Luku 6:35 - Buka Blahi Ka Cheke Holo

³⁵ “Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.

Luku 6:35 ပူးပေါင်းရင်းမြစ်များ

Jone 13:35

Te fari namhai ghotilo na, keha naiknore ginauna lase ghami ghotilo te nogu mae fanomho tutuani iara na.’ ”

Proveb 19:17

Kate namhani nei toghoni teu iagho naikno te kuma na, Lord ginauna taba nigho eidi unha teke edi iagho re.

Nodi Khoje Hatimare Mae Jiu 145:9

Leuleghu fata na thono keli fara ranghi ghita hui, nei mana tangomana te kokhoni ghita na eghu.

Proveb 22:9

Mae te tufa gano ka mae te kuma na, ginauna kelitagna fara.

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Nodi Khoje Hatimare Mae Jiu 112:5

Ihei te eni bisnis ka puhi te doglo na, nei snakreni kaoni na ka keha naiknore teuna, mae igne keli tagna fara.

Jone 15:8

Kate ure sisi kmana ka ghotilo na, ghotilo falalase ghami themi te nogu mae fanomho tutuani iara na. Eghuteuna naiknore ginauna filoni ka ghotilo nogna nolaghi biꞌo mae Mama na.

Nodi Khoje Hatimare Mae Jiu 37:26

Leuleghu fata na mana tufa glepo koba ka keha naiknore ka nagnafa te lolokeli. Eghuteuna mana thono keli tagna fara te au thugna na. Naugna God neke tusu lao sua igre ka mana.

Mae Khuru 14:17

Neubane eghu ngau, mana leuleghu fata na lolokelidi naiknore nei fatakleni thegna ranghidi. Uve, mana neke tusu ranghi ghami ghotilo nakhete te soru mei kau maloa gne, nei nhigra mala fabruara gano. Mana jaola tusu ranghi ghami ghotilo kmana gano, nei faglealeꞌadi nagnafami ghotilo re.”

Luku 1:32

Mana ginauna na kaisei mae funei biꞌo nei mare na kiloni mana ‘Thugna God mae te nolaghi te au kligna.’ Noda Lord God ginauna na tusu ranghini mana sapegna funei na mala jateula mae ku'egna King Devet eghu.

Nonomho Te Keli Teke Risoi Mae Mak 5:7

Eghuteuna mae Jisas ne cheke eghu, “Iagho naitu, jifla mei ka mana!” Aonu, mana ne eha eghu fabiꞌo, “Jisas, Thugna God ka maloa kligna! Iagho ginauna na faꞌunha ghau iara sia? Ka nanghagna God iara tore mala thosei para ghau iara!”

Nodi Khoje Hatimare Mae Jiu 58:11

Naiknore ginauna cheke eghu, “Tutuani fara! God na tabadi naikno te keli re. Eghuteuna mana au na fatedi naiknogna nauthoglu igne!”

Matiu 5:9

Keli tadi iheire te loku eigna na au muana ke lamnadi iheire te magra. Naugna God ginauna kilodi goro thugna.

Luku 6:36

Ghotilo lolokeli nei kokhonidi eghu naikno te gnafare jateula mae Kmami ghotilo te au kligna te lolokeli nei kokhonidi teu naikno te gnafare.”

Fapea Timoti 3:2

Ka narane tuare naiknore ginauna ghathodi thedi kolho, nei magnahaghei sileni fara. Mare ginauna fahaehaghe nei fabiꞌobiꞌo fara, eghuteuna mare ginauna cheke fadiꞌadi keha naiknore. Mare ginauna theome leghudi idodi ba kmadire. Naiknore ginauna theome tegio ka God ba theome nafnata naikno God te magnahagheni.