Mae Khuru 10:24 - Buka Blahi Ka Cheke Holo

²⁴ Mare ne posa Sisaria ka fapea narane na. Eghuteuna mae Konilias ne ofoni neu posa meigna mae Pita na ne kafe khapru neu baludi vikegna nei kheragna teure ka suga na.

Mae Khuru 10:24 ပူးပေါင်းရင်းမြစ်များ

Mae Khuru 8:40

Nu mae Filip neke thakle ka kaisei namono te kiloi Asotas. Mana ne tei tongana ka namono te gnafa ka nohi tuana nei toutonuni u Nonomho te Keli na, ne ghilei tei posa ka namono biꞌo Sisaria.

Luku 5:29

Ke leghugna igne, mae Livae igne ne eni kaisei gaghamu biꞌo ranghini mae Jisas ka nogna suga na. Kmana naikno te diꞌa te salo takis nei keha naikno te diꞌa langau eghu ne khapru mala ghamu baludi phiamare.

Profet Sekaraea 3:10

“ ‘Kate thoke mei narane tuana, ghotilo te gnafa na ginauna tangomana te eha meidi kherami re mala mei gnokro balumi paridi nomi gaju fig nei gaju grep ghotilo te kafe kelitamidi, te au fakeli.’ ”

Profet Maeka 4:2

Kmana naikno ginauna mei cheke eghu, “Mei, tahati na kafe haghe ka nogna thogele Lord, nogna God mae Jekop. Uve, tahati na ari mala pogho soruni mana ka Sugablahi na. Eghuteuna Lord ginauna farirhiu ghita mala leghuni tahati puhigna mana na.” Uve, mana ginauna eni igne, naugna chekegna Lord na ginauna jifla mei Jerusalem, eghuteuna mana ginauna farirhiudi naiknore puhigna mana heva heva.

Profet Isaia 2:3

Kmana naikno ginauna mei cheke eghu, “Mei, tahati na kafe haghe ka nogna thogele Lord, nogna God mae Jekop. Uve, tahati na ari mala pogho soruni mana ka Sugablahi na. Eghuteuna Lord ginauna farirhiu ghita mala leghuni tahati puhigna mana na.” Uve, mana ginauna eni igne, naugna chekegna Lord na ginauna jifla Jerusalem, eghuteuna mana ginauna farirhiudi naiknore heva heva ka puhigna mana na.

Matiu 16:13

Mae Jisas ne tei ka nohi te au namono biꞌo Sisaria Filipae. Mana ne ghusna eghu ka nogna mae fanomhore, “Iara mae neke mei funu ka God. Ba, mae ihei eghu ghau iara si naikno grea?”

Mae Khuru 10:1

Jare kaisei mae gna Rom te au ka namono Sisaria, nanghagna na mae Konilias. Mana kaisei mae funei ka tothoghei te kiloni “Tothoghei gna Itali.” Mae Konilias gne batuni kaisei gobi mae soldia gna Rom.

Mae Khuru 10:27

Aonu mae Pita ne funu facheke balugna mae Konilias ne ruma suga. Eghuteuna mae Pita ne filodi naikno kmana kafe khapru neu jare.