Mae Khuru 1:15 - Buka Blahi Ka Cheke Holo

¹⁵ Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Mae Khuru 1:15 ပူးပေါင်းရင်းမြစ်များ

Ululahu Korin 15:6

Ke leghugna tuana, mae Jisas neke fatakleni thegna ka hatimare sala'uni glima gobi naikno khiloau teke khapru fodu teku kaisei vido ngala. Tutuani, kmana ka naikno igre mare karhau ngala gognaro na. Nu kehare la lehehi.

Thakle 11:13

Ka vido tuanala ne kaisei nakheu biꞌo. Eghuteuna kaisei vidogna namono biꞌo na ne groꞌe, eghuteuna fitu thogha naikno ne lehe ka nakheu tuana. Eghuteuna naikno teke theome lehere mhaghu nodi fara ne cheke fakelini nanghagna God gna kligna na.

Mae Khuru 21:20

Kate nomhini mare nogna cheke mae Pol igne, mare ne kilo fnaknoni God. Aonu mare ne cheke eghu ka mae Pol, “Ghema thabusigna, iagho laseni kmana thogha mae Jiu la fatutuani ni mae Jisas, eghuteuna mare jaola kafe leghuni fara nogna vetula mae Moses.

Jone 21:23

Eghuteuna, u thoutonu na theome lehe mae fanomho igne teuna, ne tei tongana ka mae fanomhore. Nu mae Jisas theome chekeni te mana na theome lehe teuna. Theo, te chekeni mae Jisas na, “Jame iara magnahagheni mana te karha teu teke pulo mei iara na, tuana theome glepo ulu ka iagho.”

Thakle 3:4

Nu kehaghu kolho ka ghotilo jare Sadis te au doglo ke ulugna God te theome leghuni u puhi nakhibo na. Mare reireghi fakelidi thedi jateula kaisei mae te reireghi fakelidi nogna pohere te mala theome thona teu ia eghu. Mare ginauna pipichi pohe vegha eghuteuna mare ginauna na au balugu iara. Mare nabadi te eni igne naugna nodi gloku na keli fara ke ulugu iara.

Jone 14:12

Tutuani fara te chekeni iara ka ghotilo na. Mae ihei te fatutuani ghau iara na, mana ginauna edila glepo te edi iara re. Mana ginauna na edi glepo ke kmanadi te edi iara igrei, naugna iara na tei kokoni nauthoglu igne mala tei au balugna mae Mama.

Luku 22:32

Nu iara tarai eimu iagho mala theome blogho iagho ka nou fatutuani na. Eghuteuna kate figri mei iagho ka iara na, iagho ke toghodi mae kheramu are mala ke heta fapulo mare nodi fatutuani na ka iara.”

Matiu 13:31

Mae Jisas ne toutonu ranghidi keha cheke naba na. Mana ne cheke eghu, “Narane God te funei frunidi nogna naiknore jateula sisi gaju mastad ia eghu. Kaisei mae neke joꞌu sisi kau nagare na.

Mae Khuru 10:23

Aonu mae Pita ne toredi thilomare mala au balugna ka suga mae Simon na bongi tuana. Ka keha narane na, mae Pita ne tarabana ne tei baludi thilomare nei keha naikno khiloaudi Jopa langau eghu.

Mae Khuru 11:1

Hatimare mae khuru nei keha naikno khiloau te au tongana ka Provins Judia, mare ne nomhidi naikno te theome Jiure ne fatutuani ni chekegna God na.

Mae Khuru 11:12

Eghuteuna Tharunga te Blahi na neke cheke ranghi ghau iara mala thosei mhaghu iara te tei baludi na. Eghume namno naikno khiloau Jopa igre neke teila balugu iara. Ghehati neke tei thoke ka sugagna mae Konilias na Sisaria.

Mae Khuru 11:26

Kate ludeni mae Sol na, mae Banabas ne tathaleini mana neke pulo Antiok. Mae Banabas ghe mae Sol ne au kaisei finogha thongana Antiok baludi naikno khiloau re. Eghuteuna phiamare ne farirhiudi kmana naikno jare. Namono ulu lahu te kilodi mae fanomhore u nangha naikno khiloau teu igne, Antiok.

Mae Khuru 11:29

Aonu mae fanomhore ne kaisei gaoghatho ngala mala toghodi naikno khiloau te kmo'e ka glepo ka Provins Judia. Igne lelheghu ka ihei te tangomana te toghodi mare na.

Mae Khuru 12:17

Aonu mae Pita ne eni kaisei fagaglana mala famane fanomho mare, eghuteuna mana ne toutonu eigna unha te eni God ranghini mana te hata fajiflani kau suga sosolo na. Aonu gnafa teuna, mana ne cheke ka mare mala toutonu eigna igne ranghini mae Jemes nei keha naikno khiloau re. Eghuteuna, ke leghugna igne mae Pita ne jifla kokodi naikno khiloau te au teu jare re neke tei ka kaisei namono delei.

Mae Khuru 14:2

Nu keha mae Jiu te tirodi fatutuanire ne toutonu chaichaghi ka naikno te theome Jiure mala diꞌa tadi nei theome magnahagheidi eghu mare naikno khiloau re.

Mae Khuru 15:1

Keha maedi Judia ne mei posa Antiok. Mare farirhiu ne cheke eghu ka naikno khiloau re, “Te theome leghuni ghotilo nogna vetula mae Moses eigna tohi fagaglana na, God ginauna theome fakarhi ghami ghotilo.”

Mae Khuru 15:3

Mae ka khiloau re ne toghodi kate jifladi ka nabrou na. Mare tei ne sala'u ka phei Provins Fonisia nei Samaria, ne toutonu jare eidi iheire te theome Jiu tela fatutuani nihi mae Jisas. Naikno khiloau ka phei provins igre ne gleale'a fara kate nomhini igne.

Mae Khuru 16:2

Mae khiloaudi Listra nei Aekoniam teure mare ne ghatho tahuni fara nei cheke fakelini eghu mae Timoti.

Mae Khuru 16:40

Aonu kate jifla mei ka suga sosolo na, phiamare ne kulu tei ka sugagna Lidia na. Phiamare ne thafodi keha naikno khiloau ka sugagna Lidia na ne toutonu ranghidi mala ke fakeli nagnafadi. Ke leghugna igne, phiamare ne jifla ka namono tuana.

Mae Khuru 17:6

Nu kate dofidi phiamare na, mare neke lokini kolho mae Jason nei keha naikno khiloau ne korhodi ne tei ke uludi goro mae biꞌogna namono na. Naiknore ne eha fabiꞌo ne cheke eghu, “Phei mae igre eꞌei puhi heva heva ka nauthoglu gne. Eghuteuna gognaro na phiamare la mei thoke ka noda namono tahati gne.

Mae Khuru 17:10

Naikno khiloau Tesalonika re ghosei ne kuru teidi mae Pol ghe mae Silas Berea ka bongi tuana. Kate thoke jare na, mae Pol ghe mae Silas gre ne tei ka nodi suga tharai mae Jiure.

Mae Khuru 17:14

Aonu naikno khiloau re ghosei ne kuru teini mae Pol na tongna. Nu mae Silas ghe mae Timoti au neu Berea.

Mae Khuru 18:18

Mae Pol ne au Korin kmana narane baludi naikno khiloau re. Ke leghugna igne, mana jifla ne tei ka namono Kenkria. Jare mana ne kuchi fakmoꞌei khaklagnare. Igne kaisei nogna nhaꞌa cheke mana ka God. Aonu mana saghe ka vaka ne tei Siria. Prisila ghe mae Akuila ne tei balugna mana

Mae Khuru 18:27

Kate magnahaghei tei mae Apolosi ka Provins Akaia, naikno khiloaudi Efesus re ne toghoni mana. Mare ne rioriso kaisei letas ranghidi naikno khiloaudi Akaia re mala taji fakelini mana. Naikno khiloau igre thofno fatutuani ni mae Jisas naugna u nogna khokofakasai God na. Kate tei thoke jare na, mae Apolosi ne toghodi fara naikno khiloaudi jare re.

Mae Khuru 21:7

Ghehati jifla Taea ne tei longa ka namono Tolemas. Ghehati tei ne filodi naikno khiloau re jare ne au baludi kaisei narane.

Mae Khuru 21:17

Kate posa ghehati Jerusalem na, naikno khiloau re ne keli tadi fara kate filo ghami ghehati na.

Mae Khuru 22:5

Mae pris biꞌo nei hatimare goro mae biꞌo mala fate tangomana te chekedi ka ghotilo unha te chekedi iara ka ghotilo igre tutuani fara. Naugna mare thedi neke rioriso letas na hata neke tei iara ka kherada te au ka namono Damaskas. Eghume iara neke tei lokidi naikno igre mala ke hata fapulo agne Jerusalem mala paradi.”

Mae Khuru 28:14

Eghuteuna ka namono igne ghehati ne filodi keha naikno khiloau, eghuteuna mare ne tore ghami ghehati mala au baludi kaisei wik. Leghu lahu na, ghehati leghu nabrou ne tei thoke ka namono biꞌo Rom.