Luku 6:11 - Buka Blahi Ka Cheke Holo

¹¹ Hatimare mae Farasi nei hatimare mae velepuhigna vetula nogna mae Moses eghu re ne thono diꞌa tadi. Mare ne cheke eghu fari thedi, “Na faꞌunhani si tahati mae Jisas gnea?”

Luku 6:11 ပူးပေါင်းရင်းမြစ်များ

Mae Khuru 5:33

Kate nomhini igne, hatimare mae mala fate ne thono ngingiridi fara ne magnahaghei falehedi mae khurure.

Eklesiasti 9:3

Mare te gnafa na ginauna lehe kolho. Igne kaisei glepo te diꞌa te eni ka nauthoglu igne. Eghume kate karha teu mare ka nauthoglu igne, mare fodu salaꞌui ka gaoghatho te diꞌa, nei ka puhi te fameomekro. Ke leghu mare na tei ka namonodi naikno te lehe ra.

Mae Khuru 26:11

Leuleghu namono na iara ruma ke lamnadi suga tharai are paradi koba nei fariuriu mala cheke fadiꞌani mare mae Jisas. Iara neke thono diꞌatagudi fara mare. Aonu iara neke tei ka keha namono te au ke kosigna namono igne mala tei hirodi nei paradi eghu.”

Mae Khuru 7:54

Kate nomhidi mae biꞌodi mae Jiure cheke mae Stivin igre, mare ne diꞌa tadi ne thono ngingiridi fara ka mae Stivin.

Mae Khuru 4:19

Nu mae Pita ghe mae Jone ne cheke eghu ka mare, “Ghaoghatho fakeli si ghotilo, ba, aheva nga gne te magnahagheni God na? Leghu ghami ghotilo ba leghuni God?

Mae Khuru 4:15

Ke leghugna te cheke hatimare mae biꞌo re ka thilomare te mala jifla ghu ka faidu na, mare ne funu roghe fari thedi eigna igne.

Jone 11:47

Aonu, hatimare mae Farasi baludi mae pris ulure ne kilo fodudi goro mae biꞌo re ne eni kaisei faidu. Mare ne cheke eghu, “Na faꞌunhani si tahati mae ignea? Naugna mana edi kmana nafnata kofubobhoi fara.

Jone 7:1

Ke leghugna igne, mae Jisas neke teitei ke lamnagna Provins Galili. Mana ne tirogna teitei ka Provins Judia, naugna mae biꞌodi mae Jiu te au jare re ne ofo mala faleheni mana.

Luku 4:28

Kate nomhidi mare cheke te edi mae Jisas igre, mare te gnafa te au ke lamnagna suga tharai na ne kafe diꞌa tadi fara ka mana.

Matiu 21:45

Hatimare mae pris ulu nei hatimare mae Farasi nomhidi cheke naba te edi mae Jisas igre. Mare laseni mana chekedi kolho mare.

Matiu 16:7

Mae fanomhore ne cheke eghu farithedi, “Mana jame cheke eghu naugna tahati theome hata baluda keha bret.”

Luku 6:10

Mae Jisas ne efra faligoho ka mare gnafa, ne cheke eghu ka mae te lehe khamegna na, “Ngafa haghe khamemu ana.” Mana ngafa haghe khamegna na neke keli fapulo.

Luku 6:12

Kaisei narane ke leghugna igne, mae Jisas ne haghe ka kaisei thogele ne tarai fabrahu ka God. Mana au jare fabrahu bongi tuana.

Fapea Timoti 3:9

Nu puhi te diꞌa te eni mare igne ginauna theome au raugha kolho na te mala chaghidi naiknore. Theo. Naugna naiknore ginauna filo glanidi puhidi mare te theome raꞌe kelire, jateula mare teke filo glanidi puhidi mae Janisi ghe mae Jabrisi tifa ra eghu.