Luku 9:35 - Buka Blahi Ka Cheke Holo

³⁵ Eghuteuna thilomare ne nomhini cheke te mei ke lamna khoveo na. Cheke igne ne cheke eghu, “Igne mae Thugu iara na. Mana kaisei mae neke vavahi iara. Leghuni mana!”

Luku 9:35 ပူးပေါင်းရင်းမြစ်များ

Luku 3:22

eghuteuna Tharunga te Blahi na ne soru mei ke kligna gna mana jateula balhu neu. Kaisei naogla ne cheke mei funu kligna ne cheke eghu ka mana, “Iagho thofno mae Thugu iara. Iara thofno namha nigho nei thofno gleꞌa nigho eghu.”

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Hibru 5:9

Kate loku fahui mana unha teke magnahagheni God na, mana mala au fabrahu mala fakarhidi naikno te gnafa te leghuni mana re.

Hibru 3:15

Ghotilo tangomana te eni igne leghuni unha te cheke eghu ka grioriso te blahi na, “Gognaro na fanomho fakeli ka mana. Thosei patugama nagnafami are, jateula teke eni mae ku'emi tifa teke huhughuni chekegna God na. Mare neke fariuriuni mana ke lamnagna namono nagou.”

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Hibru 2:3

Eghume, te theome ghatho tahuni tahati chekegna God te mala thofno fakarhi ghita na, tahati theome tangomana te fafraini glehe na. Thegna Lord neke kulu cheke eigna u karha igne. Eghuteuna iheire teke thofno nomhini ka thegna mana u cheke igne, mare fatutuani neke cheke eghu ka ghehati, “Thono tuani fara.”

Jone 3:16

“God ne namhadi fara naikno te au kau nauthoglu igne. Naugna igne mana ne snakre meini thofno mae Thugna kaisei ngala mala ihei te fatutuani ni mana na ginauna theome lehe fabrahu, nu mana na karha fabrahu tifa tifa.

Matiu 12:18

“Igne nogu mae gloku teke vavahi iara na. Nu iara namhani nei gleꞌani eghu mana. Iara ginauna tusu ranghini mana Tharungagu na. Aonu mana ginauna chekeni chekegu iara na ka naikno te theome Jiu mala tughu nagnafa mare.

Nonomho Te Keli Teke Risoi Mae Mak 1:11

Ka vido tuanala kaisei naogla ne cheke mei funu kligna ne cheke eghu ka mana, “Iagho thofno mae Thugu iara. Iara thofno namha nigho nei thofno gleꞌa nigho eghu.”

Luku 9:34

Kate cheke teu mana na, kaisei khoveo ne thakle mei ne toku tafrudi mare ka naungogna na. Eghuteuna thilomare ne mhaghu nodi fara ka khoveo te mei ke klignadi na.

Jone 12:28

Iara na cheke eghu, ‘Mama, fathakle ka naikno gre nou nolaghi te biꞌo!’ ” Kate chekedi mana cheke igre, kaisei cheke ghosei ne soru mei funu kligna ne cheke eghu, “Nogu nolaghi biꞌo iara na neke thaklehi, eghuteuna ginauna nake fathakleniu ngala u nolaghi biꞌo tuana.”