Mae Khuru 1:18 - Buka Blahi Ka Cheke Holo

¹⁸ Mae Judas gne neke foli kaisei vido glose ka sileni teke hata mana ka glepo te diꞌa teke eni mana na. Eghuteuna ka vido glose tuana mae Judas uka neke brisna thi'agna na neke thofa ka glose tuana neke lehe.

Mae Khuru 1:18 ပူးပေါင်းရင်းမြစ်များ

Nodi Khoje Hatimare Mae Jiu 55:15

Gaoghatho te diꞌa na la kulu fodu hi ka thi'adi nei sugadi teu nogu naoka iara re. Eghume iara magnahaghedi mare te mala ghosei te lehe na. Kate karha nga teuna, mare mala kafe tei ka namonodi mae tela lehehira.

Nodi Khoje Hatimare Mae Jiu 55:23

God, iagho ginauna kuru teidi iheire te falehe naikno nei chaichaghi teu are mala tei au mare ka namonodi naikno te au ka glehera mala snivi fabrahu mare. Narane te mala lehedire na ghosei mei kolho. Nu iara gne fatutuani nigho iagho fabrahu kolho.

Profet Sekaraea 11:13

Lord ne cheke eghu ka iara, “Iagho koko tei sileni igne ka mae te mala horo suspen ka glose ana.” Aonu iara hata tolufulu silva te taba ikoi kolho, eghuteuna koko tei sileni igne ka ihei te loku lamna ka nogna Sugablahi Lord.

Naba 22:17

naugna iara ginauna foli nigho mala dedei iagho, eghuteuna jaola edi unha te chekedi iagho re. Eghume iara tore nigho mala mei togho ghau iara mala tibridi iagho mare mala thokedi hoholo.”

Naba 22:7

Aonu mae lidadi Moab ghe Midian re tei ne atha sileni mala folini mae Balam. Mare tei ne filoni Balam ne facheke nogna cheke mae Balak re ka mana.

Matiu 25:15

Aonu mana tusu lao sileni kmana ka thilomare leghuni nodi glalase na. Mana ne tusu lao ka kaisei mae gloku glima duku sileni. Ka keha mae gloku na, phei duku sileni. Eghuteuna, ka fatilo mae gloku na, kaisei duku sileni. Mana jifla ka namono na ne tei.