Mae Khuru 1:21 - Buka Blahi Ka Cheke Holo

^21-22 Naugna igne, tahati na vavahi kaisei mae mala ke tughuni mae Judas, mala loku baluda nei toutonu ka naiknore eigna u kegra fapulogna noda Lord Jisas. Eghume tahati na vahini kaisei mae teke au fabrahu baluda tahati ka narane noda Lord Jisas Kraes teke au ke lamnada tahati. Mana kaisei mae teke au baluda funu ka narane mae Jone Apublahi teke faꞌapublahini mae Jisas tifa te ghilei posa kau narane teke tei koko ghita mana kligna.”

Mae Khuru 1:21 ပူးပေါင်းရင်းမြစ်များ

Jone 15:27

Eghuteuna ghotilo jaola mala toutonu eigu iara kau nauthoglu igne, naugna ghotilo neke au balugu iara kani teke fufunu gna iara nogu gloku gne.”

Fapea Samuel 5:2

Tifa na, mae Sol ia neke noda king tahati ngala, iagho teke batudi mae Israel gre teke tei ka magra na. Eghuteuna Lord na neke cheke eghu ka iagho, ‘Iagho ginauna mala batudi nei reireghidi eghu nogu naikno iara Israel igre, eghuteuna iagho mala nomi king ghehati gnafa.’ ”

Diutronomi 31:2

Mana ne cheke eghu, “Gognarona iara la kuekuꞌe fara, iara la thokeni hi kaisei gobi varadaki finogha. Iara na theome tangomana nate batu ghami ghotilo na. Eghuteuna Lord nomi God ghotilo na neke cheke ka iara, eigna iara ginauna theome tangomana nate tei kasa ka Khoꞌu biꞌo Jordan.

Naba 27:17

Mala nu kulu ulu mana me batu fajifladi ba ke pulo mei eghu, jateula mae ihei te batudi mare ka magra ra eghu. Na eghunu fiti au tafri nou naikno iagho gre jateula sipu te theo ihei nga reireghidira eghu.”

Ululahu Kings 3:7

“Lord, nogu God, iagho neke vahi ghau iara mala hata sapegna mae kmagu. Nu iara jateula sua eghu theome tangomana te funei frunidi naiknore.

Luku 1:2

Tahati lasedi ka mae iheire teke thofno filodi glepo igre funu tifa nei risodi. Mare jaola neke toutonuni u Nonomho te Keli na.

Luku 24:3

Eghuteuna, rehati ruma lamna ka gluma na, nu rehati ne theome filoni thinigna mae Jisas.