Mae Khuru 1:13 - Buka Blahi Ka Cheke Holo

¹³ Kate thoke Jerusalem na, mare doglo ne tei kau chogho ke kligna kaisei suga te mala kapru teu mare. Eghuteuna jare mae Pita, mae Jone, mae Jemes, mae Aduru, mae Filip, mae Tomas, mae Batolomiu, mae Matiu, mae Jemes thugna mae Alfius, mae Simon mae te kiloi Silote, nei Judas thugna mae Jemes.

Mae Khuru 1:13 ပူးပေါင်းရင်းမြစ်များ

Matiu 9:9

Mae Jisas jifla ka vido tuana ne mei filoni kaisei mae mala salo takis, nanghagna na mae Matiu, mana gnokro neu ka vido mala foli takis naiknore. Mae Jisas ne cheke eghu ka mana, “Ghema, mei leghu ghau iara, iagho mala nogu mae fanomho iara.” Aonu mae Matiu ghosei ne kegra haghe ne leghuni mae Jisas.

Nonomho Te Keli Teke Risoi Mae Mak 14:15

Mae khotogna na ginauna na falalase ka ghopa kaisei chogho biꞌo te au ke kligna suga tuana. Chogho tuana la kulu tarabanahi. Ka chogho tuana te mala tarabana ghopa gano te mala ghamu tahati na.”

Nonomho Te Keli Teke Risoi Mae Mak 14:33

Nu mana ne hata balugna mae Pita, mae Jemes nei mae Jone. Aonu mae Jisas ne funu diꞌanagnafa fara, eghuteuna gaoghathogna mana na ne thono romno fara.

Nonomho Te Keli Teke Risoi Mae Mak 2:14

Kate ratha te tei na, mana ne filoni mae Livae thugna mae Alfius gnokro neu ka vido mala foli takis na naugna mana loku jare. Mae Jisas ne cheke eghu ka mana, “Ghema, mei leghu ghau iara, iagho mala nogu mae fanomho iara.” Mae Livae kegra haghe ne leghuni mae Jisas.

Nonomho Te Keli Teke Risoi Mae Mak 5:37

Mae Jisas ne snakredi kolho mae Pita, mae Jemes nei mae Jone tahigna mae Jemes te tei balugna ka suga mae Jaerus na.

Nonomho Te Keli Teke Risoi Mae Mak 9:2

Ke leghu namno narane mae Jisas ne hata balugna mae Pita, mae Jemes nei mae Jone, ne haghe ka thogele na. Mare au neu thedi jare. Kate filo lao thilomare na thinigna mae Jisas na ne tughu.

Luku 22:12

Mana ginauna falalase ka ghopa kaisei chogho biꞌo te au ke tagru suga, jare tela kulu auhi gobigna lepore. Jare te mala tarabana ghopa na.”

Jone 11:16

Aonu, mae Tomas, mae te kiloi mae Didimus ne cheke eghu ka mae fanomhore, “Tore, tahati na kafe tei balugna mae funei gne mala lehe balugna mana!”

Jone 14:22

Aonu, mae Judas (theome mae Judas Iskariot), ne nomhidi cheke igre ne cheke eghu ka mae Jisas, “Lord, naugna unha site magnahaghei fatakle nigho themu kolho ka ghehati, nu theome ka naikno te leghuni puhigna nauthoglu gne teu gnea?”

Jone 18:17

Gaꞌase igne ne cheke eghu ka mae Pita, “Iagho kaisei nogna mae fanomho langau mae Jisas gne sia?” Mae Pita ne chaghi ne cheke eghu ka naꞌa, “Theo! Iara theo.”

Jone 21:2

Keha nogna mae fanomho mana igre kafe khapru neu jare, mae Simon Pita ghe mae Tomas ihei te kiloi mae Didimus, nei mae Natanel gna ka namono Kena te au ka nohi Galili, phia mae thugna Sebedi nei keha phia mae nogna fanomho mana re.

Mae Khuru 12:17

Aonu mae Pita ne eni kaisei fagaglana mala famane fanomho mare, eghuteuna mana ne toutonu eigna unha te eni God ranghini mana te hata fajiflani kau suga sosolo na. Aonu gnafa teuna, mana ne cheke ka mare mala toutonu eigna igne ranghini mae Jemes nei keha naikno khiloau re. Eghuteuna, ke leghugna igne mae Pita ne jifla kokodi naikno khiloau te au teu jare re neke tei ka kaisei namono delei.

Mae Khuru 15:13

Ke leghugna cheke te gnafa phiamare na, mae Jemes ne cheke eghu, “Uve kheraguro, fanomho ka iara.

Mae Khuru 2:14

Mae Pita ne kegra haghe baludi nabotho kaisei mae khurure ne cheke eghu fabiꞌo ka naiknore, “Uve kheraguro, ghotilo mae Jiu nei iheire te kafe au agne Jerusalem na, fanomho fakeli ka unha nate chekedi iara igre! Snakre ghau iara mala toutonu ka ghotilo unha te eni gognaro gne.

Mae Khuru 2:38

Mae Pita ne cheke eghu ka mare, “Tughu nagnafa, nei kafe apublahi ka nanghagna mae Jisas Kraes, aonu God ginauna hata fadelei u nakhibomire nei tusu ranghi ghami u Tharunga te Blahi na.

Mae Khuru 20:8

Jare kmana juta agha neu ka chogho ke kligna te kafe khapru teu ghehati na.

Mae Khuru 4:13

Hatimare mae biꞌo re ne jaglo nodi kate filodi mae Pita ghe mae Jone te theome mhaghu kate cheke ke uludi mare na. Mare lasedi phei mae igre neke theome tei sikoluni u glalase na, phiamare au kolho ka namono. Nu kate filoni te theome mhaghu phei mae igre na, mare neke ghatho fapuloni phei mae igre neke tei tafri balugna mae Jisas.

Mae Khuru 4:19

Nu mae Pita ghe mae Jone ne cheke eghu ka mare, “Ghaoghatho fakeli si ghotilo, ba, aheva nga gne te magnahagheni God na? Leghu ghami ghotilo ba leghuni God?

Ululahu Korin 15:7

Aonu mana neke fatakleni thegna ka mae Jemes, ke leghu na ka hatimare mae fanomho te gnafare.

Galesia 1:19

Nu ka narane igre iara neke theome filodi keha mae khurure kaisei mae Jemes tahigna Lord kolho teke filoni iara na.

Galesia 2:9

Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Jemes 1:1

Iara mae Jemes, nogna mae gloku God nei nogna Lord Jisas Kraes. Kubae ghami nogna naikno God te au heva heva ka nauthoglu gne.

Fapea Jone 1:1

Iara mae mala baubatu khiloau, magnahaghei te riso ari letas igne ranghidi nakrupe vavahi nei goro thugna te thofno namhadi iara. Theome thegu iara ngala, nu naikno khiloau te gnafa te lasei u tutuani eigna mae Kraes te au balugu iara igre kafe namha ghami ghotilo.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.