Luku 4:5 - Buka Blahi Ka Cheke Holo

⁵ Aonu mae Satan ne batuni mae Jisas ne haghe ka thogele brahu na. Ka vido tuana, mae Satan ne fatakle ka mana provins te gnafa kau nauthoglu gne.

Luku 4:5 ပူးပေါင်းရင်းမြစ်များ

Efesus 6:12

Tahati theome magrini nogna nanheta nei glalase eghu naikno kolho, nu tahati magrani mae Satan nei nogna nolaghi. Tutuani fara, tahati magridi naitu ka maloa gne nei keha nafnata nolaghi te au ka nauthoglu te romno te funei frunini mae Satan igne.

Matiu 4:8

Ke leghugna igne, Satan ne hatani mae Jisas ne haghe kau khekelegna thogele te brahu na. Satan ne tathakle ka mana thuagna namono biꞌo fateo gna nauthoglu igne nei nodi nafnakno fateote'o.

Nodi Khoje Hatimare Mae Jiu 73:19

Iagho ginauna ghosei goigonidi kolho naikno tuare, eghuteuna glehedire naikno tuare ginauna thono diꞌa fara.

Thoutonu Eigna Mae Job 20:5

naikno te diꞌa igre tangomana te glealeꞌa katha vido kmoꞌei kolho.

Efesus 2:2

Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.

Fapea Korin 4:17

Ghehati au papara katha vido te kmoꞌei kolho gognaro na, nu hoholo igne mala togho ghami mala hatani u nakarha te keli te theo ka huigna na ka God kligna! Nakarha igne ke uluni hoholo tuana.

Matiu 24:14

Mare ginauna jifla tei toutonuni Nonomho te Keli eigna nafnata puhi God nate funei frunidi nogna naiknore. Mare ginauna toutonuni igne heva heva ke lamnagna nauthoglu igne ka naikno te gnafare. Aonu, ame thoke mei nga narane leghu lahu na eghu.”