Luku 6:6 - Buka Blahi Ka Cheke Holo

⁶ Ka keha narane Sabat na, mae Jisas tei ne ruma ka suga tharai na ne farirhiudi naiknore. Eghuteuna, kaisei mae te lehe khame nhetagna na au neu jare.

Luku 6:6 ပူးပေါင်းရင်းမြစ်များ

Jone 5:3

Kmana naikno thuru ka suga tuare. Naikno igre au kmana nafnata khabru tadi. Kehare dofu, kehare lehehi ghahedire nei kehare blughu. Engel nogna Lord na soru mei leuleghu fata mala fakaploni kholo tuana.

Luku 4:31

Mae Jisas neke tei Kapanam, kaisei namono biꞌo ka Provins Galili. Leuleghu narane Sabat na mae Jisas ne farirhiudi naiknore.

Luku 4:16

Ke leghugna igne mae Jisas neke tei Nasaret, ka namono aheva mana teke biꞌo haghe na. Leuleghu narane Sabat na, mana tei koba ka suga tharai na. Kaisei narane Sabat, mana kegra haghe ne iu'iju u grioriso te blahi na ranghidi naiknore.

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Jone 9:16

Eghuteuna, keha mae Farasi re ne cheke eghu, “Mae teke eni igne neke theome mei funu ka God, naugna mana ne theome leghuni vetula gna narane Sabat.” Nu keha mae re ne cheke eghu, “Jame mae teke eni igne mana mae diꞌa meuna, mana jame theome tangomana te edi kofubobhoi igre.” Mae Farasire ne theome kaisei gaoghatho eigna mae Jisas.

Luku 14:3

Hatimare mae Farasi nei hatimare mae velepuhigna vetula nogna mae Moses eghu ne aula jare. Aonu mae Jisas ne kulu ghusna eghu ka mare, “Ba, vetula na snakre ghita tahati te mala fakeli naikno te fogra ka narane Sabat ba theo?”

Luku 13:10

Kaisei narane Sabat, mae Jisas farirhiudi neu naiknore ke lamnagna kaisei suga tharai.

Luku 6:1

Kaisei narane Sabat, nodi narane blahi mae Jiu, mae Jisas ne leghu nabrou ne sala'u ka nagare sopho na. Nogna mae fanomhore ne ukli keha sopho ne koko khunedire ne ghamu.

Ululahu Kings 13:4

Kate nomhini King Jeroboam unha te chekeni nogna mae gloku God eigna olta igne, mana kegra neu rhegna olta na ne ngafa haghe khamegna na ne tusu lao ka mae profet igne, ne cheke eghu, “Lokini mae tuana!” Nu khamegna mae Jeroboam teke tusu lao ka mae profet igne megeinga ne lehe, ne theome tangomana te glomno na.

Profet Sekaraea 11:17

“Kokhoni ni fara mae ihei te tirogna reireghidi sipu re tuana! Uve, nabagna na mae tuana mei armi mala goigoni ni mana! Nabagna na mei naflahi mala kusu khamegna na! Nabagna na bilo koko tathagna fei nheta na mala dofu mana!”

Luku 6:5

Mae Jisas neke cheke eghu ka mare, “Iara mae teke mei funu ka God gne ngala mae funei gna narane Sabat na.”