Luku 6:37 - Buka Blahi Ka Cheke Holo

³⁷ Mae Jisas ne cheke eghu, “Thosei fateni ihei, na eghunu ke fate ghami God eghu. Thosei fathoroni ihei na, na eghunu ke fathoro ghami God eghu. Eghuteuna ghotilo hata fadelei nakhibodi keha naiknore mala nu ke hata fadelei langau God nakhibomire eghu.

Luku 6:37 ပူးပေါင်းရင်းမြစ်များ

Efesus 4:32

Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Jemes 5:9

Kheraguro, thosei khuru cheke fari themi naugna na eghunu fate ghami God eghu. Naugna u narane te mala ke pulo mei mana te fatedi naikno te gnafare la thono namo hi.

Nonomho Te Keli Teke Risoi Mae Mak 11:25

Eghuteuna kate tarai na, jame ghotilo diꞌatami ranghini kaisei naikno, ghotilo kulu hata fadelei ghu nakhibogna mae ihei teke diꞌa tamuni na eghu. Jame te eghu na, mae Kmami ghotilo te au kligna na ginauna hata fadelei nakhibomi ghotilo re.

Kolose 3:13

Eghuteuna kate au nogna puhi fadiadiꞌa kaisei naikno ka ghotilo ranghini kheragna fofodu na, te keli na phiamare thosei magra, nu hata koko nakhibo fari thedi. Naugna Lord neke hata kokodi nakhibomi ghotilo re, jateula tuana eghu ghotilo mala hata koko nakhibo fari themi.

Matiu 5:7

Keli tadi iheire te namhadi nei lolokelidi teu keha naiknore. Naugna God ginauna jaola nake namhadi nei lolokelidi eghu mare.

Profet Isaia 65:5

Aonu ghotilo cheke eghu ka keha naiknore, ‘Ghotilo thosei mei namo ka ghehati, naugna ghehati gne thono blahi fara!’ Iara theome magnahagheni nafnata puhi te eni ghotilo igne. Uve, diꞌatagu iara ka ghotilo na thono brana fara jateula khaꞌaghi te theome lehe ia eghu!

Matiu 18:30

“Mae gloku ululahu igne ne tirogna fanomho ka unha te chekeni mana na. Aonu mana ne koko laoni mae kheragna na ka suga sosolo mala ke ghilei tughu fahui mana gobigna lepo teke kaoni mana re.

Luku 6:36

Ghotilo lolokeli nei kokhonidi eghu naikno te gnafare jateula mae Kmami ghotilo te au kligna te lolokeli nei kokhonidi teu naikno te gnafare.”

Luku 23:16

Eghume iara na chekedi mae soldia ra mala purini mana, eghuteuna iara ginauna na snakreni mana mala tei nogna.”

Mae Khuru 3:13

Nodi God mae ku'edara, nodi God mae Ebraham, nei mae Isak, nei mae Jekop neke eni te filoni ghotilo igne mala fafnaknoni tahati nanghagna nogna mae gloku Thugna Jisas. Nu ghotilo neke snakreni mana ka khamedi goro mae biꞌo re. Neuba mae Paelat ne ghaoghatho mala snakre fajiflani mae Jisas, ghotilo te chekeni ka mae Paelat na ghotilo theome magnahagheni mana.

Jemes 2:13

Kau narane fate na God ginauna na theome kokhonidi naikno te theome kokhonidi keha naiknore. Eghuteuna God ginauna na jateula tuana eghu kokhonidi naikno te kokhonidi keha naiknore.