Luku 8:12 - Buka Blahi Ka Cheke Holo

¹² Eghuteuna sisi te soru ka nabrou na igre eidi iheire te nomhini cheke na, nu mae Satan mei hata fadelei ka nagnafadire cheke igre mala theome fatutuani, nei theome hatani eghu mare thofno nakarha na.

Luku 8:12 ပူးပေါင်းရင်းမြစ်များ

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Nonomho Te Keli Teke Risoi Mae Mak 4:15

Keha naiknore jateula igne eghu. Keha fata farirhiu na soru ka nagnafa naikno te jateula nabrou teuna. Eghuteuna mare nomhini chekegna God na, nu mae Satan ghosei mei hata fadelei cheke teke lilisei ke lamnadi.

Matiu 13:19

Sisi te soru ka nabrou na igre eidi iheire te nomhini cheke eigna God te funei frunidi nogna naiknore, nu theome laseni kolho teu igre. Eghuteuna Satan mei hata koko sisi teke joꞌu ka nagnafagnadi re.

Proveb 4:5

Iagho mala hata gaoghatho te keli nei glalase te keli eghu. Iagho mala theome lisa kokodi, ba ghatho ihodi phei glepo igre.

Proveb 1:29

Ghotilo tiromi hata glalase te keli, nei tiromi ghatho tahuni Lord.

Luku 8:5

“Kaisei mae tei ne joꞌu kmana sisi ka nogna nagare na. Kate toatofa mana sisire, keha sisire ne soru ka nabrou. Eghuteuna naiknore mei ka nabrou na ne tapla ke klignadi, eghuteuna nanghajire mei ne ghamu fateo.

Profet Isaia 65:11

“Nu puhi biꞌo ginauna thoke ghami ghotilo iheire te tiromi ghau iara ra, nei nogu Thogele Blahi iara Saion. Ghotilo tarai koba ka phei god chaichaghi Gad ghe Meni. Te chekeni ghotilo na phei god igre te funeidi gobigna lepo te keli nei gobigna lepo te diꞌa teu nate thoke ghami ghotilo.

Matiu 13:4

Kate toatofa tafri mana sisire, keha sisire ne khoko soru ka nabrou. Nanghajire mei ne ghamu fateo sisire.

Luku 8:11

Mae Jisas ne cheke eghu ka nogna mae fanomhore, “Gaoghathogna cheke naba igne. Sisi igne chekegna God.

Luku 8:13

Eghuteuna sisi te soru ka glose te saesape ka thina igne, eidi iheire te nomhini cheke na eghuteuna hata balu gleale'a. Nu ruma lamna ka gaoghathodire kolho. Mare fatutuani katha vido kmoꞌei kolho, eghuteuna kate thoke mei vido te ninhigrana igre, mare ginauna na lisa lao kolho gobigna lepore.