Mae Khuru 1:25 - Buka Blahi Ka Cheke Holo

²⁵ nate hata sapegna mae khuru teke jifla kokoni mae Judas te tei ka vido aheva te gijagna mana na.”

Mae Khuru 1:25 ပူးပေါင်းရင်းမြစ်များ

Ululahu Korin 9:2

Neubane theome filo glani ghau iara keha naiknore te mae khuru iara na, ghotilo filo glani ghau iara. Naugna ka nomi thofno nakarha majaghani ghotilo na, ghotilo kaisei balugna Lord. Igne fagaglana eigna te kaisei mae khuru tutuani iara na.

Letas Teke Riso Tei Mae Pol Ka Khiloau Rom 1:5

Iara neke hata nogna fablahi God igne ka Kraes, eigna mana neke vahi ghau iara mala loku jateula kaisei mae khuru eghu mala kilodi naiknore ka namono te gnafare mala fatutuani nei leghuni eghu mana.

Jone 17:12

Kani au tekeu iara baludi, iara neke taji fakelidi kau nolaghi gna nanghamu iagho na, nangha teke famei iagho ka iara ia. Iara neke kafe taji fakelidi mare hui. Eghuteuna kaisei mae ngala ka mare nate snivi na mala horoghoto ka unha teke cheke eghu kau grioriso te blahi ia.

Galesia 2:8

Naugna God neke vahini mae Pita mala mae khuru mala loku ka mae Jiu. Eghuteuna mana vahi ghau iara mala mae khuru mala loku ka iheire te theome Jiu.

Jone 13:27

Theome raugha kate hata mae Judas bret na, Satan ghosei ne ruma haghe ka thiꞌagna mae Judas na ne fadiꞌani nagnafagna mana na. Aonu mae Jisas ne cheke eghu ka mae Judas, “Faghose tei eni glepo teke ghathoni iagho na.”

Matiu 26:24

Iara mae teke mei funu ka God na ginauna lehe jateula te chekeni ka grioriso te blahi ia eghu. Nu kokhonini fara mae ihei nate snakre lao ghau iara ka khamedi nogu naoka iara re. Nabagna na mae tuana jame neke theome karha ngala, naugna mana naꞌau papara fara!”

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Nodi Khoje Hatimare Mae Jiu 109:7

Kate fanomho mae te diꞌa na ka fate na, mae fate ginau laseni tela jafrahi mana na, aonu mare ginau kuru teini mana ka suga sosolo. Mae fate na jaola ne laseni te theome doglo nogna tharai mana re.