Mae Khuru 10:23 - Buka Blahi Ka Cheke Holo

²³ Aonu mae Pita ne toredi thilomare mala au balugna ka suga mae Simon na bongi tuana. Ka keha narane na, mae Pita ne tarabana ne tei baludi thilomare nei keha naikno khiloaudi Jopa langau eghu.

Mae Khuru 10:23 ပူးပေါင်းရင်းမြစ်များ

Mae Khuru 11:12

Eghuteuna Tharunga te Blahi na neke cheke ranghi ghau iara mala thosei mhaghu iara te tei baludi na. Eghume namno naikno khiloau Jopa igre neke teila balugu iara. Ghehati neke tei thoke ka sugagna mae Konilias na Sisaria.

Mae Khuru 10:45

Naikno Jiu te fatutuani ni mae Jisas teke mei balugna mae Pita re ne jaglo nodi fara, eigna God ne tusu lao u Tharunga te Blahi na ka naikno te theome Jiure.

Ululahu Pita 4:9

Snakredi sugamire ka kherami te fatutuani ni Kraes are balu gleale'a.

Hibru 13:2

Thosei ghatho ihoni mala toghodi naikno te posa mei ka sugamire. Keha naiknore tifa na neke theome filo glanidi kolho, nu mare neke toghodi engel ka sugadire.

Fapea Korin 8:21

Ghehati fariuriu eni unha te doglo na. Ghehati magnahaghei eni unha te doglo ka tathagna Lord na nei jaola doglo ka tathadi naiknore.

Mae Khuru 10:33

Aonu iara ghosei ne kuru aridi keha mae ka iagho, eghume thofno keli fara te mei iagho agne na. Filo sagho, gognaro ghehati te gnafa na kafe kegra ofou agne ke ulugna God, magnahaghei fara te nomhini unha teke chekeni God ka iagho te mala cheke ranghi ghami ghehati na!”

Mae Khuru 10:29

Eghume kate kuru aridi iagho keha mae te mala tathalei ghau iara te mei agne na, iara theome huhughuni chekemu iagho na. Nu gognaro na iara magnahaghei ghami ghotilo te mala chekedi unha te magnahagheni ghotilo na.”

Mae Khuru 9:42

Nonomho eigna igne ne tei tongana heva heva ka namono Jopa, eghuteuna kmana naikno ne funu fatutuani ni Lord.

Mae Khuru 9:38

Namono Jopa gne kaisei namono rhegna Lida. Naikno khiloaudi Jopa re nomhini te au teu mae Pita Lida na. Aonu mare ne kurudi phei mae ne tei ka mae Pita. Phiamare ne cheke eghu ka mae Pita, “Ghehati magnahaghe nigho iagho te faghose mei ka nomi namono na!”

Eklesiasti 9:10

Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Mae Khuru 9:36

Ka namono Jopa jare kaisei naikno khiloau nanghagna na Tabita. Nanghagna naꞌa ka cheke Griki na, “Dokas”. Naꞌa edi koba glepo te keli mala toghodi naikno te kumare.

Mae Khuru 28:15

Ame thoke nga ghehati jare teuna, naikno khiloau re ne nonomho thonu eimi ghehati. Aonu mare soru ne thafo ghami ghehati ka namono te kiloi “Maket Apias”, nei jaola ka namono te kiloi “Thilo Hotele”. Kate filodi mare na, mae Pol ne keli tagna fara ne cheke fakelini God.