Mae Khuru 1:16 - Buka Blahi Ka Cheke Holo

¹⁶ “Uve, kheraguro, u cheke teke chekeni mae Tharunga te Blahi ka mae Devet eigna mae Judas tifa ia la horoghotohi gognaro na. Naugna mae Judas gne neke baubatudi mae iheire teke tei lokini mae Jisas ia.

Mae Khuru 1:16 ပူးပေါင်းရင်းမြစ်များ

Fapea Samuel 23:2

“Tharunga gna Lord na vahi ghau iara mala chekeni nogna cheke na. Nogna cheke na au ka foflogu iara na.

Fapea Kings 15:12

Aonu nhaꞌa cheke teke cheke eghu Lord ka King Jehu tifa igne ne thoke mei tutuani, “Vikemu iagho te sukha ka fati phagusu igre ginauna mala king Israel.”

Nodi Khoje Hatimare Mae Jiu 41:9

Mae kheragu thofno ba te rouronuni nei ghamu fodu teu iara balugna na, mana jaola tapla fapari ghau iara.

Matiu 26:14

Kaisei mae ka hatimare nabotho phei mae fanomhore tei ne cheke ka mae pris ulure. Nanghagna mae fanomho igne mae Judas Iskariot.

Matiu 26:47

Kate cheke teu mae Jisas igne, mae Judas ne posa mei. Mae Judas gne kaisei mae ka hatimare nabotho phei mae fanomho igre. Kmana naikno hata ne mei naflahi nei nanala eghu balugna mae Judas. Eghuteuna mae pris ulu nei keha mae biꞌo eghu teke kuru meidire.

Matiu 26:54

Nu iara theome eni igne, naugna iara mala horoghoto ka unha te chekeni ka grioriso te blahi ia.”

Matiu 26:56

Nu glepo igre thoke mei ka iara gognarogne mala horoghoto ka unha teke risodi hatimare mae profet tifa ra.” Aonu kate nomhidi cheke mana igre hatimare mae fanomhore kafe rikha ne tei kokoni mana.

Nonomho Te Keli Teke Risoi Mae Mak 12:36

Nu mae Tharunga te Blahi na neke nhaꞌa lao gaoghatho ka mae King Devet neke cheke eghu: “ ‘God ne cheke ranghini nogu mae funei iara na, iagho gnokro agne fei nhetagu iara. Naugna iara ginauna lisei soru nou naoka iagho re ke parigna nou nolaghi na.’

Nonomho Te Keli Teke Risoi Mae Mak 14:43

Kate cheke teu mae Jisas na, mae Judas ne posa mei. Mae Judas gne kaisei mae ka hatimare nabotho phei mae fanomhore. Kmana naikno ne hata ne mei naflahi nei nanala eghu balugna mae Judas. Eghuteuna mae pris ulu nei mae velepuhigna vetula nogna mae Moses nei keha mae biꞌo eghu teke kuru meidire.

Luku 22:47

Ka vido cheke teu mae Jisas na, kaisei tothoghei naikno ne posa mei. Mae Judas, kaisei mae ka hatimare nabotho phei mae fanomhore, baubatudi mare ne mei. Eghuteuna mae Judas lao rhegna mae Jisas ne gnanghoni mana.

Jone 10:35

Tahati laseni unha te chekeni ka grioriso te blahi na tutuani fabrahu. God kilodi naikno te toutonuni chekegna mana tuare jateula thegna God eghu.

Jone 13:18

“Iara theome kafe cheke ghami ghotilo. Naugna iara kulu lasedihi nafnata naikno teke vavahi thegu iarare. Nu cheke kau grioriso te blahi na igne ne horoghoto fara ka unha te eni gognaro gne, ‘Mae te gnokro ghamu bret teu balugu iara igne, mana ginau nake figri ke majora ghau iara.’

Jone 17:12

Kani au tekeu iara baludi, iara neke taji fakelidi kau nolaghi gna nanghamu iagho na, nangha teke famei iagho ka iara ia. Iara neke kafe taji fakelidi mare hui. Eghuteuna kaisei mae ngala ka mare nate snivi na mala horoghoto ka unha teke cheke eghu kau grioriso te blahi ia.

Jone 19:36

Gobigna lepo te edi igre ne horoghoto ka grioriso te blahi na, “Theo kaisei nhubragna mana te lolhopa mare na.”

Mae Khuru 1:20

Mae Pita ne cheke eghu, “Naugna kau buka Sam na e cheke eghu, “ ‘Sugagna mana na ne krogha, ginauna na theo kaisei mae nate au ke lamnagna na.’ Jaola keha cheke na ne cheke eghu, “ ‘Kaisei mae neke hata sapegna mana na.’

Mae Khuru 13:15

Kate iu'iju te gnafa mare nogna buka mae Moses nei nodi buka hatimare mae profet, goro mae biꞌogna suga tharai na ne cheke eghu ka mae Pol nei mae kheragna re eghu, “Kheraguro, ghehati magnahaghei ghami ghotilo te mala cheke ranghidi naikno gre, eghu te au nomi cheke ghotilo te mala toghodire.”

Mae Khuru 13:38

“Uve, kheraguro, iara magnahaghei ghami ghotilo te lase fakelini unha te chekeni ghehati ka ghotilo eigna mae Jisas igne. God tangomana te hata fadeleidi nakhibomi ghotilo re ka mae Jisas ngala. Eghuteuna mae ihei te fatutuani ni mae Jisas na, mana ginauna doglo fara ke ulugna God. Eghuteuna God ginauna hata fadeleidi nakhibogna mana re mala snagla mana. Uve, God theome hata fadeleidi nakhibognare mala snagla mana kate leghuni kolho nogna vetula mae Moses na.

Mae Khuru 15:13

Ke leghugna cheke te gnafa phiamare na, mae Jemes ne cheke eghu, “Uve kheraguro, fanomho ka iara.

Mae Khuru 15:7

Ke leghudi cheke te brahu eigna puhi igne, mae Pita kegra haghe ne cheke eghu, “Uve kheraguro, ghotilo lasenihi ka narane tela sala'u ra. God neke vahi ghau iara farihoteimi ghotilo mala toutonuni u Nonomho te Keli gne ranghidi naikno te theome Jiu gre mala fatutuani.

Mae Khuru 2:23

God neke leghuni nogna gaoghatho teke kulu nanhaꞌa tifa na ne snakreni mana mala lokini ghotilo. Eghuteuna ghotilo ne faleheni mana kate snakre lao ghotilo ka khamedi mae te diꞌa ra mala tupijuruni mare kau gaju fafatha.

Mae Khuru 2:37

Kate nomhini naiknore unha te chekedi mae Pita igre, mare ne diꞌanagnafadi fara ne cheke eghu ka mae Pita nei ka keha mae khurure, “Kheraguro, na fanefou si ghehati ia?”

Mae Khuru 22:1

Mae Pol ne cheke eghu, “Kheraguro ba mamare, fanomho meighu ka iara mala ke cheke tughudi ghu iara nomi cheke ghotilo ra!”

Mae Khuru 23:1

Mae Pol ne filo lao ka hatimare mae te mala fate re ne cheke eghu, “Kheraguro, iara theome mamaja nogu ke ulugna God, naugna funu tifa te ghilei posa ka narane gognaro gne iara edi fabrahu mei ngala gobigna lepo teke chekedi mana mala edi tahati tekure.”

Mae Khuru 23:6

Mae Pol filo glanidi hatimare mae biꞌo mala fate gre. Mare phei tothoghei: keha na hatimare mae Sadiusi nei keha na hatimare mae Farasi. Aonu mae Pol ne cheke eghu fabiꞌo ka mare, “Kheraguro, iara kaisei mae Farasi, eghuteuna mae kmagu iara na kaisei mae Farasi la! Eghuteuna iara thofno fatutuani God ginauna na fakarhi fapulodi naikno teke lehehire. Naugna igne site fate ghau iara ghotilo gognaro gnea!”

Mae Khuru 28:17

Thilo narane ke leghugna igne, mae Pol ne kilo fodudi hatimare mae biꞌodi Jiu te au ka namono igne mala khapru mei ka mana. Kate mei te gnafa mare na, mae Pol ne cheke eghu ka mare, “Kheraguro, iara theome eni kaisei glepo te diꞌa ranghidi naiknore, nei theome cheke faparini kaisei nodi kastom mae ku'edara. Nu neuba ngau, maedi Jerusalem mare loki ghau iara ne snakre lao ghau iara ka khamedi mae Rom.

Mae Khuru 28:25

Eghuteuna mare ne theo kaisei nodi gaoghatho ne magnahaghei jifla nodi. Nu mae Pol ka nogna cheke leghu lahu ranghidi mare na neke cheke eghu, “Mae Tharunga te Blahi na neke cheke ka tutuani ranghidi mae ku'emi ghotilo ra ka mae Profet Isaia. Ka narane tuana mana neke cheke eghu,

Mae Khuru 7:2

Mae Stivin ne cheke eghu, “Mamare ba kheraguro, fanomho mei ka iara. Kani au nga teku mae kuꞌeda Ebraham Mesopotemia tifa ame tei nga mana Haran teku ia, noda God te au kligna na neke mei thakle ka mana jare.

Ululahu Pita 1:11

Tharunga gna mae Kraes na neke au baludi mare. Eghuteuna mae Tharunga na neke chekeni eigna mae Kraes nate kulu au papara, eghuteuna ke leghugna igne God ginauna tusu ranghini mana siasigla balu nolaghi biꞌo. Hatimare mae profet neke fariuriu hironi faneha ba niha nau nate thokei mei glepo igne ginauna.

Fapea Pita 1:21

Naugna nodi cheke hatimare mae profet ra, theo kaisei fata mare thedi te toutonudi glepo igre. Nu mae Tharunga te Blahi neke thofno saghe leghudi mare mala toutonuni cheke teke mei funu ka God.

Fapea Pita 2:21

Uve, te keli na mare thosei laseni nabrou te doglo igne. Naugna theome keli te laseni mare eigna nabrou igne, nei nomhini eigna vetula te blahi igne eghuteuna ke figri tagruni mare nabrou te doglo na teuna.