Luku 5:22 - Buka Blahi Ka Cheke Holo

²² Nu mae Jisas lasedi ngala gaoghathodi mare re ne cheke eghu, “Naugna unha site au mei nafnata ghaoghatho igre ke lamnami ghotilo gnea?

Luku 5:22 ပူးပေါင်းရင်းမြစ်များ

Luku 24:38

Nu mae Jisas ne cheke eghu ka mare, “Naugna unha site mhaghu fara ghotilo gnea? Thosei ghatho peapea. Iara ngala.

Mae Khuru 5:3

Ke leghugna igne, mae Pita ne filoni mae Ananias ne cheke eghu ka mana, “Ghema Ananias, naugna unha sagho te snakreni mae Satan te batu fadiꞌani nagnafamu na te chaghini mae Tharunga te Blahi gnea? Naugna unha sagho te tathaji teu malamu themu keha vidogna sileni gnea?

Nonomho Te Keli Teke Risoi Mae Mak 8:17

Mae Jisas ne laseni unha te ghathoni mare na ne cheke eghu ka mare, “Naugna unha site nanga nomi fara ghotilo gnea, ba te theome hata gano gne? Ba theome filoni nei laseni eghu ngala si ghotilo gnea? Ba theome glolau ngala ka nagnafami ghotilo re signea?

Matiu 12:25

Mae Jisas ne lasedi unha te au kau nagnafadi mae Farasi gre, ne cheke eghu ka mare, “Jame naiknogna kaisei namono mare magra fari thedi, namono tuana ginauna groꞌe kolho. Jame kaisei tharakna ba naiknogna kaisei namono biꞌo mare magra fari thedi, mare ginauna na theome au fakeli kolho.

Matiu 9:4

Aonu, mae Jisas ne lasedi nagnafadi mare re ne cheke eghu, “Naugna unha site au mei ka nagnafami ghotilo re nafnata gaoghatho te diꞌa tuana ia?

Profet Isaia 66:18

Lord ne cheke eghu, “Iara lasedihi gaoghathodi nei puhidi teu naikno igre. Eghume narane te mala loku fodudi iara naiknodi kantri te gnafa nei cheke te gnafa teu igre la namo thoke meihi. Kate kafe loku fodu meidi iara naikno te gnafa igre na, mare ginauna filoni naphaegna nogu nolaghi biꞌo iara na.

Nodi Khoje Hatimare Mae Jiu 139:2

Iagho la kulu lasedihi gobigna lepo teke edi iara ra. Neuba iagho ne au neu delei fara, iagho la kulu lasedihi gaoghathogu te gnafa iara re.

Thakle 2:23

Iara ginauna jaola falehedi iheire te leghuni naꞌa re. Aonu khiloau te gnafare ginauna lase ghau iara te tangomana te filo glanidi unha te au ke lamnagna nagnafadi naikno te gnafare. Eghuteuna iara ginauna jaola foli fapulo ghami ghotilo hui leghuni ngala unha teke eni ghotilo na, te keli ba te diꞌa.

Hibru 4:12

Chekegna God na karha nei fodu kau nolaghi. Thono fnonu piepile fara jateula u naflahi kavara eghu. Thono churu tei fara lamna ka gaoghathogna nei karhagna eghu naikno na. Chekegna God na tangomana te ruma te fatedi unha te au ka gaoghathodi nei nagnafadi teu naiknore jateula u naflahi kavara te thono tei lamna farihotei thududi nei nhubragna teu mana re.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Profet Esikiel 38:10

“Lord God neke cheke eghu: Kate thoke mei narane tuana, kaisei gaoghatho te diꞌa ginauna mei ka iagho, eghuteuna iagho ginauna na eni kaisei gaoghatho te thono diꞌa fara.

Proveb 15:26

Lord na theome magnahagheni gaoghatho te diꞌa na. Nu cheke te keli na, gae ka tathagna mana na.

Matiu 12:15

Kate laseni mae Jisas te magnahaghei faleheni mare na, mana ne jifla kokoni vido tuana. Eghuteuna kmana naikno ne tei balugna mana, nu mana kafe fakelidi ne hui naikno te fogra re.

Luku 5:21

Aonu hatimare mae velepuhigna vetula nogna mae Moses, nei hatimare mae Farasi eghu re ne funu cheke eghu kau gaoghathodire, “Mae ihei si mae ignea? Mae igne cheke faparini God signe. Theo kaisei naikno te tangomana te mala hata fadelei nakhibo na, kaisei thegna God ngala!”

Luku 5:23

Thono bligi fara te cheke eghu na, ‘Thuguo, iara la hata fadeleihi nakhibomu iagho re teuna’, naugna theo kaisei naikno tangomana te filoni te au nolaghi iara te mala eni gloku igne na. Nu ninhigrana fara te cheke eghu na, ‘Kegra haghe, hata nou sape na tei teuna,’ naugna naikno na tangomana te filoni jame te au nolaghi iara te mala eni tuana na.