau nabrou te mala hatini tahati u pharikeli na.”

Mae Khuru 10:37

Ghotilo lasedihi unha teke edi heva heva Israel, fufunu ka narane teke toutonu mae Jone Apublahi ka naiknore eigna apublahi ke lamnagna Provins Galili.

Letas Teke Riso Tei Mae Pol Ka Khiloau Rom 5:1

Naugna tahati neke fatutuani ni God, mana la fadoglo ghitahi ke ulugna thegna. Tutuani, noda Lord Jisas Kraes neke togho ghita mala au tahati kau pharikeli balugna God.