Luku 9:28 - Buka Blahi Ka Cheke Holo

²⁸ Nabagna kaisei wik ke leghugna teke chekedi mana glepo igre, mae Jisas ne hata balugna mae Pita, nei mae Jemes nei mae Jone ne haghe ka thogele na mala tarai.

Luku 9:28 ပူးပေါင်းရင်းမြစ်များ

Luku 6:12

Kaisei narane ke leghugna igne, mae Jisas ne haghe ka kaisei thogele ne tarai fabrahu ka God. Mana au jare fabrahu bongi tuana.

Nodi Khoje Hatimare Mae Jiu 109:4

Neuba iara ne namhadi nei tarai neu koba baludi, mare magnahaghei te cheke fapari ghau iara koba ngala.

Luku 9:18

Kaisei fata, kate au teu thegna na, mae Jisas ne tarai. Eghuteuna nogna mae fanomhore ne mei ka mana. Mana ne ghusna eghu ka mare, “Ba, naiknore ne mae ihei eghu ghau iara?”

Luku 8:51

Kate tei te posa ka suga mae Jaerus na, mae Jisas ne theome snakredi naiknore te ruma balugna kau chogho te au sua gaꞌase na. Nu mae Pita, mae Jemes, mae Jone nei idogna kmagna teure ngala te ruma balugna re.

Nonomho Te Keli Teke Risoi Mae Mak 6:46

Ke leghugna te kuru teidi re, mana ne haghe ka thogele na mala tarai.

Nonomho Te Keli Teke Risoi Mae Mak 1:35

Hamerane boibongi ka keha narane na, mae Jisas dofra ne jifla ka suga na. Mana tei ka kaisei vido te nagou ne tarai jare.

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Fapea Korin 13:1

Igne fatilo fata nate ari posa iara ka ghotilo na. Ghathoni u grioriso te blahi na ne cheke eghu, “Kate fathoethoke ihei eigna keha naikno na, phei ba thilo naikno teke filo tathadi puhi igne na mala au fanomho ka unha te chekeni mana na.”

Luku 3:21

Kaisei fata, ame sosolo nga mae Jone Apublahi teku na, mae Jone ne faꞌapublahidi naiknore. Mae Jisas ne mei apublahi langau ka mana. Ka vido te tarai mae Jisas na, maloa na ne thora,

Matiu 5:1

Kate filodi mae Jisas nakhapru biꞌo te leghuni mana re, mana haghe ka thogele na ne gnokro soru pari. Nogna mae fanomhore ne kafe mei khapru faligohoni mana.

Matiu 14:23

Ke leghugna pulo te gnafa naiknore, mana haghe ka thogele na ne tarai. Kate rafi soru na, mana au neu jare thegna.

Luku 5:16

Nu kmana fata langau mana tei thegna ka vido te nagou na mala tarai.

Jone 6:3

Aonu, kate tei posa mare ka keha phile kholo na, mae Jisas ne haghe ka kaisei thogele, ne gnokro pari baludi nogna mae fanomhore.

Fapea Pita 1:16

Kate toutonuni ghehati mae khuru gre meigna noda Lord Jisas Kraes na, ghehati neke theome toutonu ka ghotilo famane thoutonu neke hohoro haghe kolho keha naiknoi. Theo. Nu ghetilo mae Jemes nei mae Jone neke thofno filo tathami teke siasigla mae Jisas ka nogna nolaghi biꞌo God na.