Luku 7:24 - Buka Blahi Ka Cheke Holo

²⁴ Aonu, ke leghugna teke pulohi nogna mae fanomho mae Jone re, mae Jisas ne toutonu eigna mae Jone ka naiknore. Mana ne ghusna eghu ka mare, “Ghotilo teke tei kau namono nagou ia unha nafnata naikno teke tei filoni ghotilo jare na? Ghotilo neke tei mala filoni kaisei mae te ghatho peapea jateula fora te blele tafri kau nuri ia eghu? Theo!

Luku 7:24 ပူးပေါင်းရင်းမြစ်များ

Efesus 4:14

Kate kotu haghe te naikno biꞌo na, tahati ginauna theome jateula vaka te pala tafri ka nuri ba galo biꞌo ia eghu. Tahati ginauna theome tangomana te ghosei leghuni u nafnata farirhiu te chaichaghi na. Neuba hatimare mae velepuhi chaichaghi are ne magnahaghei chaghi ghita tahati kolho mala leghuni tahati nabrou te jafra na.

Luku 3:2

Eghuteuna mae Anas ghe mae Kaefas gre teke nodi mae pris biꞌo hatimare mae Jiu. Uve, kau narane tuana God neke cheke ka mae Jone thugna mae Sekaraea kate au teu mana ke lamnagna namono nagou na.

Luku 1:80

Aonu mae Jone ne biꞌo haghe ne rheta u gaoghathogna na. Mana ne tei ne au ka namono nagou na ne ghilei thokeni u narane te fufunu mana nogna gloku na ranghidi naiknodi Israel re.

Fapea Pita 3:17

Nu ghotilo kheraguro, ghotilo lasedihi u cheke igre. Reireghi fakeli ghami themi, na eghunu korho fadelei ghami nodi cheke mae te theome leghu vetula igre eghu, te eghu na ghotilo ginauna theome au heta ka mae Jisas.

Fapea Pita 2:17

Mae velepuhi chaichaghi igre jateula glokha te moja te theo khoꞌu ia eghu. Mare jateula khoveo te pala tafri ka nuri blahi ia eghu. God kulu tarabanahi kaisei vido te romno fara maladi mare.

Jone 1:23

Mae Jone ne cheke eghu ka mare, “Iara gne ngala mae teke cheke eghu mae profet Isaia tifa ia, ‘Kaisei mae na eha fabiꞌo ke lamnagna namono nagou na na cheke eghu: Noda mae funei na la meihi, tarabana nabrou mala meigna mana!’ ”

Jenesis 49:4

Nu puhimu iagho na mala jateula khoꞌu te britha te nheta fara te theome tangomana kaisei naikno te kegra fothini ia eghu. Eghume iagho theome nabamu te batudi hatimare mae thabusimu igre eghu, naugna iagho neke thuru fodu balugna fapea khetogna mae kmamu na. Iagho famamaja ghau iara fara kate eni iagho puhi te diꞌa fara igne.

Luku 7:23

Eghume, ihei te maku fabrahu ka iara nogna fatutuani na, mana ginauna na gleale'a fara.”

Luku 7:25

Ba neke tei mala filo unha? Mala filoni kaisei mae te pipichi pohe te famane? Theo! Ihei te pipichi nafnata pohe tuare au ka sugagna mae funei.