Mae Khuru 1:6 - Buka Blahi Ka Cheke Holo

⁶ Kate kafe khapru teu mae khurure balugna mae Jisas na, mare ne ghusna eghu ka mana, “Ba, Lord, gognaro iagho nake tusu fapulo u nolaghi na ka mae Israel gre mala reireghidi mare thedi kau nauthoglu igne sia?”

Mae Khuru 1:6 ပူးပေါင်းရင်းမြစ်များ

Luku 19:11

Mae Jisas ne mei rhegna Jerusalem. Keha naiknore gaoghathodi na narane God te funei frunidi nogna naiknore la namo meihi. Naugna tuana mana ne cheke eghu ka cheke naba, “Kaisei mae neke karha ka vikegna gna kaisei mae funei, mare kiloni mana mala tei ka kantri delei mala ke hata sapegna king ame ke pulo mei nga mala ke funei frunidi nogna naiknore.

Luku 17:20

Kaisei fata, hatimare mae Farasi ne ghusna eghu ka mae Jisas, “Niha nau si meigna narane te mala funei frunidi God nogna naikno grea?” Mae Jisas ne cheke eghu, “Narane God te funei frunidi nogna naiknore ghotilo theome tangomana te filo glanidi fagaglana biꞌo re.

Profet Daniel 7:27

Eghuteuna nodi nolaghi nei nafnakno teu mae king te gnafa ka nauthoglu na igre, God mae ihei te fnakno ka maloa kligna igne ginauna hata fadelei ka mare nolaghi igne mala tusu lao ka nogna naiknore. Eghuteuna nodi funei fruni nogna naikno mana igre ginauna theo ka huigna. Eghuteuna mae king te gnafa ka nauthoglu na igre ginauna ghatho tahudi nei leghudi eghu mare.’

Matiu 24:3

Kate gnokro mae Jisas ka Thogele Gaju Olivi, hatimare mae fanomhore mei ne ghusna poru eghu ka mana, “Ghema, niha nau thoke meidire glepo igrea? Eghuteuna unha nafnata fagaglana narane mala ke pulo meimu nei narane mala huigna teu nauthoglu igne?”

Luku 22:29

Eghume iara gognarona tusu ari nolaghi ka ghotilo mala funei frunidi naikno gre balugu iara, jateula mae Mama teke tusu mei nolaghi igne ka iara.

Matiu 17:11

Mae Jisas ne cheke eghu, “Tuana tutuani fara, mae Elija gne na kulu mei mala fadodoglo gobigna lepore.

Matiu 20:21

Mae Jisas ne ghusna eghu ka naꞌa, “Unha te magnahagheni iagho na?” Naꞌa ne cheke eghu ka mana, “Iara magnahaghedi phei thugu nalhaꞌu igre te gnokro kau nafnakno biꞌo, kaisei fei nhetamu nei kehana fei mairimu eghu ka narane te King iagho na.”

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Profet Emos 9:11

Lord ne cheke eghu, “Ginauna nake thoke mei narane na teke toghoni iara Israel mala teke rheta fapulo na. Naiknodi Israel igre jateula kaisei suga tela grofohi ra eghu, nu iara ginauna nake babana fapulo mala ke keli jateula teke ka narane teke king mae Devet tifa ia eghu.

Profet Jeremaea 33:26

Na jateula igne eghu, iara ginauna na theome thododi vikedi mae Jekop ghe nogu mae gloku iara mae Devet. Eghuteuna iara na jaola theome huhughuni nhaꞌa cheke nate au fabrahu teke eni iara balugna King Devet, nei king te gnafa nate funei frunidi vikedi mae Ebraham, mae Aesak nei mae Jekop, ginauna karha mei ka vikegna Devet. Iara ginauna kokhonidi nogu naiknore, eghuteuna iara ginauna toghodi mala au fakeli ka nodi namono na jateula teke tifa ia eghu.”

Profet Isaia 1:26

Eghuteuna iara ginauna na vavahi mae mala baubatu majaghani nei mae funei majaghani eghu jateula teke eghu ghotilo tifa ra eghu. Ka narane tuana, naiknore ginauna lase ghami ghotilo naiknomi Jerusalem ra te edi ghotilo glepo te thofno doglo re. Mare na jaola lase ghami ghotilo te ghatho tahuni fabrahu Lord.”

Jenesis 49:10

Naikno nate karha mei ka vikemu iagho re ginauna mala au fabrahu ka sapegna king na. Eghuteuna naikno te gnafa re ginauna leghuni mae funei ka vikemu iagho na.

Jone 21:21

Kate filoni mae Pita te mei mana ke leghudi na, mana ne cheke eghu ka mae Jisas, “Lord, mae igne ba, na faꞌunha eghu mana ginauna?”

Nonomho Te Keli Teke Risoi Mae Mak 9:12

Mae Jisas ne cheke eghu ka thilomare, “Tutuani fara, mae Elija gne mala kulu mei mala kulu tarabanau gobigna lepore. Naugna unha si grioriso te blahi gne te chekeni na mae teke mei funu ka God gne ginauna mare na parani nei filo fadiꞌani eghu teu gnea?

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Profet Hosia 3:4

Naiknodi Israel igre mala jateula igne eghu mala au faraugha katha vido. Eghuteuna mare na theo kaisei nodi mae king, ba kaisei nodi mae mala baubatu. Eghuteuna mare ginauna na theome tangomana nate fafara ka mumuju na, ba theome tangomana nate fakegra haghe kaisei thina mala tarai ka mana. Mare ginauna na theome hata kaisei mumuju, ba kaisei nafnata glepo te mala filo glanidi unha nate thakle mei nathuꞌu nauriha.