Luku 7:40 - Buka Blahi Ka Cheke Holo

⁴⁰ Mae Jisas ne cheke eghu ka mana, “Ghema Simon, iara magnahaghei te chekeni kaisei glepo ka iagho.” Mae Simon ne cheke eghu ka mae Jisas, “Uve, velepuhi, facheke sagho.”

Luku 7:40 ပူးပေါင်းရင်းမြစ်များ

Jone 16:30

Gognarona ghehati lase nigho iagho thofno lasedi gobi lepore. Neuba kaisei naikno ne theome ghusna nigho iagho, iagho la kulu lasenihi unha te ghathoni mana na. Ka igne te fatutuani nigho ghehati neke mei iagho funumu ka God teuna.”

Jone 16:19

Mae Jisas lasenihi te magnahaghei ghusnani mae fanomhore eigna igne. Eghuteuna mana ne cheke eghu ka mare, “Tore! ‘Katha vido ikoi ghotilo ginauna theome filo ghau iara. Katha vido ikoi ghotilo ginauna nake filo ghau iara’ teu iara igne ngala site romi ghusna ghotilo ka iara gnea?

Jone 13:13

Ghotilo kilo ghau iara ‘Mae Velepuhi’ nei ‘Lord’. Eghuteuna tuana doglo fara, naugna mae tuana ngala iara gne.

Jone 3:2

Kaisei bongi mana neke mei ka mae Jisas, ne cheke eghu ka mana, “Velepuhi, ghehati lase nigho iagho kaisei mae velepuhi biꞌo neke mei funu ka God. Naugna jame te theome togho nigho God na, iagho jame theome tangomana te edi kofubobhoi igre.”

Luku 18:18

Kaisei mae biꞌodi hatimare mae Jiu ne mei ghusna eghu ka mae Jisas, “Mae velepuhi te keli, unha nate eni iara te mala hatini karha fei tifa na?”

Luku 6:8

Nu mae Jisas ne lasedi unha te ghathodi hatimare re ne cheke eghu ka mae te lehe khamegna na, “Kegra mei ke uludi naikno igre sagho.” Mana kegra haghe ne mei kegra jare.

Luku 5:31

Mae Jisas ne cheke eghu ka mare, “Ghotilo laseni igne, naikno te kelire tirodi tei filoni mae dokta. Nu naikno te fogra re ngala te magnahaghei tei filoni mae dokta na.

Luku 5:22

Nu mae Jisas lasedi ngala gaoghathodi mare re ne cheke eghu, “Naugna unha site au mei nafnata ghaoghatho igre ke lamnami ghotilo gnea?

Matiu 7:22

Kau narane leghu lahu nate fatedi God naiknore, kmana naikno ginauna mei cheke eghu ka iara, ‘Lord, Lord! Ghehati neke toutonuni chekegna God na kau nanghamu iagho na. Nu ka nanghamu iagho na ghehati neke bruedi naiture nei edi kmana nafnata kofubobhoi.’

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Matiu 26:49

Aonu, mae Judas doglo ne tei ka mae Jisas ne cheke eghu ka mana, “Pharikeli, mae velepuhi!” Mae Judas ne gnanghoni mana.

Profet Malakai 1:6

Igne nogna cheke Lord mae ihei te au nolaghi fateoteꞌo. Mana ne cheke eghu ka hatimare mae pris, “Leuleghu fata na mae sitei na ghatho tahuni mae kmagna na, eghuteuna mae gloku na mana thofno leghuni nogna mae funei na. Eghume iara thofno mae kmami ghotilo. Naugna unha si ghotilo te theome leghudi nogu cheke iara grea? Iara nomi mae funei ghotilo. “Ghotilo mae pris gre cheke fadiꞌani nanghagu iara na. “Nu ghotilo cheke eghu, ‘Ba? Niha ngala si ghehati teke cheke fadiꞌani nanghamu iagho na ia?’

Luku 7:39

Kate filoni igne, mae Simon ne au gaoghathogna ne cheke eghu, “Jame thofno mae profet mae igne na, mana jame laseni puhigna thau te haboni mana igne. Naugna naꞌa kaisei naikno gnognoro fara!”

Luku 7:41

Mae Jisas ne cheke eghu, “Uve, kaisei mae ne snakredi phei mae ne kaoni sileni. Kaisei mae ne kaoni glima gobi dola, keha mae na glimafulu dola kolho.

Ululahu Kings 2:14

Aonu, mana neke cheke eghu, “Iara au kaisei glepo kolho te magnahaghei mei chekeni ka iagho na.” Aonu Batseba ne cheke eghu ka mana, “Unha glepo te magnahaghei mei chekeni iagho ka iara na?”