Luku 6:8 - Buka Blahi Ka Cheke Holo

⁸ Nu mae Jisas ne lasedi unha te ghathodi hatimare re ne cheke eghu ka mae te lehe khamegna na, “Kegra mei ke uludi naikno igre sagho.” Mana kegra haghe ne mei kegra jare.

Luku 6:8 ပူးပေါင်းရင်းမြစ်များ

Thakle 2:23

Iara ginauna jaola falehedi iheire te leghuni naꞌa re. Aonu khiloau te gnafare ginauna lase ghau iara te tangomana te filo glanidi unha te au ke lamnagna nagnafadi naikno te gnafare. Eghuteuna iara ginauna jaola foli fapulo ghami ghotilo hui leghuni ngala unha teke eni ghotilo na, te keli ba te diꞌa.

Matiu 9:4

Aonu, mae Jisas ne lasedi nagnafadi mare re ne cheke eghu, “Naugna unha site au mei ka nagnafami ghotilo re nafnata gaoghatho te diꞌa tuana ia?

Ululahu Pita 4:1

Kani au teku ka nauthoglu igne, mae Kraes neke au papara ka thinigna thegna. Ghotilo jame jaola au nafnata gaoghatho te au ka mana igne mala kegra heta. Naugna ihei te au papara na, mana ginauna theome tangomana te leghuni puhigna nakhibo na.

Hibru 4:13

Eghuteuna theo kaisei glepo kau nauthoglu gne tangomana te poru ka God. Gobigna lepore kakhana ngala ka mana. Eghuteuna kaisei narane tahati ginauna na chekedi ka mana unha teke edi tahati re.

Filipae 1:28

Eghuteuna thosei mhaghudi iheire te theome magnahaghei ghami ghotilo na, nu te keli na kegra maku koba. Te eni ghotilo tuana na, mare ginauna laseni te theo kaisei nodi nolaghi te mala falehe ghami ghotilo na. Nu mare ginauna laseni God ngala te au nolaghi te mala fakarhi ghami ghotilo na nei paradi mare.

Mae Khuru 26:26

Mae King Agripa lasedi glepo igre. Iara theome mamaja te cheke ka mana na. Te laseni iara na mana kafe nomhidi glepo igre naugna glepo igre neke theome edi ka vido te poru.

Mae Khuru 20:24

Nu iara theome nanga noguni nakarhagu na. Naugna glepo te ulu na te mala eni fagnafa iara u gloku mala eni iara teku teke tusu mei ka iara noda Lord Jisas. Gloku igne mala toutonuni iara ka naiknore eigna nogna namha biꞌo God.

Jone 21:17

Fatilo fata na mae Jisas neke cheke eghu la ka mae Pita, “Simon, thugna Jone, iagho namha ghau iara ngau sia?” Mae Pita ne diꞌanagnafa gna fara naugna mae Jisas ne thilo fata cheke eghu ka mana, “Iagho namha ghau iara ngau sia?” teuna. Eghume, mae Pita ne cheke eghu ka mana, “Lord, iagho lasedihi gobigna lepore. Iagho lase ghau iara te thofno namha nigho na.” Mae Jisas ne cheke eghu ka mae Pita, “Reireghidi gnafa nogu naikno iara jateula sipu teu igre.”

Jone 9:4

Kani phae ngau narane gne edi tahati nogna gloku God mae teke kuru mei ghau iara na. Naugna bongi na la namo meihi. Eghuteuna theome tangomana kaisei naikno te loku kate romno na.

Jone 2:25

Neubane theo kaisei naikno te cheke fajiflani kaisei glepo ka mana eidi naiknore, mana kulu lasedihi unha te au ka gaoghathodi naiknore.

Luku 5:22

Nu mae Jisas lasedi ngala gaoghathodi mare re ne cheke eghu, “Naugna unha site au mei nafnata ghaoghatho igre ke lamnami ghotilo gnea?

Profet Isaia 42:4

Gaoghathogna mana na ginauna theome glaꞌe soru, ba theome babaꞌo, ghilei thokeni narane nate fadoglidi mana puhidi naikno te gnafa heva te heva ka nauthoglu igne. Eghuteuna naikno te au ka kantri te khaba igre, ginauna ofoniu te mala nomhini nogna farirhiu mana na.”

Nodi Khoje Hatimare Mae Jiu 44:21

tutuani fara, iagho laseni ngala glepo igne, naugna iagho lasedi gaoghatho te poru teu ka ghehati gre.

Thoutonu Eigna Mae Job 42:2

“Iara lase nigho iagho te au nolaghi fateote'o na, eghuteuna iagho tangomana te edi gobigna lepo te ghathodi iagho re.

Ululahu Kronikols 29:17

Iara laseni, nogu God, iagho fariuriudi gaoghathodi nou naiknore, eghuteuna iagho glealeꞌa baludi naikno te leghuni puhi te doglo na. Ka puhi te doglo kolho, iara magnahagheni fara te tusu ari gobigna lepo igre ka iagho. Iara la filonihi eigna nou naikno iagho igre, mare magnahaghei fara te tusu ari glepo igre ka iagho.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Luku 6:9

Mae Jisas ne ghusna eghu ka hatimare mae Farasi nei mae velepuhigna vetula nogna mae Moses, “Ba, unha gne te snakreni ka vetula na te mala eni tahati kau narane Sabat na? Snakre ghita tahati mala toghoni naikno, ba mala fadiꞌani naikno? Mala fakarhani naikno ba lisa laoni mala lehe naikno na?”

Nonomho Te Keli Teke Risoi Mae Mak 3:3

Mae Jisas ne cheke eghu ka mae te lehe khamegna na, “Mei sagho, kegra haghe agne ke ulumi ghehati gnafa.”

Luku 13:12

Kate filoni naꞌa na, mae Jisas ne kiloni naꞌa ne cheke eghu ka naꞌa, “Naikno biꞌo, iagho la snaglahi ka fogra teke fadiꞌa nigho na!”