Mae Khuru 1:4 - Buka Blahi Ka Cheke Holo

⁴ Kaisei fata kate ghamu baludi nogna mae khurure, mana neke cheke faheta ka mare mala thosei jifla Jerusalem nu au kolho jare. Nu mana ne cheke eghu ka mare, “Mae Mama neke nhaꞌa cheke ka ghotilo jateula teke kulu chekeni iara ka ghotilo ia eghu. Ofou agne Jerusalem mala hata u nhaꞌa cheke igne.

Mae Khuru 1:4 ပူးပေါင်းရင်းမြစ်များ

Luku 24:49

Iara ginauna kuru mei ka ghotilo mae ihei teke nhaꞌa cheke mae Mama na. Nu ghotilo mala au ngala Jerusalem ghilei hatini nogna nolaghi God te mei funu kligna na.”

Jone 14:16

Iara ginauna toreni mae Mama mala kuru meini mana ka ghotilo keha mae te mala togho ghami ghotilo, mana ginauna au fabrahu balumi ghotilo. Mana mae Tharunga te Blahi, mae ihei nate falalase glepo te tutuani eigna God na. Naikno te leghuni puhigna nauthoglu igne na, naikno tuana theome snakreni mae Tharunga te Blahi te mala mei ka mana, naugna mana ne theome laseni nei filo glanini neu mana. Nu ghotilo lasenihi mana, naugna mana au balumi ghotilo, eghuteuna mana ginauna theome tei koko ghami ghotilo.

Jone 15:26

“Iara ginauna kuru meini ka ghotilo mae mala thotogho na. Mae igne mae Tharunga te Blahi, mae te mala falalase glepo te tutuanire. Mana na mei ka ghotilo funugna ka mae Mama mala toutonu eigu iara.

Mae Khuru 2:33

God neke hata hagheni mana kau sape nafnakno na mala gnokro rhegna thegna. Eghuteuna God mae Kmagna na neke tusu ranghini mana Tharunga te Blahi na, mala leghuni nogna nhaꞌa cheke na. Eghume unha te filoni nei nomhini teu ghotilo gognaro gne, glepo neke tusu meini God ka ghehati.

Jone 7:39

Mae Jisas neke cheke eigna mae Tharunga te Blahi nate mei ka iheire te fatutuani ni mana re. Kau narane tuana God theome kuru mei ngau mae Tharunga na, naugna mae Jisas theome kegra ngau kau nafnakno.

Jone 20:22

Gnafa teuna, mana ne phanga lao ke klignadi mare ne cheke eghu, “Gognarona ghotilo atha Tharunga te Blahi gne.

Luku 12:12

Kau narane tuana mae Tharunga te Blahi na ginauna farirhiu ghami ghotilo unha te mala chekeni ghotilo na.”

Luku 11:13

Neubane diꞌa jateula unha neu ghotilo, ghotilo tangomana te tusu lao glepo te keli ka thumire. Eghume te eghu na, mae Kmami ghotilo te au kligna na mana ginauna na tusu lao Tharunga te Blahi na ka iheire te tore ka mana.”

Mae Khuru 10:41

Mana neke theome fatakleni thegna ka naikno te gnafare. Nu mana neke thakle ka iheire kolho teke kulu vavahi God te mala kulu filoni mana re. Eghuteuna kate karha fapulohi mana na, ghehati neke ima nei koꞌu eghu balugna mana.

Matiu 10:20

Cheke te mala chekedi ghotilo re theome nomi ghotilo themi, nu nogna Tharunga te Blahi teke mei funu ka Kmami te au kligna na nate cheke ka nagnafami ghotilo re. Nu cheke tuare ngala te mala chekedi ghotilo re.

Naba 9:22

Jame te au fabrahu gromno na ke kligna gna suga thapuale na nabagna phei narane, ba kaisei nhigra, ba kaisei finogha teuna, mare theome tangomana te jifla kokoni vido tuana. Nu jame te thugha haghe gromno na, mare jaola thugha.