Luku 7:38 - Buka Blahi Ka Cheke Holo

³⁸ Naꞌa kegra ke leghugna mae Jisas ne tanhi neu. Naꞌa ne fabobothu ka kholo tathagnare phei ghahegna mae Jisas re. Eghuteuna naꞌa tuturupuku soru ne famomoja ka khaklagna thegna te brahure ne gnangho fabrahu. Jaola naꞌa totofa kholo te sisiri keligna na ke klignadi.

Luku 7:38 ပူးပေါင်းရင်းမြစ်များ

Profet Isaia 61:3

eghuteuna mala fameomegodi nei faglealeꞌadi eghu naikno te diꞌanagnafa ka namono Saion. Mare ghiha nakrofu ka phaꞌudire fagaglana gna nodi diꞌanagnafa na, nu mare ginauna nake gleale'au, jateula te fahaghe khepi nafnakno ra eghu. Tifa na mare neke diꞌanagnafa nei tanhi neku, nu ginauna mare na koje mala kilo fnaknoni Lord. Mare ginauna doglo ke ulugu iara jateula gaju ok te doglo teke joꞌu thegna Lord ra eghu. Eghuteuna mare te gnafa na ginauna kilo fnaknoni Lord eidi glepo te keli teke edi manare.

Eklesiasti 9:8

Leuleghu fata na iagho pipichi ka pohe te keli, nei ghiha oel ka khaklamu na mala famane filomu na.

Nodi Khoje Hatimare Mae Jiu 51:17

Nafnata fafara te magnahagheni iagho na, u nakarha te nhaꞌa fapari na kolho. Iagho theome tangomana te figri tagruni ihei te tughu nagnafa te nhaꞌa faparini thegna na.

Jenesis 18:4

Iara ginauna na chekeni kaisei nogu mae gloku mala hata mei keha khoꞌu te mala titihi ghahe ghotilo na. Ghotilo tangomana te lao gnafa nomi ghu ke parigna u gaju igne.

Profet Jeremaea 31:9

Ka narane te atha fajifladi iara re, naikno igre ginauna tanhi nei tarai eghu ka iara nake pulo mei. Iara ginauna na baubatudi mei ka vido te au khoꞌu te keli, eghuteuna iara ginauna atha meidi ka nabrou te doglo mala theome uka mare. Iara ginauna eni igne, naugna iara jateula kmadi eghu vikegna Israel, eghuteuna vikegna Israel igne jateula thugu nalhaꞌu teke kulu karha ra eghu iara.

Nodi Khoje Hatimare Mae Jiu 38:18

Iara cheke thakledi nakhibogu gre ka iagho, nei diꞌanagnafa eidi thua glepo te diꞌa teke edi iara ra.

Esra 10:1

Pris Esra tuturupuku soru ke kosigna grengathagna nogna Sugablahi God na ne tarai balu diꞌanagnafa ne tanhi neu, eghuteuna mana ne cheke thakledi nakhibodi naiknodi Israel re. Ka narane igne, kmana nalhaꞌu nei gaꞌase, goro sua eghudi Israel gre mei khapru faligohoni mana, eghuteuna naikno igre jaola ne tanhi fara.

Jemes 4:9

Ghotilo theome nabami te maꞌe nei gleale'a teuna, nu ghotilo nabami na au diꞌanagnafa nei tanhi eghu, naugna ghotilo au nakhibo biꞌo fara.

Luku 6:21

Ghotilo te rofo gognaro ra, ghotilo tangomana te gleale'a na. Naugna ghotilo ginauna nake bohou. Ghotilo te tanhi gognaro ra, ghotilo tangomana te gleale'a na. Naugna ghotilo ginauna nake maꞌeu.

Matiu 5:4

Keli tadi iheire te au diꞌanagnafa, mare ginauna nake gleꞌau. Naugna God ginauna fameomegodi.

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Profet Joel 2:12

Neuba, Lord ne cheke eghu, “Ghotilo naiknomi Israel. Neuba puhi biꞌo igre ne thoke ghami ghotilo, iara magnahaghei ghami ghotilo te figri tagrudi nakhibomi are mala ke pulo mei ka iara. Ghotilo falalase puhi igne ka puhi dangna, diꞌanagnafa nei tanhi.”

Profet Isaia 57:9

Leuleghu fata na ghotilo ghiha oel te famane siri keligna ka thinimi re mala tei tarai ka god Molek. Ghotilo kurudi nomi mae glokure mala tei ka keha kantri te khaba delei mala hiro mumuju god mala tarai tadi. Neubane ka Beku mare jaola tei hiro mei tagna.

Famane Khoje 1:3

Iara magnahagheni fara sisirigna oel igne te famane sisiri fara ka thinimu iagho na. Eghuteuna nanghamu iagho na jaola famane nonomho gna na jateula te siri mamahegna oel igne eghu. Tutuani fara, gaꞌase gre tangomana te magnahaghei nigho iagho fara na!

Luku 22:62

Aonu mae Pita jifla kosi ne tanhi ne srudu balu diꞌanagnafa.

Luku 7:37

Aonu, kaisei naikno biꞌo te gnognoro fara ne nomhini mae Jisas te ima teu ka suga tuana. Aonu naꞌa ne hata kaisei botol thina te fodu ka kholo te sisiri keligna.

Luku 7:39

Kate filoni igne, mae Simon ne au gaoghathogna ne cheke eghu, “Jame thofno mae profet mae igne na, mana jame laseni puhigna thau te haboni mana igne. Naugna naꞌa kaisei naikno gnognoro fara!”

Jone 11:2

Meri gne thau teke totofa sedi tifa ka ghahegna mae Jisas na ia. Naꞌa neke famomoja ka khaklagna thegna te brahure.