Luku 9:44 - Buka Blahi Ka Cheke Holo

⁴⁴ “Fanomho fakeli ka unha nate chekedi iara ka ghotilo gognaro gre! Iara mae teke mei funu ka God gne, mare ginauna na snakre lao ghau iara ka khamedi naiknore.”

Luku 9:44 ပူးပေါင်းရင်းမြစ်များ

Mae Khuru 2:23

God neke leghuni nogna gaoghatho teke kulu nanhaꞌa tifa na ne snakreni mana mala lokini ghotilo. Eghuteuna ghotilo ne faleheni mana kate snakre lao ghotilo ka khamedi mae te diꞌa ra mala tupijuruni mare kau gaju fafatha.

Luku 9:22

Eghuteuna mana jaola ne cheke eghu ka mare, “Iara mae teke mei funu ka God na, mare ginauna para ghau fara iara. Ginauna hatimare mae pris ulu, nei hatimare mae velepuhigna vetula nogna mae Moses, nei mae biꞌodi hatimare mae Jiu langau eghu na tirodi ghau iara. Mare ginauna na eꞌei puhi mala falehe ghau iara. Nu ka fatilo narane na God nake fakarha fapulo ghau iara kau glehe.”

Hibru 2:1

Eghume tahati famane leghu fakelidi nogna farirhiu mae Jisas Kraes Thugna God teke nomhidi tahati ra, mala thosei jateula mola te elo tafri ka nuri ia eghu noda fatutuani na.

Luku 2:19

Meri ne ghatho fabrahudi glepo igre ka nagnafagna na.

Jone 19:11

Mae Jisas ne cheke eghu ka mae Paelat, “Iagho theo kaisei nou nolaghi ke klignagu iara. Nu iagho tangomana te tupijuru ghau iara na, naugna God neke snakre nigho iagho te mala eni tuana. Nu mae ihei te snakre ghau iara ka khamemu iagho na, mana thono nakhibogna biꞌo fara ke tulao mu iaghoi.”

Jone 16:4

Uve, iara gognarona kulu chekedi glepo igre ka ghotilo mala ne funu edi mare glepo igre ka ghotilo, ghotilo nake ghatho fapulodi unha teke chekedi iara igre eghu. “Iara neke theome chekedi ka ghotilo glepo igre tifa na, naugna iara neke au nekeu balumi ghotilo.

Luku 24:44

Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”

Luku 18:31

Aonu mae Jisas ne hata fadelei nabotho phei nogna mae khurure ne cheke eghu ka mare, “Fanomho fakeli! Tahati na haghe Jerusalem. Ka namono tuana gobigna lepo teke cheke God ka hatimare mae profet ra, mare neke rioriso eigu iara mae teke mei funu ka God ra ginauna khale tutuani.

Luku 2:51

Mae Jisas neke pulo baludi repa Nasaret. Mana ne leghudi unha te chekedi repa re. Eghuteuna idogna mana na ne ghaoghatho eidi unha teke edi re ne tathaji u cheke igre ka nagnafagna na.

Luku 1:66

Naikno te nomhidi glepo igre, ne hirodi u gaoghathodi cheke igre ne cheke eghu, “U sua igne ginauna na faꞌunha si gnea?” Mare ne cheke eghu naugna mare laseni nogna nolaghi God na au ka mana.

Nonomho Te Keli Teke Risoi Mae Mak 9:31

Naugna mana neke farirhiudi nogna mae fanomhore ne cheke eghu ka mare, “Iara mae teke mei funu ka God gne ginauna mare na snakre lao ghau iara ka khamedi naiknore mala falehe ghau iara. Nu ka fatilo narane na iara ginauna nake kegra fapulo kau karha.”

Nonomho Te Keli Teke Risoi Mae Mak 8:31

Aonu mae Jisas ne funu farirhiudi nogna mae fanomhore ne cheke eghu ka mare, “Iara mae teke mei funu ka God na, mare ginauna na para ghau fara iara. Ginauna hatimare mae pris ulu, nei hatimare mae velepuhigna vetula nogna mae Moses, nei mae biꞌodi hatimare mae Jiu langau eghu na tirodi ghau iara. Mare ginauna na eꞌei puhi mala falehe ghau iara. Nu ka fatilo narane na God nake fakarha fapulo ghau iara kau glehe.”

Matiu 26:2

“Ghotilo lasenihi, nauriha na narane Gaghamu Ghasa-Polho. Ka narane tuana mae te majora ghau iara na ginauna snakre lao ghau iara ka khamedi nogu naoka iara re mala tupijuru ghau iara ka gaju fafatha.”

Matiu 16:21

Funu ka narane tuana te haghe na mae Jisas ne funu cheke eghu ka nogna mae fanomhore, “Iara na tei Jerusalem. Hatimare mae biꞌodi mae Jiu nei hatimare mae pris ulu nei hatimare mae velepuhigna vetula nogna mae Moses mare ginauna na para ghau nei eꞌei puhi mala falehe ghau iara. Eghuteuna ka fatilo narane na God nake fakarha fapulo ghau iara kau glehe.”

Fapea Samuel 24:14

Aonu mae Devet ne cheke eghu ka mae Gad, “Iara thofno diꞌanagnafagu fara ka cheke te eni iagho igne. Eghume te keli na, lisa lao ka thegna Lord mala eni unha te magnahaghei eni mana ka ghehati na, naugna Lord na mae namha. Nu iara theome magnahaghedi mae naoka igre te mei goigoni ghau iara na.”

Jone 16:31

Nu mae Jisas ne cheke eghu ka mare, “Ghotilo la fatutuani gognaro ba theo?