Luku 8:13 - Buka Blahi Ka Cheke Holo

¹³ Eghuteuna sisi te soru ka glose te saesape ka thina igne, eidi iheire te nomhini cheke na eghuteuna hata balu gleale'a. Nu ruma lamna ka gaoghathodire kolho. Mare fatutuani katha vido kmoꞌei kolho, eghuteuna kate thoke mei vido te ninhigrana igre, mare ginauna na lisa lao kolho gobigna lepore.

Luku 8:13 ပူးပေါင်းရင်းမြစ်များ

Jone 5:35

Mae Jone gne jateula kaisei juta te faghano phae te mala filo fakelini u nabrou te tei ka God ia eghu. Eghuteuna katha vido ikoi ghotilo neke nomhidi chekegna mana re neke gleale'a fara.

Profet Hosia 6:4

Aonu Lord ne cheke eghu, “Ghotilo naiknomi Israel nei Juda teura, unha nate eni iara ka ghotilo na? Uve, ghotilo namha ghau iara nabagna kaisei narane kolho, theome raugha. Nomi namha ghotilo na jateula khoveo ke kligna thogele ra eghu kolho, ba jateula nabubla te ghosei te blalho te dofidi kate haghe naprai na hamerane boibongi ra eghu kolho.

Profet Esikiel 33:32

Mare magnahaghei te fanomho ka nou cheke iagho re jateula kaisei mae magnahaghei te fanomho ka mae ihei te lase lalahu gita te koje eigna mae ihei te magnahaghei gaꞌase, eghuteuna naoglagna mae igne thono famane fara. Mare tangomana te nomhidi nou cheke iagho re, nu mare theome leghudi kolho eghu.

Proveb 12:12

Mae te diꞌa na magnahagheni kolho puhi te diꞌa na. Nu mae te doglo na ginauna kegra heta fabrahu.

Letas Teke Rioriso Mae Jud 1:12

Kate ei famane gaghamu ghotilo fagaglana gna nomi namha biꞌo na eghuteuna te mei mare me ima fodu balumi ghotilo teuna, mare famamaja ghami ghotilo fara ka puhidi te diꞌare. Ka vido tuare mare ghathodi thedi kolho. Naikno tuare jateula khoveo te pala te mei nuri ia eghu kolho, nu theo kaisei nakhete te mei na. Eghuteuna mare jateula gaju te theome ure kate thoke mei nhigra dira eghu kolho. Eghume mae glokure ginauna na rathu koko naikno tuare mala koko lao ka khaꞌaghi. Mae velepuhi chaichaghi igre jateula gaju tela botohi ia eghu.

Fapea Pita 2:22

Unha te eni mare igne ne horoghoto fara ka thofno cheke te tutuani ia, “Ke leghugna te lu'a te gnafa na, khuma na neke pulo neke ghamu gluagnare.” Eghuteuna keha cheke na teuna cheke eghu, “Ke leghugna apu te gae na, bosu na nake pulo nake pepele ka chopu na.”

Fapea Pita 2:20

Faꞌunha? Jame lase fakelini naiknore eigna noda Lord Jisas Kraes mae ihei teke fakarhi ghita na meuna, mare na snagla ka puhigna nauthoglu igne. Nu jame teke pulo mare teke edi fabrahu puhi te diꞌa tuare, puhi biꞌo fara ginauna thokedi mare ke uluni teke ulu lahu na.

Hibru 10:39

Nu tahati gne theome naikno mala figri fapulo mala au ka glehe te theo gnafagna. Theo. Tahati naikno mala fatutuani ni God mala au ka karha tifa tifa.

Efesus 3:17

Uve, iara toreni Kraes mala au mana ka nagnafamire, eigna ghotilo fatutuani ni mana. Iara jaola toreni mana eigna gobigna lepo te edi ghotilo re thofno jifla mei ka nomi namha te biꞌo ranghini God nei naikno te gnafa, mala ghotilo nei nogna naikno te gnafa God re au glalase te mala lase fakelini nogna namha Kraes te biꞌo fara nei brahu fara nei haghe fara nei mamhara fara.

Profet Isaia 58:2

Leuleghu narane na, mare mei mala pogho soru ka iara, eghuteuna mare magnahaghei fara te laseni nei leghuni teu nogu vetula iara na. Mare fariuriu mala jateula naikno te magnahaghei ghau iara fara mala toghodi ka puhigu iara te doglo te mala au iara baludi ra eghu gaoghathodi re.

Jemes 2:26

Eghume, mae ihei te khogla cheke eghu kolho mana fatutuani ni God teu nu theome eni kaisei glepo te keli ranghini kheragna fofodu na teuna, nogna fatutuani mana tuana theome tutuani kolho. Khogla jateula thini naikno te theome phaphanga tela lehehi ia eghu.

Ululahu Timoti 1:19

Iara magnahaghe nigho te loku maku fabrahu nou fatutuani ba ka gaoghathomu te keli. Keha naiknore theome eni igne. Eghuteuna nodi fatutuanire la diꞌahi.

Ululahu Tesalonika 3:5

Naugna igne, iara kuru arini mae Timoti ka ghotilo mala tangomana iara te laseni nomi fatutuani ghotilo na. Iara kuru arini mana kate theome tangomana ofo te raugha. Te mhaghuni iara na mae Satan jame neke fariuriu ghami ghotilo, eghuteuna nakmusa fateo te edi tahati igre ginauna na theo nafudi kolho.

Kolose 2:7

Ghotilo kaisei balugna Kraes jateula kaisei gaju ba suga te kegra maku ke kligna glose. Eghuteuna nomi fatutuani ghotilo ka mae Kraes na mala e heta fakeli, jateula mare teke farirhiu ghami ghotilo. Eghuteuna leuleghu fata na ghotilo mala cheke fakelini mana.

Galesia 3:4

Kmana glepo la lasedihi ghotilo ka nakarhamire. Ba, fiti glepo kolho? Iara theome fatutuani ni tuana.

Galesia 3:1

Ghotilo naikno fameomekro ka namono Galesia! Naugna cheke eigna mae Jisas Kraes teke lehe ke kligna gaju fafatha ia la mei glolahi ka ghotilo. Neuba keha naikno neke nunughere ghami ghotilo mala fameomekrodi gaoghathomi ghotilo re!

Ululahu Korin 15:2

Eghuteuna God ginauna fakarhi ghami ghotilo ka Nonomho te Keli igne. Nu ghotilo mala loku famaku ka cheke teke toutonu ranghi ghami iara igne, na eghunu fiti fatutuani kolho ghotilo eghu.

Jone 15:6

Mae ihei te theome au balugu iara na, mana ginauna jateula grege te gnagha te lehe ia eghu. Eghuteuna grege te lehe tuare mala salofodu mala koko lao ka khaꞌaghi mala nako.

Jone 15:2

Mana na kato koko grege te au ka iara te theome ure. Mae Mama na tatasrei, nei fagagae eghu grege te au ka iara re, mala tangomana reꞌe teke ure ginauna.

Proveb 12:3

Jame mae te eni puhi te diꞌa na, igne theome mala toghoni mana mala au fakeli nei kegra heta eghu. Nu mae te doglo na kegra heta fabrahu.

Thoutonu Eigna Mae Job 19:28

“Ghotilo te chekeni na ghotilo ginauna hiro ghau iara, naugna ghotilo chekeni te iara eni ranghi ghau thegu puhi biꞌo igne.

Kolose 1:23

Mae Kraes tangomana te eni igne mala te kegra heta fabrahu ghotilo ka nomi fatutuani na. Thosei snakreni kaisei glepo ka nauthoglu igne mala hata fadelei ghami ka puhi fatutuani teke nomhinihi ghotilo ka Nonomho te Keli gne. Hatimare mae fatutuani ra neke toutonunihi u Nonomho te Keli gne ka naikno te gnafa ka nauthoglu gne. Eghuteuna iara mae Pol, kaisei mae gloku mala toutonu nila u Nonomho te Keli gne.

Ululahu Korin 13:2

Eghuteuna, neuba iara ne tangomana te toutonuni chekegna God na jateula mae profet, ba lasedi fara gobigna lepo ka nauthoglu gne ba gobigna lepo te poru, ba au nogu fatutuani biꞌo te mala fathughadi thogelere, nu jame te theome namhadi iara keha naiknore, iara theo nafugu kolho.

Nonomho Te Keli Teke Risoi Mae Mak 6:20

Mae Herod mhaghu fara te faleheni mae Jone na, naugna mana laseni mae Jone gne kaisei mae keli nei mae blahi eghu. Eghume mae Herod ne famane reireghi fakelini mae Jone. Mae Herod keli tagna te fanomho ka nogna farirhiu mae Jone re neubane fadiꞌani kau cheke te edi mana re.

Ululahu Jone 2:19

Nogna naoka mae Kraes gre neke au baluda tahati. Nu gognaro na mare la jifla koko ghitahi. Naugna mare theome thofno nogna tothoghei tahati gne. Jame thofno nogna tothoghei tahati gne na, mare au ngau baluda tahati. Nu mare tei koko ghita tahati, eghume gaglana fara te theo kaisei mae ka mare tarabana te mala leghuni mae Kraes baluda tahati na.

Luku 8:12

Eghuteuna sisi te soru ka nabrou na igre eidi iheire te nomhini cheke na, nu mae Satan mei hata fadelei ka nagnafadire cheke igre mala theome fatutuani, nei theome hatani eghu mare thofno nakarha na.

Luku 8:14

Eghuteuna sisi te soru farihoteidi glathi gnarho te fachuchuru igre, eidi iheire te nomhini cheke na nu nanga nodi fara eidi kmana nafnata glepo. Mare namha dila dedei gna nauthoglu igne ba glepo te keli kau nakarha igne kolho. Aonu cheke igne ginauna theome kotu fakeli nei au kaisei sisi ikoi eghu kolho.