Luku 7:34 - Buka Blahi Ka Cheke Holo

³⁴ Eghuteuna kate thoke mei iara te ima nei koꞌu teuna, naiknore ne cheke eghu, ‘Filoni si ghotilo mae igne! Mana ima nei koꞌu teuna ngala te glepo ulu ka mana na! Eghuteuna, mae te diꞌa te salo takis nei keha mae te diꞌa la teu igre ngala te mae kheragna mana re.’

Luku 7:34 ပူးပေါင်းရင်းမြစ်များ

Luku 15:2

Hatimare mae Farasi nei mae velepuhigna vetula nogna mae Moses eghu filoni igne ne buiburi ne cheke eghu, “Mae igne fofodu baludi mae te diꞌa igre, eghuteuna tangomana te ghamu baludi mare!”

Jone 12:2

Mare ne tarabana kaisei gaghamu malagna mae Jisas jare. Eghuteuna Mafa ne toghodi mare ka tufagna gano na. Mae Lasaros gne kaisei mae ka mae teke ima balugna mae Jisas kau tevo na.

Luku 19:7

Naiknore ne kafe filoni igne ne funu buiburini mae Jisas ne cheke eghu, “Filo si ghotilo! Tahati laseni mae Sakias gne kaisei mae gnognoro fara, eghuteuna mae Jisas gne la mei ka sugagna mana na!”

Luku 14:1

Kaisei narane Sabat, mae Jisas ne tei ima ka sugagna kaisei mae biꞌodi hatimare mae Farasi. Naiknore ne fifilo fara ka mae Jisas mala filoni unha nate eni mana na.

Luku 7:36

Kaisei mae Farasi, nanghagna na mae Simon, mana ne toreni mae Jisas mala tei ima ka sugagna na. Eghuteuna mae Jisas ne tei ka sugagna mae igne ne gnokro soru ne ima.

Luku 5:29

Ke leghugna igne, mae Livae igne ne eni kaisei gaghamu biꞌo ranghini mae Jisas ka nogna suga na. Kmana naikno te diꞌa te salo takis nei keha naikno te diꞌa langau eghu ne khapru mala ghamu baludi phiamare.

Matiu 9:11

Kate filoni igne, keha mae ka hatimare mae Farasi gre ne cheke eghu ka nogna mae fanomho mana re, “Naugna unha si mana te ghamu baludi mae te diꞌa te mala salo takis nei keha naikno te diꞌa teu igrea?”

Jone 2:2

Hatimare ne toreni mae Jisas baludi nogna mae fanomhore mala au langau ka gaghamu tholaghi igne.

Luku 11:37

Ke leghugna te cheke te gnafa mae Jisas na, kaisei mae Farasi toreni mae Jisas mala tei ghamu ka nogna suga na. Aonu mae Jisas ne tei balugna mana ne gnokro soru ne ima.

Matiu 5:46

Jame te namhadi kolho ghotilo naikno te namha ghami themire, God ginauna na theome taba ghami ghotilo. Naugna mae te diꞌa te saosalo takis igre mare jaola eni tuana.

Matiu 11:19

Eghuteuna kate thoke mei iara te ghamu nei koꞌu teuna, naiknore cheke eghu, ‘Filoni si ghotilo ka mae igne! Ghamu nei koꞌu teuna ngala te glepo ulu fara ka mana na! Eghuteuna, mae te diꞌa te salo takis nei mae te diꞌa teu igre ngala kheragna mana re.’ Eghuteuna mare ginauna filoni nogna gaoghatho te keli God na kate thakle meidi unha te tutuani re.”

Luku 7:33

Kate mei mae Jone te theome ima nei theome koꞌu teuna naiknore ne cheke eghu, ‘Mae igne au kaisei naitu tagna signe.’

Luku 7:35

Eghuteuna mare ginauna na filoni nogna gaoghatho te keli God na kate thakle meidi unha glepo te tutuanire.”