Mae Khuru 10:35 - Buka Blahi Ka Cheke Holo

³⁵ Nu God keli tagna fara ngala ka vike ba ka kokholo te ghatho tahuni ba te eni unha te doglo na. Tuana ngala te magnahagheni mana na.

Mae Khuru 10:35 ပူးပေါင်းရင်းမြစ်များ

Ululahu Jone 2:29

Ghotilo kafe laseni God na mae keli fara nei eni fabrahu unha te doglo na. Eghume ghotilo kafe laseni iheire te eni unha te doglo na mare goro thugna God.

Mae Khuru 10:2

Mana kaisei mae keli fara, eghuteuna mana nei tharaknagna teuna mare ghatho tahuni nei pogho soruni eghu God. Mana toghodi fabiꞌo fara naikno te kumare nei mana tarai koba ka God.

Kolose 3:11

Ka nakarha majaghani igne na, naikno te gnafare mala kaisei nanaba ngala. Neuba tahati ne mae Jiu ba theome mae Jiu, neuba tahati ne tohi fagaglana ba theome tohi fagaglana, neuba tahati ne mae sikolu ba tahati maeda holo, ba tahati mae sneka ba tahati mae au snagla kolho, nu kaisei mae Kraes ngala te glepo ulu ka nakarhada na, eghuteuna mae Kraes te au ke lamnada gnafa.

Mae Khuru 15:9

Ka God na naikno tuare theome nhogri ka tahati. Kate fatutuani mare u Nonomho te Keli na, God na hata fadelei nakhibodire mala famane klino nagnafadire jateula teke enila mana ranghi ghita tahatia eghu.

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Eklesiasti 12:13

Iagho la nomhidihi cheke te gnafa igre, eghume igne nogu cheke farirhiu leghu lahu iara: Ghatho tahuni God eghuteuna leghudi nogna cheke manare, naugna igne unha te mala eni tahati na.

Proveb 16:6

Ghatho tahuni Lord, eghuteuna leghuni mana fabrahu, eghuteuna mana ginauna hata koko nakhibomu iagho re. Ghatho tahuni mana, eghuteuna iagho ginauna na theome tangomana te tei namo ka puhi te diꞌa na.

Proveb 1:7

Fufunu gna glalase na, iagho ghatho tahuni Lord. Nu naikno te fameomekro na tirogna fanomho nei leghuni eghu famane farirhiu na.

Kolose 1:6

Nonomho te Keli te nomhini ghotilo igne mala toghoni nodi fatutuani naikno heva heva ka nauthoglu igne. Igne neke enila ka ghotilo, kate nomhini ghotilo u Nonomho te Keli igne nei thofno laseni gaoghathogna nogna khokofakasai God na.

Mae Khuru 9:31

Ka narane tuare, naikno khiloau te au heva heva ka Provins Judia nei Galili nei Samaria teure ne au ka pharikeli. Eghuteuna kau nogna thotogho Tharunga te Blahi na nodi gloku mae khiloaure ne nheta fara nei naikno te ruma haghe ka khiloau na kmana ne kmana. Eghuteuna leuleghu narane na naikno khiloaure ne ghatho tahuni nodi Lord na.

Nodi Khoje Hatimare Mae Jiu 111:10

Mae ihei te magnahaghei mae glalase na, mana mala ghatho tahuni Lord. Uve, mana tusu lao glalase te keli ka iheire te leghudi nogna vetula mana re. Tahati kilo fnaknoni fabrahu mana.

Nodi Khoje Hatimare Mae Jiu 85:9

Tutuani fara, God na kaikaliti fabrahu te mala fakarhidi iheire te ghatho tahuni mana na, eghume tahati ginauna filoni nogna nolaghi mana te mala fakarhi ghita tahati naikno te au ka kantri igne.

Efesus 5:21

Lisa lao ghami fari themi naugna nomi ghatho tahu eigna Kraes.

Efesus 1:6

Tahati kilo fnaknoni God eigna nogna khokofakasai te thofno keli fara! U khokofakasai igne mana neke khogla tusu ranghi ghita kolho naugna nogna gloku mae Jisas mae ihei God te namhani fara.

Galesia 3:28

Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala.

Ululahu Korin 12:13

Eghuteuna neuba tahati ne mae Jiu ba theome mae Jiu, mae sneka ba theome mae sneka, kaisei Tharunga te Blahi ngala teke kafe faꞌapublahi ghita na mala jateula kaisei thini eghu tahati. God neke tusu ranghi ghita hui kaisei Tharunga te Blahi ngala mala au ke lamnada.

Letas Teke Riso Tei Mae Pol Ka Khiloau Rom 3:22

Igne u nabrou te chekeni iara na. Naikno te gnafa te fatutuani ni mae Jisas Kraes re, God au kaisei nabrou te mala fadoglodi ke ulugna thegna. God theome edi phei nabrou, kaisei maladi mae Jiu nei kehana maladi mae te theome Jiu.

Letas Teke Riso Tei Mae Pol Ka Khiloau Rom 2:13

Iheire te fiti fanomho kolho ka vetula na, mare theome doglo ke ulugna God, nu iheire te leghuni unha te chekeni ka vetula na, God ginauna fadoglodi ke ulugna.

Luku 1:28

Aonu engel na mei posa ka Meri ne cheke eghu, “Pharikeli nogna God na au balumu mala fablahi nigho!”

Profet Hosia 8:13

Mare edi kmana fafara, nei ima nafnahi teke fafara igre. Nu iara Lord, theome gleale'adi fafara te edi mare igre. Eghuteuna gognarona iara ghathodi nakhibodi mare igre, eigna nakhibo te edi mare igre ginauna paradi mare. Eghuteuna iara ginauna nake hata fafigridi Ijep ka sosolo.

Proveb 3:7

Thosei ghatho nigho themu ne lalase teuna, ghatho tahuni Lord eghuteuna figri tagrudi thuagna lepo te diꞌa fateote'o.

Proveb 2:5

Jame te faheaheta jateula tuana teu iagho na, iagho ginauna laseni te ghatho tahuni Lord, nei laseni God teuna.

Thoutonu Eigna Mae Job 28:28

Aonu God ne cheke eghu ka tahati, “Ghatho tahuni Lord, igne thofno gaoghatho te keli na. Te mala hatini glalase te keli na, ghotilo thosei eni puhi te diꞌa na.”

Filipae 3:3

Neubane eghu ngau, tahati nogna naikno God gre thofno laseni gaoghathogna tohi fagaglana. Naugna nogna Tharunga te Blahi God na te togho ghita tahati te mala pogho soru ranghini mana na. Tutuani, tahati gleale'a te kaisei balugna mae Jisas Kraes. Jaola theo kaisei noda fatutuani ka unha te eni ka thinida na.

Nodi Khoje Hatimare Mae Jiu 19:9

Ihei te ghatho tahuni Lord na mana eni puhi te keli na, eghuteuna puhi igne ginauna au fabrahu ka mana. Gaoghathogna Lord na thofno keli fara, eghuteuna mana ginauna kafe fate ghita gnafa ka puhi te doglo.

Mae Khuru 10:28

Mae Pita ne cheke eghu, “Uve, kheraguro, ghotilo lasenihi, thono blahi fara ka nomi vetula ghehati mae Jiure te sighoni ba te fofodu ka ihei te theome Jiu na. Nu God neke falalase ghau iara mala thosei chekeni iara ka ihei te thona ke ulugna God ba ihei te theome naba mala fofodu ka God.

Letas Teke Riso Tei Mae Pol Ka Khiloau Rom 2:14

Iheire te theome Jiu, theome hata nogna vetula mae Moses. Nu kate leghudi kolho mare nagnafadi thedire, eghuteuna jaola eni unha te chekeni ka vetula na teuna, igne glola fara te au nogna vetula God na ka nagnafadire, neuba mare ne theome laseni u nogna vetula mae Moses na.