Mae Khuru 10:33 - Buka Blahi Ka Cheke Holo

³³ Aonu iara ghosei ne kuru aridi keha mae ka iagho, eghume thofno keli fara te mei iagho agne na. Filo sagho, gognaro ghehati te gnafa na kafe kegra ofou agne ke ulugna God, magnahaghei fara te nomhini unha teke chekeni God ka iagho te mala cheke ranghi ghami ghehati na!”

Mae Khuru 10:33 ပူးပေါင်းရင်းမြစ်များ

Jemes 1:19

Kheraguro, ghaoghatho fakeli ghotilo ia. Te keli na ghotilo kulu fanomho fakeli ghu ame funu cheke nga nei diꞌatami nga eghu ka keha naiknore.

Galesia 4:14

Neubane fapuhi biꞌo ghami nogu fogra iara gne, ghotilo neke theome filo fadiꞌa ghau ba khi ghau iara. Theo. Ghotilo neke taji fakeli ghau iara jateula kaisei engel nogna God neku. Uve, ghotilo neke taji ghau iara jateula iara te mae Jisas Kraes thegna neku.

Jemes 1:21

Eghume, koko nafnata nakhibo nei puhi te diꞌa eghu te edi ghotilo are. Thosei fahaehaghe, nu nhaꞌa fapari ghami themi nei leghuni eghu nogna farirhiu God teke farirhiu ghotilo ia. Naugna farirhiu igne ngala tangomana te fakarhi ghami ghotilo na.

Ululahu Korin 3:18

Thosei chaghi ghami themi. Jame kaisei mae ke lamnami ghotilo te magnahaghei lalase fara ka nafnata glalase gna nauthoglu igne na, nabagna na mana mala jateula te meomekro eghu ka puhigna nauthoglu igne mala tangomana mana teke lalase fara na.

Mae Khuru 28:28

“Eghume, iara magnahaghei ghami ghotilo te laseni eigna God neke kuru meini u nonomho gna mae Fakarha na ranghidi naikno te theome Jiu. Eghuteuna mare ginauna na nomhini cheke igne!” Ke leghugna te chekeni mae Pol igne, mae biꞌodi Jiure ne jifla.

Nonomho Te Keli Teke Risoi Mae Mak 10:15

Tutuani fara, te chekeni iara ka ghotilo na. Mae ihei te theome magnahaghei jateula sua igne teu te mei ka God na, mana ginauna na theome nabagna te au farihoteidi naikno God te funei frunidire.”

Matiu 18:4

Eghume mae ihei te nhaꞌa faparini thegna jateula sua igne teuna, mana ngala kaisei mae biꞌo te thofno nabagna te au ke lamnadi nogna naikno God igre.

Proveb 25:12

Nogna cheke te rheta mae te autagna gaoghatho te keli te cheke ka mae te lase fanomho na, famane fara jateula famane ring gol nei chen eghu.

Proveb 1:5

Buka igne ginauna toghoni mae ihei te lalase fara mala biꞌo salaꞌui mana nogna glalase na. Eghuteuna mana ginauna farirhiudi iheire te au tadi gaoghatho te keli mala leghuni mare nabrou te keli na.

Fapea Kronikols 30:12

Eghuteuna God ne toghodi naiknodi Juda ne kaisei gaoghatho kolho ne leghuni nogna cheke Lord teke chekeni king baludi nogna mae biꞌo mana re.

Ululahu Tesalonika 2:13

Eghuteuna ghehati jaola cheke fakelini God leghu narane, kate hatini ghotilo chekegna God te nomhini ka ghehati. Naugna ghotilo theome hatini jateula nogna cheke naikno kolho eghu, nu thofno chekegna God. Eghuteuna thofno chekegna God igne loku ke lamnami ghotilo iheire te fatutuani.

Matiu 19:30

Kmana naikno te au ului ka nakarha gognaro gne nake au leghui. Eghuteuna kmana naikno te au leghui ka nakarha gognaro gne ginauna nake au ului.”

Proveb 18:15

Mae te autagna gaoghatho te keli na, mana loku heta mala lasedi gobigna lepore. Mana tangomana te fanomho fakeli ka mae ihei te magnahaghei farirhiuni mana na.

Mae Khuru 10:32

Gognaro na iagho kurudi keha mae mala tei Jopa mala tathalei meini kaisei mae te kiloi Simon, keha nanghagna na, mae Pita. Mana au ka sugagna mae Simon, mae te edi glepo ka guli buluka ia. Sugagna na au ka geri thongna na.’

Mae Khuru 10:34

Mae Pita ne funu cheke eghu, “Tutuani fara kheraguro, gognaro na iara thofno laseni igne, God na theome tangomana te kafe pileni ihei na naugna naikno te gnafare kafe nanaba ngala ka God.

Diutronomi 30:13

Theome au ke lamna nhorora, eghume iagho theome tangomana te cheke eghu na, ‘Ihei nate soru lamna nhorora te mala hata te mei ka tahati na, mala tangomana tahati te nomhi ni nei leghuni teuna?’