Mae Khuru 1:14 - Buka Blahi Ka Cheke Holo

¹⁴ Mare te gnafa na ne kaisei salo fodu ne tarai fabrahu baludi goro gaꞌase, nei Meri idogna mae Jisas, nei hatimare mae thabusigna mae Jisas re.

Mae Khuru 1:14 ပူးပေါင်းရင်းမြစ်များ

Matiu 12:46

Kate facheke teu mae Jisas ka naiknore, idogna nei thabusigna teu mana re ne posa mei kegra neu kosi. Mare magnahaghei te mei cheke ka mana.

Matiu 21:22

Eghume, jame fatutuani ghotilo na, God ginauna tusu ari unha te toreni ghotilo ka tharai na.”

Matiu 27:55

Kmana gaꞌase teke mei funudi Galili balugna Jisas te mala toghoni mana igre filo neu delei.

Nonomho Te Keli Teke Risoi Mae Mak 15:40

Keha gaꞌase langau kegra filo mei neu delei. Baludi Meri gna Makidala nei Salome nei Meri idodi mae Joses ghe mae tahigna Jemes.

Nonomho Te Keli Teke Risoi Mae Mak 16:1

Kate gnafa narane Sabat na, Meri gna Makidala nei Salome nei Meri idogna mae Jemes ne foli keha sedi mala tofa ka thinigna mae Jisas na.

Luku 11:13

Neubane diꞌa jateula unha neu ghotilo, ghotilo tangomana te tusu lao glepo te keli ka thumire. Eghume te eghu na, mae Kmami ghotilo te au kligna na mana ginauna na tusu lao Tharunga te Blahi na ka iheire te tore ka mana.”

Luku 18:1

Kaisei narane ke leghugna igne, mae Jisas ne toutonu ka nogna mae fanomhore kaisei cheke naba mala theome babaꞌo mare nu mala tarai fabrahu eghu.

Luku 23:49

Thofno kheragna mae Jisas baludi keha gaꞌase teke leghuni mana funu Galili gre kegra filo neu delei.

Luku 23:55

Goro gaꞌase teke mei balugna mae Jisas funu Galili igre ne tei ke leghugna mae Josep ka gluma na mala filoni aheva nate lilisei thinigna mae Jisas na.

Luku 24:10

Goro gaꞌase igrei Meri gna ka namono Makidala, nei Joana, nei Meri idogna mae Jemes, nei keha naikno langau eghu baludi. Rehati ne toutonu ka mae khurure unha teke filodi ka gluma na.

Luku 24:33

Aonu phiamare kegra haghe neke pulo Jerusalem. Jare phiamare neke ludedi hatimare nabotho kaisei mae khurure nei keha naikno langau eghu ne khapru neu jare.

Luku 24:53

Leuleghu fata na mare au fabrahu ke lamna Sugablahi, eghuteuna mare ne theome gnafa te kilo fnaknoni God.

Luku 8:20

Aonu naiknore ne cheke eghu ka mae Jisas, “Idomu nei thabusimu teu iagho re kegrau kosi. Mare magnahaghei te mei filo nigho iagho.”

Mae Khuru 2:1

Kate thokeni narane Pentekos na, mare ne kafe au fodu neu kaisei vido.

Mae Khuru 2:42

Eghuteuna naikno igre ne keli tadi fara ne fanomho fabrahu ka nodi farirhiu hatimare mae khuru, nei mala toghodi mare ka nodi tothoghei thedi na, nei ghamu fodu, nei tarai fodu.

Mae Khuru 2:46

Leghu narane na mare salo fodu kau nogna Sugablahi God na mala tarai fodu nei jaola ima fodu ka sugadire balu gleale'a ka nagnafa te keli,

Mae Khuru 6:4

Eghuteuna mala tangomana tahati te tarai nei farirhiuni teu koba chekegna God na.”

Letas Teke Riso Tei Mae Pol Ka Khiloau Rom 12:12

Gleale'a fabrahu ka unha teke nhaꞌa chekeni God ka ghotilo na. Kate au papara na, au kmu. Tarai koba.

Ululahu Korin 14:13

Eghume ihei te chekeni chekegna God ka keha nafnata chekei na, mana mala toreni God mala tangomana mana jaola te rurutha gaoghathogna unha te chekeni mana na.

Efesus 6:18

Kate edi ghotilo glepo igre, ghotilo tarai nei toreni God eghu mala togho ghami mana. Tarai fabrahu ka nogna nolaghi mae Tharunga te Blahi. Tutuani, ghotilo tarabana fakeli koba nei thosei babaꞌo nei taraidi koba hatimare nogna naikno God fateote'o.

Kolose 4:2

Sasaꞌa mala tarai fabrahu nei ghaoghatho fakeli. Kate tarai na, ghotilo cheke fakelini God fabrahu.