Luku 6:19 - Buka Blahi Ka Cheke Holo

¹⁹ Naiknore ne magnahaghei te mei te kafe haboni mae Jisas, naugna mare filoni nogna nolaghi God na au ka mana ne jifla mei ka mana ne kafe fakelidi.

Luku 6:19 ပူးပေါင်းရင်းမြစ်များ

Matiu 14:36

Mare toreni mae Jisas mala snakredi mala habo kolho ka khukrudi nogna pohere, mala ke keli fapulo nodi. Aonu naikno te gnafa teke habo ka nogna pohe mana re neke keli fapulo.

Nonomho Te Keli Teke Risoi Mae Mak 3:10

Mana neke fakelidi kmana naikno te fogra. Naugna igne naikno te fogra igre ne kafe thugha mei ka mana mala haboni mana.

Nonomho Te Keli Teke Risoi Mae Mak 6:56

Mae Jisas ne tei ka namono biꞌo, namono ikodi nei mata eghu te au ka nohi tuana. Eghuteuna aheva te tei mana na naiknore hata ne mei ka mana naikno te fogra re ne lilisei farihotei glalaba. Mare toreni mae Jisas mala snakredi habo kolho ka khukrudi nogna pohere, mala ke keli fapulo nodi. Aonu naikno te gnafa teke habo ka nogna pohe mana re neke keli fapulo.

Nonomho Te Keli Teke Risoi Mae Mak 5:30

Kau vido tuana, mae Jisas ghosei ne haimini nolaghi te jifla mei ka mana. Aonu mana kegra snoto ne figri faleghu ka naiknore ne ghusna eghu, “Ihei site habo ka nogu phoko iara gnea?”

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Nonomho Te Keli Teke Risoi Mae Mak 8:22

Kate mei thoke mare ka namono Betsaeda na, keha naiknore hata ne mei kaisei mae te dofu ka mae Jisas, ne toreni mana mala haboni mala fakelini mae te dofu na.

Mae Khuru 19:12

Keha naiknore ne hata susurunavi ba pohe teke au ka thinigna mae Pol re mala nhaꞌa lao ke klignadi naikno te fogra re. Kate edi mare igre, naikno te fogra re neke keli fapulo, eghuteuna naitu teke au ka naiknore ne rikha.

Luku 5:17

Kaisei narane mae Jisas farirhiudi naiknore ka suga na. Eghuteuna keha mae Farasi, nei jaola keha mae velepuhi eghu au neu jare. Mae igre mei funudi ka namono te gnafa ka Provins Galili, nei funudi ka Provins Judia, nei ka namono Jerusalem. God ne tusu lao nolaghi ka mae Jisas mala fakelidi naikno te fogra re.

Fapea Kings 13:21

Kaisei fata, keha naiknodi Israel pala kaisei thini mala tei giugilu. Eghuteuna mare ne filoni kaisei tothoghei soldia gna Moab ne mei, aonu mare ne koko sukha thini igne ka beku gna profet Elisa na ne rikha nodi. Nu kate tei te loku fodu thini igne ka nhubra gna mae Elisa gre, thini igne neke karha fapulo ne kegra haghe!

Luku 6:18

Mare ne kafe mei mala fanomho ka mae Jisas, eghuteuna mare mei fakelidi mana khabru te au ka thinidire. Mae Jisas neke fakelidi nei jaola fakelidi naikno te au naitu.